আবোওয়াঃ ডিজিটাল ডেস্ক- হলা ১৫ অক্টোবর, ছত্রিশগড়রেনাঃ যশপুররে মিৎটাং আনতৗবড়ি গৗডি চালাও রেনাঃ রাদড়াওতে মিৎ হাহাড়া ঘটন ঞেল এনা। খবররে বাডায় আকানা বাংমা দিশম সাঁঘার দাঁশায় এনেচ্ আর ঞেঞেলিয়ৗকো ভিড় তালাতে মিৎটাং আরাঃ সুমো গৗডি আডি স্পিডতে রাদড়াও ইদি কেৎ কোওয়ায়। অনা ঘটনরে নিৎ হৗবিচ্তে ৪ হড় কো গচ্ আকানা। আয়মা হড়কো ঘায়েল আকানা তবে গুজুঃ রেনাঃ সুংখৗ আরহঁ ঢের দাড়েয়াঃ মেনতেগে আয় উমৗনঃ কানা। নঁতে গৗডি ডাইভর পুলিশকো পাকড়াও আকাদেয়া।
যশপুররেনাঃ নোওয়া ঘটন ঞেলতে এলাকারেন আদিবাসী কো বেড়েম্ভা উতৗর আকানা। তবে অনা গৗডিরে দিশুওয়ৗ সেঁগেল কো লাগাও আকাদা। আরহঁ বাডায়ঃ কানা অনা গৗডিরে বাংমা গাঁজা তাঁহে লেনতে পুলিশ বতরতে আনতৗবড়িগে চালাও ইদিয়েৎ তাঁহেনায়। সামাংর দাঁশায় এনেচ্ আর ঞেঞেলিয়ৗকো ভিড় ঞেল কাতেহঁ অকা ভাবতে গৗডি ডিগলৗও পারম ইদিকেদায় ? নোওয়া ঘটন ঞেল কাতে আদিবাসীরেন আয়মা গৗখুড়িয়ৗকো মেমেন কানা গাঁজা সামাং কাতে ‘গাঁজাখুরি গল্প’ বাং তেয়ারঃ কানাতো ? চেদাঃসে নংকাগে ঞেলঃ গঃ কানা নিৎ আয়মা জায়গারে আয়মা লেকান কৌশল তে আদিবাসী কো চেতান নংকান মিমিৎ টাং হাহাড়াঃ ঘটন ঘটাও চালাঃ কান গেয়া।
নোওয়া ঘটন ইদিকাতে এলাকারে নিৎ এদ্রে তারাস ঞেলঃ গঃ কানা। গটায় গে পুলিশ কো ছাপরৗও আকাৎ কোওয়াঃ মেনতেহঁ বা্ডায় আকানা।
ভাইরাল ভিডিও ঞেলমে :
.webp)
.webp)
