দেবেন্দ্রনাথ হেম্ব্রম, তমলুকঃ- সবং সজনী কলেজ রেন অ্যাসিস্টেন্ট প্রফেশর মানতৗনিয়ৗ পাপিয়া মান্ডি, অনা কলেজ রেনগে আর মিৎ প্রফেশর নির্মল বেরা ‘ আদিবাসীরা গাছে গাছে ঝুলে বেড়ায়’ নংকান কাথা রড় তালাতে মানিচ মান্ডি জৗত ইদি কাতে এ অপমান লেদেয়া। অনা ঘটন লৗইতে মানিচ মান্ডি কলেজ রেন প্রিন্সিপাল হঁয় বাডায় অচোলেদেয়া।
অনাবেগর পারমেন ২২ সেপ্টেম্বর, ওয়েস্ট বেঙ্গল সিডিউল্ড ওয়েল ফেয়ার অ্যাসোসিয়েশন আর সানতাড় প্রফেশর অ্যাসোসিয়েশন সাঁওতে আরহঁ আয়মা সংগঠন আতে সবং সজনী কলেজ রেন চাচালাও কো সাঁও সৗলৗইনামা লৗগিৎ হঁক দুড়ুপ লেনা। অনা দুড়ুপ রেগে নংকাহঁ গটা লেনা বাংমা পে-মাহা ভিৎরিতেগে ডঃ বেরা শোকজ লেটার কো এমায়া মেনতে। মেনখান তেহেঞ হৗবিচ্তে শোকজ লেটার মা সাঁগিঞ কাথা, ডঃ বেরা লৗইতে চেৎ বন্দেজ গে বাং হাতাও লেনতে ১৯ অক্টোবর মানিচ মান্ডি সবং থানারে ডঃ নির্মল বেরা সাঁওতে প্রিন্সিপাল ডঃ তপন কুমার দত্ত তৗকিন ঞুতুমতে এফ.আই.আর আকাদায় মেনতে বাডায় ঞাম আকানা। আর অনা লাড়াওনা রে ভারত জাকাত মাঝি পারগানা মহল প্রফেশর পাপিয়া মান্ডিয়াঃ সোররে তিঁগুয়েনায় মেনতেহঁ বাডায় আকানা।
অনাতে ১৯ অক্টোবর, ভারত জাকাত মাঝি পারগানা মহল আর ফুল ঝানো তিরলৗ গাঁওতা খড়গপুর তল্লাট পারবানা পারগানা বাবা, সবং আর পিংলা মুলুক পারগানা বাবা, মাঝি বাবা আর সাপাপ তিকো আতে মিৎ ঘন্টা লৗগিৎ তেমাথানি সড়ক জাঙ্গে দারাম তালাতে অনা ঘটন রেনাঃ রড়দারাম সাঁওতে এদরে-কাঁহিশ কো সদর আকাদা। অনা সাঁওতে উনকিন বিরুধ রে Prevention of Actorcities ACT-1989 লৗগু রেনাঃ দৗবী হঁক সামাং আকাদা। জৗত ইদিকাতেৎ অপমান মাঝি পারগানা মহল তিসহঁ বায় সাহাও আ মেনতেহঁ কলেজ চাচালাওয়িয়ৗকো হুঁশিয়ৗর আকাৎ কোওয়া।
.webp)
.webp)
