সৗরি গেথ
মৗই বুরুলুকুই মানডি
সৗরি গেথ ! আর তিনাঃ দিন গে বাং বাঞচাও বোন তাঁহেন ? – ৬০ সেরমা ? বড্ড জোর ৭০ আর বাংখান ৭৫ সেরমা । মলং নাপায় তাঁহে লেনখান ৮০+ !
মিৎ সেরমা রে ৩৬৫ মাহা তাঁহেনা। আয়মা অক্ত হাতাও কাতে থ বাংবোন হেচ্ আকানা নোওয়া ধৗরতি পুরিরে। টিক টিক কাতে টিপিচ্ অকত্ পারম চালাঃ কানা। আবো হঁ বৗই বৗইতে গুজুঃ ডাহার তেবোন মহডাওয়াকানা । টুক মেনতে , তি-রে জমা তাঁহেন সেরমা , চাঁদো , মাহা ,টাড়াং , টিড়িং , টিপিচ্ পারম চালা গদঃ আ।
জাঁহায়াঃ আয়মা কাঁউডিপৗতি মেনাঃ আ ,কাঁউডি ইদিকাতে উনিয়াঃ বিলৗসিতা দ মানাওয়ঃ আ। মেনখান জাঁহায়াঃ কাঁউডিপৗতি উনৗঃ গান দ বৗনুঃ আ ,উনিয়াঃ কাঁউডি ইদিকাতে বিলৗসিতা দ বাং মানাঃ আ। আবোওয়াঃ আয়ু জুদি হাজার হাজার সেরমা হোয় কঃ , তাহলে অক্ত রেয়াঃ বিলৗসিতা দ আবোওয়াঃ মানাও কঃ আ ।
নুনৗঃ কম , অক্ত রেয়াঃ জিবন রে হিঁসৗহিঁসি , ঘিরনৗ , এপেরহেঁডেচ্ , রৗগি , ছুয়ৗছুত , বৗড়িচ্ উসকৗনি এম , দুক কস্ট, মনে বৗড়িচ – নোওয়া ক বেপার – সেপার ইদিকাতে অক্ত ক গঁওয়াও অচ কাতে চেৎ লাভ ?
নাপায় পুথি পতব পাড়হাঃ মে ,
টুক মেনতে মিৎ বার দিন লৗগিৎ বাহরে দাঁড়া আগুয় মে,
ঞিদৗ বেগেৎ কাতে সেরমা স্যেন কয়ঃ কাঃ মে ,
সেতাঃ – ভোর রে বেড়া রাকাব ঞেল মে ,
অৗয়ুব বের , চেঁড়ে কওয়াঃ আকওয়াঃ বাসা তে রুওয়ৗড়ঃ ঞেল মে,
নৗই – নালা – সৗমুদ রেনাঃ হেলকাও ঞেল মে,
দিনৗম হিলো মিৎ ঘৗড়িচ, লৗগিৎ জাঁহায় গিদরৗ কো সাঁও অক্ত গঁওয়াও মে,
গিদরৗ কোওয়াঃ সঁড়া , সিবিল - সড়ম, রিলৗমালা রৗস্কৗ আইকৗও মে,
অন্তত মিৎ হড় নাপায় তাঁহেন লৗগিৎ তে রসদ জনাওয়ায় মে,
সিসিরজৗওয়িচ্ উইহৗরেম ,
জাঁহায় মিৎ হড় মনে – জিউয়ি উজৗড় কাতে দুলৗড়েম ,
জাঁহায় মিৎ হড় দুলৗড় লৗগিৎ দাঁও তেয়ারায় মে ,
নোওয়া ধৗরতিপুরি তিনৗঃ নাপায় অনা আইকৗও মে ,
সাঁহেৎ আড়াঃ- হাতাও তিনৗঃ নাপায় অনাহঁ আইকৗও মে
আর জিউয়ি দ দুলৗড় মেগে বাড়ে।
.webp)
.webp)
