ফেক এসটি সার্টিফিকেট অৗমারৗও কো বিরুধরে কডরা বন্দেজ রেনাঃ দৗবীতে পুরুলিয়া, বাঁকুড়া রেন আদিবাসী কো লৗড়হৗই কানা

আবোওয়াঃ ডিজিটাল ডেস্ক-  ওয়েস্ট বেঙ্গল সিডিউল্ড ট্রাইব ওয়েলফেয়ার অ্যাসোসিয়েশন পাহটা খন ফেক এসটি সার্টিফিকেট অৗমারৗও কো বিরুধরে মিৎ লেকা লৗড়হৗই গেকো বাখেড় আকাদা। হলা ১৩ সেপ্টেম্বর, ওয়েস্ট বেঙ্গল সিডিউল্ড ট্রাইব ওয়েলফেয়ার অ্যাসোসিয়েশন রেনাঃ পুরুলিয়া, বাঁকুড়া জেলা চাঁগা পাহটা খন এসডিও, বিডিও কো মেমোরেন্ডাম কো চাল আৎ কোওয়া।

বাডায় আকানা পুরুলিয়া জেলা রেনাঃ ঝালদা-১ আর ২ অনাবেগর হুড়া ব্লক রেন আধিকারিক ঠেন সাঁওতে ঝালদা এসডিও ঠেন পুরুলিয়ারেন আদিবাসী কো মেমোরেন্ডাম কো চাল কেদা। নোওয়াহঁ বাডায় আকানা ঝালদা-২ রেন বিডিও মেমোরেন্ডাম ঞাম তরা আয়াঃ আপিসরে দৗয়িত্‌ রে মেনাঃ আকাদে অনগ্রসর শ্রেনী কল্যান বিভাগ রেন আপিসার নোওয়া ইদিকাতে কডরা বন্দেজ হাতাও রেনাঃ এ বাতলাও আদেয়া। উনিহঁ নোওয়া ইদিকাতে নজর রে দহয়ায় মেনতেহঁ রৗসিয়ৗকোয় বাডায় অচো কেৎ কোওয়া।

অনা ঞাপাম-রপড় আখড়ারে পুরুলিয়া জেলা চাঁগা পাহটা খন সেটের কো তাঁহেকানা অ্যা-সেক্রেটারী প্রশান্ত মান্ডি, ভারত জাকাত মাঝি পারগানা মহল তল্লাট গডেৎ সনারাম সরেন, মুলুক পারগানা রামজয় কিস্কু, জনক সিং মুড়া,উপেন টুডু, সহদেব সরেন, অশোক হাঁসদা,অজিত প্রসাদ মুরমু, কার্তিক সিং মুড়া, প্রদীপ টুডু, জিতু কিস্কু এমানকো।

অনা সাঁওতে নঁতে বাঁকুড়ারেহঁ জেলা চাঁগা আর ভারত জাকাত মাঝি পারগানা মহল, জুওয়ৗন মহল সাঁওতে গাতে কাতে সারেঙ্গা রেন বিডিও মেমোরেন্ডাম কো এম চাল আদেয়া। উন অক্তে সেটের কো তাঁহেকানা গোপাল চন্দ্র মুরমু, নিবারন কিস্কু, যতীন্দ্রনাথ কিস্কু, গঙ্গাধর টুডু আর পারগানা মহল, জুওয়ৗন মহল পাহটা খন মার্শাল মুরমু, সোমনাথ সরেন, দেবব্রত হাঁসদা এমানকো।