বৗইসি লেকাতে "আতো বাড় সে দিশম বাড় দ শুধরৗও রেনাঃ মিৎ হরা" অৗগিল হাপড়াম কোওয়াঃ সাঁওতা অৗরি লেকাতে নংকান বাড় রেনাঃ লৗগতি মেনাঃ আ সে লৗগতি বৗনুঃ আ-

অল তালাতে কাথা রাপাচাঃ-

সাতাম- বৗইসি লেকাতে "আতো বাড় সে দিশম বাড় দ শুধরৗও রেনাঃ মিৎ হরা" অৗগিল হাপড়াম কোওয়াঃ সাঁওতা অৗরি লেকাতে নংকান বাড় রেনাঃ লৗগতি মেনাঃ আ সে লৗগতি বৗনুঃ আ-

বাং পাহটা- লৗগতি বৗনুঃ আ

মধুসূদন হাঁসদা

জহার জাহের এরা, মারাং বুরু, মঁড়ে ক তুরুয় ক ৷ জহার মাড়াং আকান আগিল হাড়াম-হাপড়াম, জহার টলা-পাড়া-আতো মাঝি-মাপাজী, জহার দেশ-দিশম-বিদেশ পেড়া হড় ক ৷

"শুক-শুলুক আর রৗস্কৗ রে তাহেন যতম মৗনমি গেবন খজা " নোআ কাথা দ যত কগেবন উইহৗরা, অনাতে মিৎটাং মৗনমি আজ্ নাপায় তাহেন লৗগিৎ আজাঃ ঘারঞ্জ নাপায় দহ লৗগিৎ নাপায়ে উইহৗরা নোআ গে স্বাভাবিক কানা... অনকা গে সান্তাড় আতরেন মিৎ মাঝি আজাঃ আত নিরলৗ রে দহয় লৗগিৎ বুগিয় উইহৗরা, পুড়সি মাঝি আজাঃ আত নাপায় রে দহয় রিকৗয়া, পিড় পারগানা, মুলুক পারগানা, তল্লাট পারগানা, পনত পারগানা, দিশম পারগানা নুকু কহঁ আক আকোয়াঃ এলাকা ভাগে রে দহয় রেনাঃ গেক রিকৗয়া আর নোআ আবোয়াঃ সান্তাড় সাঁওতা নাপায় রে দহয় লৗগিৎ খান সাঁওতা রেন হড় কহঁ নাসে শষনঃ (least governance) রে দহ লৗকতি মেনাঃ আ, মেনখান 'বাড়' দ নাসে শষণঃ (least governance) রে দ বাং পাড়াঃ কানা আর হানে তিস খন চ নোআ বাড় শষণঃ সানতাড় সাঁওতা রে গুরলৗঃ কান গেয়া ৷ তবে বাড় দ নিত ধৗবিজ্ তে সান্তাড় সাঁওতা রেনাঃ নাপায় বাং এ কৗমি আকাদা সে সান্তাড় সাঁওতা রেন হড় ক বাং এ শুধরৗও আকাৎ কোওয়া, বরং চ সাঁওতা নাসাও রেনাঃ হরা রেগে পৗউড়িয় গিডিয়েদা.....৷

সাঁওতা শুধরৗও লৗগিৎ তে শষনঃ রেনাঃ লৗক্তি মেনাঃ আ মেনখান হিরকৗ শষণঃ দ বাং সরেশ শষণঃ রেনাঃ লৗক্তি মেনাঃ আ ৷ 'বাড়' হানে পৗহিল খন আজাঃ রুপ বাং এ বদল আকাৎ তে নাহাঃ যুগ রেদ হিরকৗ শষণঃ রেয় লেখাঃ কানা, চেদাঃ সে --

১. বাড় রেনাঃ নেয়াম-নেমাচার (আইন) বৗনুঃ আ

২. বাড় চেৎ খৗতির লৗঘুঃ আ অজে বৗনুঃ আ

৩. বাড় রেনাঃ ফুরৗন রে জখা বৗনুঃ আ

৪. বাড় রে নিজেরেন ক সাসেৎ রে সিমৗ বৗনুঃ আ

৫. বাড় রে আত মাঝি খন দিশম মাঝি হাবিজ্ কাথা-রপড় বৗনুঃ আ

৬. দিকু/ছৗতিক সমাজ বাড় রে সানতাড় সাঁওতা রেন হড়াঃ মচা বৗনুঃ আ

৭. দিকু-ছৗতিক সানতাড় সাঁওতা রেনাঃ মৗন-মহত-ইজ্জত ক লটমা উনকু লৗগিৎ বাড় বৗনুঃ আ, মাঝি হপন নাসেনাঃ এ দোষ লেখান পিড়হি পিড়হি ক ভুগাঃ আ (এমান তেয়াঃ)

তবে বাড় দ চেৎ রেনাঃ শাষণেম উদুঃ এদা ??? অকয় ঠেনেম উদুঃ এদা ??? বাড় বেগর সান্তাড় সাঁওতা রে এটাঃ শাষণ হরা বৗনুঃ আ ??? উইহৗর মেসে জাহের বঁগা সান্তাড় -

দৗইকা - মিৎ সান্তাড় আত রে মিৎ ঘারঞ্জ ক বাড় কেদেয়া ৷ অনা আত রে মিৎ হড় এ গজ্ এনা ৷ বাড় আকান ঘারঞ্জ দ ছুত-বুকুত সে ভাঁডান রেহঁ বাং ক হহ আদেয়া, এনখান মা অনা ঘারঞ্জ দ ছুত গে তাহেয়েনা ..... আব বন বাডায়া সের্মা রে গেলবার গটাং বঁগা-বুরু, পরব-পিহৗ বন মানাও আ, বাড় খৗতির আত রে মিৎ ঘারঞ্জ মা ছুত রে মেনায়া, তবে ছুত তাহেন তুলুজ্ চিকৗতে আতরে বঁগা-বুরু পরব-পিহৗ বন মানাও আ ??? Barh (বাড়) is a heinous decision for the SANTAL society.

-জোহার