দুওয়ৗররে সরকার আর আদিবাসীক

(হুডিঞ মাছা প্রতিবেদন)

দুওয়ৗররে সরকার আর আদিবাসীক

কাথারেক মেনা সেয়ান দ গেয়ান পৗপী। তায়ম মাড়াং বাং উইহৗর কাতে নোংকান হড়াঃ সিবিল সড়ম কাথাতে যুদি পৗউড়িম গিডিয়া তবে খান বিপদ রেম ঞুঁরু দাড়েয়াআ সেম এড়ে ভাঁদুড় হচ আ। আলে আতু খন মড়ে তুরুই কি.মি. সাঁগিঞ গডডি আতুরেদ বিশি কিঁষৗড় হড় গে গিরৗবৗসি কাতেৎ মেনাঃ কোওয়া। অন্ডে দ এখেন দিকু পুসি মারাং মারাং চৗষি।

আলেদ আদিবাসী সান্তাড় হড় চার চিরকাল হাঁডে নাঁডে কৗমি আসুলঃ রেঁগেজ্ নাচার মৗনমি। বছর দিন জম পুরৗও লেকা মিৎ বার সান্তাড় চৗষি মেনাঃ ক রেহঁ কৗড়্মী মুনিস অভাব তে সময় রে এর আফর বাংক দাড়েয়াঃ কানা চেদাঃসে গড্ডিরেন কিঁষৗড় সিবিল সড়ম কাথা তে সেতাঃ রেগে অড়াঃ দূওয়ৗর খন গৗডিতেক ইদিয়েৎ লেয়া আর আয়ুব সিঁগৗড় দক আগু সেটের হট কালে কানা। মেন খান কুড়ৗইদ কম গেক সং আলে কানা। কুড়ৗই সং জহঃ কিঁষৗড়্দ আচরিন এরাগে তিনাঃ নাপায় তিনাঃ সুঘোড়্ আড়াংতেয় হহওয়ায় কানা-_ ' এ গো ছোট বউমা দাও দাও এদেরকে ভাল কইরে বেরহুন মাপে দাও।" বিশি অক্ত কৗমি হচ কাতে হুডিঞ পৗই্লৗতে কুড়ৗইদক এমালে কানা। অনকাগে বৗস্কৗ এমঃ অক্ত কিঁষৗড়দ জজম তিতে ঢের ঞঁ উদুঃ কাতেয় মেনা-"বেশী বেশী দাও" আর লেঁগা তিদ হড়্ম তায়ম রে উকু কাতে কৗটিচ্ চুলুং এমঃএ ইসৗরৗ আয়া । আর আলেদ বতর লাজাওতে চেৎহঁ বাংলে মেতায় কানা, পালে কৗমি বায় আচুবন মনে কাতে।

মিৎ কিঁষাড় রেন আয়্মা গটাং আসুল্ জীব জিয়ৗলি মেনাঃ কোওয়া , সিম্ সুকরী, সেতা, পুসি। অনালেকাতে ওনকো জমাঃ এমঃ হঁ আয়াঃ দৗয়িত্‌ কান তায়া। অনাতেগে উনিদ উনকুওয়াঃ অড়াঃ দুওয়ৗর রাচারে সিম্ লৗগিৎ ঢঁগারে সুকরী লৗগিৎ বৗটিরে সেতা লৗগিৎ আর চেলাংরে পুসি লৗগিৎ জমাঃএ সুর আকোওয়া। শুকরিদ রৗস্কৗতে মেৎ্ জৗপিৎ কাতে জমাঃ কিন ঞাম কেত খান ঢঁগারে মচং সাঁভাও কাতে জজম্ কিন্ ছুটৗও আকানা অনাতাকরে সেতা চালাক্ দ আয়াঃ বৗটি বৗগি কাতে ঢঁগা দাকা জজমে ছুটৗও এনা। মিৎটাং সুকরী দ একলা গেয় দেম্ দেম্ কেৎ্ গেয়া আদ হৗনিটাঃ চেৎ্ হঁ বায় রড় লেৎখান বার হড়াঃ দাকা পে-হড়্ তেক জম্ কেৎতে বাক বি লেনা অনাতে সেতাদ আয়াঃ বৗটি দাকা জম কাতেয় বিয়েনা। সুকরী য়াঃ জুগুৎ্ বাংতে আর সরকারাঃ লোগোদ অভাব তে সুকরী দ আকিনাঃ হক আইদৗর খন কিন পুচুজ এনা। জুগুদ্ দাড়েদ মারাং দাড়ে-সুকরীদ বানা হড়্ মিৎ্জুগুদ্ তে সেতা বৗকিন তৗহুড়্ লেদেতে আকিন বার হড় হুই কাতে রেহঁকিন্ পৗহুড়্ হচয়েনা।

অনকাগে সরকার বাহাদুর হঁ দুওয়ৗর রে জমাঃ এম কাতেগে হিঁয়ৗ খালাস, আপান আপিন জোড়োগে জজম হুয়ুঃআ এটাঃ হড়াঃ জুড়ু সেনদ আলক সড় বলন মা নোওয়া লোগোদ তাঁহেন জৗরুড় তাঁহে লেনা।

দুওয়ৗর্ রে সরকার হেচ্ কাতে হড়াঃ নানাহুনৗর্ আনাট্ আডি সহলে তেক সহলে দাড়েয়াঃ মা খৗতিরগে পুছিম্ বাংলা সরকারদ নংকানাঃ প্রকল্পয় হাতাওয়াকাদা। ভারত ফুরগৗলেন তায়ম গে ভারত্ সরকার দ জৗতি ভিত্তিক পনৎ তেয়ার কাতে আপান আপিন জৗতি আকোওয়াঃ পনৎরে তাঁহে কাতে রাজনৈতিক, সামাজিক, অর্থনৈতিক্ সানাম সেন তেক লাহা দাড়েয়াঃমা খৗতির আইদৗর দক এমাকাৎকওয়া। আদিবাসীকদ ভারত দিসম রেন আদিম জৗতি হোয় কাতেরেহঁ আকোওয়াঃ হক্ আইদৗর খন দক এড়ে হচলেনা নে-এ হালে পনৎ দক এমাৎ কোওয়া মেনখান রাজ দ বাং, চালাক্ সেতা কোওয়াঃ ইসৗরাতে আপেদ উৎনৗঃ পে। অন্ডেহঁ আব আদিবাসীকদ সুকরী লেকা জুগুৎ বাংতে আবোওয়াঃ হক্ আইদৗর বন এড়ে হচঃ কানতে লপংটুটি, সেদায় যাঁহা লেকা নিত্হঁ অনকাগে যাঁহান আরু ফেরাও দ বৗনুঃআন।

দুওয়ৗররে সরকার প্রকল্প খন আদিবাসী কোওয়াঃ উপকৗর দ চেতানরেঞ অল আকাৎ উনকিন সুকরী লেকা মেনখান মুড়ুৎ কাথাদ দুওয়ৗররে সরকার প্রকল্প খন আবোওয়াঃ ভৗলৗইদ বহঃরে জৗলৗই কুটৗম্ বিৎ কাতে শয়তানক যেমন যীশুমৗসিক হানা পুরী লেদে লেকাগে। নোওয়া প্রকল্প খন আডি সহলেতেগে আদিবাসীক কাষ্ট সার্টিফিকেট্ ক অডক দাড়েয়াঃ কানা অনকাদ বাং যাঁহাক প্রমান পত্র বিডিও আফিসরে লাগাআ অনাক সানামগে অড়ে অড়্পাত কৗমি বৗগি কাতে সারভারাক হুয়ুঃআ। সরকার দয় বাডায়া চেলে চেলে জৗতিদ এসটি কানাক মেনখান নোওয়া প্রকল্প রেয়াঃ সুযোগ হাতাও কাতে এটাঃ এটাঃ জৗতি ফেক এসটি কাতে আসল আদিবাসী দক লিঁবদ কেট্ কেটে অচোঃ কানা। অনাতে ইঞাঃ উইহৗর্- দুওয়ৗররে সরকার, আদিবাসী কো সতরঃ রেয়াঃ দরকার ।