ফেক এসটি সার্টিফিকেট অৗমরৗউ কো বিরুধরে দক্ষিন দিনাজপুররে আদিবাসী কল্যান সমিতি আঃ ব্লক কুমুট বেনাও রাকাব কৗমি হরা কাজাক তে চালাঃ কানা

আবোওয়াঃ ডিজিটাল ডেস্ক-  ফেক এসটি সার্টিফিকেট অৗমরৗউ কো হুতি জম লেকা গটা আদিবাসী সমাজ গেকো জম ইদিয়েদা। আদিবাসী কোওয়াঃ সংবিধান রেনাঃ সানাম লেকান জুড়ু অ-আদিবাসিকো ছিনগৗও হাতাও এদা। অনাতে সৗরিন আদিবাসি কো সেচেৎ, চৗকরি সাঁওতে আরহঁ আয়মা লেকান ঠাঁওরে আদিবাসী কো আকোওয়াঃ আইদৗর কহঁ বাংকো ঞাম এদা মেনতে নংকাগে অভিযোগ এ রাকাব কেদা ওয়েস্ট বেঙ্গল সিডিউল্ড ট্রাইব ওয়েলফেয়ার অ্যাসোসিয়েশন।

অ্যাসোসিয়েশন পাহটা খন বাডায় আকানা ঘানে ঘানে নানাহুনৗর হৗটিঞরেন আধিকারিক কো বাডায় অচোকাতেহঁ কাথায় অনকান নাপায় অরসং বাংকো ঞাম আকাদা। নঁতে আরহঁ অভিযোগ রাকাব কানা বাংমা সরকার যেভাবতে অ-আদিবাসীকো তালারে এসটি সার্টিফিকেট এ এমাকো কানা তাতে আদিবাসী কহঁ অনা ঘটন কদ আদিবাসী নাশাও রেনাঃ গে নিশৗন কো ঞেল ঞামেদা। আদিবাসি কো তালারেহঁ নোওয়াকো ইদিকাতে রৗগি কাঁহিশ দিন দিনতে বৗড়তি ইদি কানা।

নংকান নিশড়ৗও অচোকান রেনাঃ রড়দারামতে দক্ষিন দিনাজপুররেন সানাম আদিবাসী মিৎ জোট কো এহব আকাদা। পারমেন ৬ অক্টোবর আর ৯ অক্টোবর কুমারগঞ্জরে ব্লক কুমুট বেনাও রাকাব আকানা। সিধু-কানু-বীরসা মুন্ডারেন প-পংড়াকো নুনৗ আলগাতে যে বাংকো আড়াঃ গঃ কাঃআ অনাদ নংকান চিতৗর খনগে আয় উমৗনঃ কানা।