আবোওয়াঃ ডিজিটাল ডেস্ক- হলা ১৫ সেপ্টেম্বর, ভারত জাকাত সান্তাড় পৗঠুওয়ৗ গাঁওতা আঃ দু দেলাতে যাদবপুর সান্তাড় স্টুডেন্ট অ্য়াসোসিয়েশন আর সিদু কানু বিরসৗ স্টুডেন্ট ফ্রন্ট আঃ জুগুৎতে আদিবাসী কোওয়াঃ জোড়োরে ফেক এসটি কোওয়াঃ তৗলিকা ঞেলতে যাদবপুর বিশ্ববিদ্যালয়রে অনা বিরুদরে মেমোরেন্ডাম কো এম চাল কেদা।
বাডায় আকানা কানা আর্টস আর সায়েন্স মেশা কাতে ২৪ গটাং লেকা ফেক এস. টি. ভেগার ভেগার সাতাম রেয়াঃ মেরিট লিস্টরে ঞুতুম রাকাব আকান তাকোওয়া। অনাবেগর অ্যাসিস্টেন্ট কন্ট্রোলার অফ এগজামিনেশান রেয়া এস. টি. পোস্টরে মিৎ মন্ডল পৗরিস রেন ক্যান্ডিডেট হঁ ভাইবা লৗগিৎ ক হহ আকাদেয়া। ভারত জাকাত সান্তাড় পৗঠুওয়ৗ গাঁওতা নোওয়া ক ঞেল আর তলাশ হাতাও কাতেৎ গে
বে-নিয়ৗম বিরুদরে আরকো পৗঠুওয়ৗ সংগঠন সাঁও মিৎ কাতে রড়দারাম তালাতে প্রো ভিসি আর রেজিস্ট্রার ঠেন মিৎ দৗবি সাকাম কো চাল আৎ কিনৗ।
পৗঠুওয়ৗ কোওয়াঃ নংকান আঁদোড় ঞেলতে আয়মা হড়গে আশ রেনাঃ আহলা
কো ঞেল ঞামেদা। আদিবাসী
পৗঠুওয়ৗগে অ-আদিবাসী পৗঠুওয়ৗ কোওয়াঃ ঞুতুম কো সুটুজ্ ওডোক দাড়েয়াঃ মেনতে আয়মা আদিবাসী
গৗখুড়িয়ৗগেকো মেমেন কানা। নোওয়া হঁক মেমেন কানা বাংমা নংকাগে পৗঠুওয়ৗ কো লাহা হেচ্
লেনখান আকোওয়াঃ গে হক-আইদৗর জিয়ৗও তাঁহেন তাকোওয়া। ফেক এসটি কহঁ আডি লগন কো লাগা পৗটুব
দাড়েয়া কোওয়া মেনতেহঁ আদম কদক বাঁখেড় এদা। ওনকোয়াঃ মেন বাংমা জৗনুম তেগে জানুম দ ওডোক
হোয়োঃ আ। পৗঠুওয়ৗ কোওয়াঃ নোওয়া হুদ্গৗও আকান সেঁগেল জৗরি তাঁহেন মা মেনতেহঁ সাঁগে
হড়কো রড় আকাদা।
অনা ডেপুটেশন রেনাঃ রড়দারাম আখড়ারে গৗখুড়িয়ৗকো লেকাতে সেটের কো
তাঁহে কানা- মানতান লালচাঁদ সরেন (পনৎ সুৎরেৎ , বি জে এস পি গাঁওতা), মানতান শৈলেন বেসরা (সেন্ট্রাল কুমুট সুতরেৎ, বি জে এস পি গাঁওতা), মানতান নৃপেন চন্দ্র মান্ডি (সেন্ট্রাল কুমুট পারসেৎ, বি জে এস পি গাঁওতা), মানতান দিপেন্দু বাস্কে (পনৎ কুমুট পারসেৎ, বি জে এস পি গাঁওতা), নঁতে কেন্দ্রীয় কুমুট জাইরেৎ সাঁওতে সিদু কৗনু বিরসৗ
স্টূডেন্ট ফ্রন্টরেন থাপনিয়ৗ মানতান কনক সরেন আর যাদবপুর ইউনিভার্সিটি সান্তাড় স্টুডেন্ট ওয়েলফেয়ার এন্ড কালচারাল অ্যাসোসিয়েশন পাহটা খন শ্রীতন হেম্ব্রম, বিশ্বজিৎ হাঁসদা, গোরাচাঁদ টুডু এমান মানতান গোমকেকো।
.webp)
.webp)
