আবোওয়াঃ ডিজিটাল ডেস্ক- বিলমতে রেহঁ সানতাড়ী সাঁওহেৎ আর চৗকুরতাড়ী ছাতা কমিটি য়াঃ মিৎ আরদাশ সাকাম তালাতে বাডায় ঞাম এনা বাংমা নেশহঁ চৗকুরতাড়ী ছাতা দ হৗপিৎ তাঁহেয়েনা। অজে লেকাতে দ অনা কোভিড-১৯ খৗতির গে বাংমা নংকান হালৎ মেনতে কমিটি পাহটা খন বাডায় ঞাম আকানা। গাপা ১৭ সেপ্টেম্বর গে হোয়োঃ রেনাঃ কাথা তাঁহেকানা। নেশ ঘালঃ তেখার তেখার বার সেরমা হৗপিৎ তাঁহেয়েনা।
লৗই গানঃআ চৗকুরতাড়ী ছাতা দ হড়-হপন কোওয়াঃ মিৎ গরবান পরব। কাথারেকো
মেনা বাংমা যাঁহায় কড়া আযোদিয়ৗ সেঁদরা বায় সেন আকানা উনিদ আয়ো কুখি রেগে মেনায়া, আর
যাঁহায় কুড়ি চৗকুরতাড়ী ছাতা বায় ঞেল আকাদা উনিহঁ আয়ো কুখি রেগে মেনায়া। নংকান কাথা
রেনাঃ রেওয়াজ তেগে বাংমা, আর আর পাতা-পরব খনদ চৗকুরতাড়ী ছাতা দ নাম জিৎকৗর কান গেয়া।
বাডায় আকানা নোওয়া পাতা-পরব
করেগে হড়-হপনাঃ পুঁথি-পতব খন এহব কাতে আয়মা লেকান সামগিরি কিরিঞ-আখরিঞঃআ। অনা লৗগিৎ
দেশ-দিশম খন ঞেঞেলিয়ৗ হড় কো দুমেল দুমেল কো সহর সেটেরঃ কান তাঁহেকানা। বাডায় আকানা
পছিম বাংলা রেনাঃ আয়মা জেলা খন অনাবেগর বিহার, ঝাড়খন্ড,উড়িষ্যা খনহঁ হাজার হাজার ঞেঞেলিয়া
কো সহর সেটের কাতে চৗকুরতাড়ী ছাতা দ মিৎ মারাং ঞেপেল-ঞাপাম ঠাঁও তেয়ারঃ কান তাঁহেকানা।
মেনখান ধৗরতি জাকাত নোওয়া বতরান করোনা আজার গে ঝতয় ধিঁগাল-সাগাল আকাদা। অনা খৗতির আয়মা
ঞেঞেলিয়ৗ কোওয়াঃ গে মনেরে দুখ অনা সাঁওতে বৗনিজ-বেপৗরি কোওয়াহঁ মনে বৗড়িচ্ মেনতে আবোরেন
খবরিয়ৗয় বাডায় অচো আকাৎ বোনা।
.webp)
.webp)
