ফেক এসটি সার্টিফিকেট বিরুধরে হাওড়ারেন আদিবাসী কহঁ লৗড়হৗই গডারে

আবোওয়াঃ ডিজিটাল ডেস্ক- পশ্চিমবঙ্গ আদিবাসী কল্যান সমিতি গটা পনৎ রেগে ফেক এসটি অৗমরৗও আকাৎ কো বিরুধরে লৗড়হৗই এ জৗরি দহ আকাদা। বাডায় আকানা পনৎ রেনাঃ আয়মা জেলারে ডিএম, ডিডব্লুও, এসডিও, বিডিও আর গ্রাম পঞ্চায়েৎ প্রধান এমান কো সেন সেন তে মেমোরেন্ডাম কো এম চাল আকাৎ কোওয়া পশ্চিমবঙ্গ আদিবাসী কল্যান সমিতি পাহটা খন। 

অনকাগে হলা ১৫ সেপ্টেম্বর, সমিতি পাহটা খন হাওড়া জেলা চাঁগা রেন রৗসিয়ৗকো উলুবেড়িয়ারেন মহকুমা শাসনিয়ৗ ঠেন ফেক এসটি সার্টিফিকেট বিরুধরে মেমোরেন্ডাম কো এম চাল কেদা। মহকুমা শাসনিয়ৗ ফেক এসটি সার্টিফিকেট গৗহির ভাবতে তুনখি-তলাশ কাতে ঞেলায় মেনতে সেটের লেন রৗসিয়ৗকো কাথায় এমাৎ কোওয়া। 

 অনা হিলোঃ মহকুমা শাসনিয়ৗ সাঁও ঞাপাম রপড় আখড়ারে হাওড়া জেলা চাঁগা পাহটা খন সেটের কো তাঁহেকানা- সভাপতি মঙ্গল হাঁসদা, সেক্রেটারী ধনঞ্জয় মুরমু, বিভীষন সরেন, রামদুলাল বাস্কে, সুশীল মুন্ডা এমান কো।