ফেক এসটি ইস্যুতে শিল্প এলাকারেন আদিবাসীকো আরহঁ লৗড়হৗই গডারে

আবোওয়াঃ ডিজিটাল ডেস্ক- ওয়েস্ট বেঙ্গল সিডিউল্ড ট্রাইব ওয়েলফেয়ার অ্যাসোসিয়েশন আঃ দেলাতে নানাহুনৗর আদিবাসী কোওয়াঃ সংগঠন আতে মিৎ জুগুৎতে হলা ১৪ সেপ্টেম্বর দুর্গাপুর এসডিও ঠেন ফেক এসটি ইস্যুতে মেমোরেন্ডাম কো চাল কেদা। বাডায় আকানা দুওয়ৗররে সরকার প্রকল্প তালাতে আর বাং নিতৗ সাদামাঠা নেয়ামতে যেভাবতে সরকার অ-আদিবাসীকো কাস্ট সার্টিফিকেট এ এম চাল আকো কানা তাতে সৗরিন আদিবাসিকো সৗরিগে রিমিল রে সিঁদুর কো ঞেল ঞাম এদা। নংকা গে চালাও ইদি লেনখান সৗরিন আদিবাসিকো সৗরিগে মিৎদিন কো আৎ চাবা উতৗরঃআ মেনতে গৗখুড়িয়ৗ আদিবাসীকো মহলরে কাথা রাকাব কানা। 

ওয়েস্ট বেঙ্গল সিডিউল্ড ট্রাইব ওয়েলফেয়ার অ্যাসোসিয়েশন পছিম বর্ধমান জেলা চাঁগা পাহটা খন হলা ফেক এসটি ইস্যুতে তুরুই দফা দৗবী লৗইতে মেমোরেন্ডাম কো জমা কেদা। অ্যাসোসিয়েশন দৗবীয় দহ আকাদা বাংমা পাবলিক সার্ভিস কমিশন সাঁওতে নানাহুনৗর সরকারী চৗকরি হৗটিঞ রেনাঃ ফাইনাল মেরিট লিস্টরে যেন একালতে ঞুতুম আর পৗরিশ সাঁওতে ক্যাটাগরি ওয়াইজ তৗলিকা সদর হোয়োঃমা, অনা সাঁওতে কম্পিটেন্ট রিপ্রেজেন্টেশন নানাহুনৗর সরকারী রিক্রুটমেন্ট রে আর কলেজ বাংখান একাডেমিক ইনস্টিটিউশন রে ভুরতি লৗগিৎ যাতে দহয় হোয়োঃ আর হান্ড্রেড পয়েন্ট রোস্টার বাংখান ফিফটি পয়েন্ট রোস্টার ঠিকঠাক ভাবতে মেইনটেইন হোয়োঃমা অনা দৗবী হঁক সামাং কেদা। দুর্গাপুররেন মহকুমা শাসনিয়ৗ আদিবাসী কোওয়াঃ নোওয়াকো দৗবীকো ইদিকাতেৎ গৗহির ভাবতে ঞেলায় মেনতে রৗসিয়ৗকো কাথায় এমাৎ কোওয়া। 

নোওয়া ডেপুটেশন রে সেটের কো তাঁহেকানা-ওয়েস্ট বেঙ্গল সিডিউল্ড ট্রাইব ওয়েলফেয়ার অ্যাসোসিয়েশন রেন জেনারেল সেক্রেটারী পার্শাল কিস্কু, কেশিয়ার পরেশনাথ মুরমু, জেলা সেক্রেটারী পবন চন্দ্র সরেন, ডমন কিস্কু, নগেন হেম্ব্রম, সানাই কিস্কু এমানকো। এটাঃ এটাঃ আদিবাসী সংগঠন কো মুদরে যেলেকা পলাশডিহা আদিবাসী সুসৗর গাঁওতা পাহটা খন অসিত হাঁসদা, স্বপন মান্ডি, ট্রাইবাল ডেভেলপমেন্ট সোসাইটি পাহটা খন রাখহরি মান্ডি, কৃষ্ণকান্ত টুডু, আসেকা পাহটা খন শুকু মুরমু, রূপচাঁদ কিস্কু, পছিম বর্ধমান আদিবাসী গাঁওতা পাহটা খন দেবদাস সরেন, শৈলমান মান্ডি, আদিবাসী লোক সংস্কৃতি মঞ্চ পাহটা খন শিবন কিস্কু, রবীন টুডু, ভারত জাকাত সৗরি ধরম বৗইসি পাহটা খন ধনঞ্জয় মুরমু, গুরুপদ মান্ডি এমান মানতান গোমকেকো।