আদিবাসী কোওয়াঃ সাব কাস্ট ৪০ খন ৪২ ? কুকলি রাকাব এনা

আবোওয়াঃ ডিজিটাল ডেস্ক- শোস্যালমিডিয়া তালাতে বাডায় ঞাম এনা বাংমা ওয়েস্টবেঙ্গল সিডিউল্ড ট্রাইব ওয়েলফেয়ার অ্যাসোসিয়শন রেন পনৎ সুৎরেৎ পার্শাল কিস্কু পারমেন ১৪ সেপ্টেম্বর,২০২১ তিকিন ১.৩০ টাড়াং ট্রাইবল ডেভলপমেন্ট ডিপার্টমেন্টরে স্পিড পোস্ট কাতে RTI লেদায়। অনারেনাঃ তেলাহঁ ১৬ সেপ্টেম্বর তারাসিঞ ৪.১৮ টাড়াং তেগে আয়াঃ মেইল তালাতে বাডায় ঞাম আকাদায়। অনা পশ্চিমবঙ্গ সরকাররেন ট্রাইবল ডেভলপমেন্ট ডিপার্টমেন্টরেন সেক্রেটারী বিজন মন্ডল (IAS) আডি লগন মাছা তেলায় এম আকাদা।

বাডায় আকানা মানতান পার্শাল কিস্কু গোমকেয়াঃ RTI রেনাঃ সাতাম দ তাঁহেকানা-"Please provide the Total number of Ethnic groups and List of Scheduled Tribes of West Bengal till date." মেনেৎ পছিম বাংলারে নিৎ ধৗবিচ্‌তে আদিবাসী কোওয়াঃ সাব কাস্ট সুংখৗ তিনৗঃ ?

RTI রেনাঃ তেলারে পশ্চিমবঙ্গ সরকাররেন ট্রাইবল ডেভলপমেন্ট ডিপার্টমেন্টরেন ডেপুটি সেক্রেটারী এন্ড SPIO অল আকাদা- https://adibasikalyan.gov.in/html/st-list.php সরকারী ওয়েবসাইটরে নোওয়া লিঙ্ক রে এম মেনাঃ আকাদা। অনালেকাতে মানতান কিস্কু অনা লিঙ্ক রে ঞেল আকাদায় বাংমা- পছিম বাংলারে নিৎ ধৗবিচ্‌তেহঁ আদিবাসী কোওয়াঃ এথনিক গ্রুপরে ট্রাইবল সাব কাস্ট সুংখৗ হোয়োঃ কানা ৪০ গটাং। আর অনা ওয়েবসাইটরে আদিবাসী কোওয়াঃ সাব কাস্ট রেনাঃ মিৎ টাং তৗলিকাহঁ মেনাঃ আকাদা মেনতে হঁয় সদর আকাদা।

নঁডে লৗই লেক কানা নোওয়া ইদিকাতে মানতান কিস্কু,  মানতান কুনার হেম্ব্রম আঃ মিৎ চিঠি সাকাম রেনাঃ কাথায় সাব আকাদা। যাঁহারেদ মানতান কুনার হেম্ব্রম পারমেন ৯ আগস্ট ২০২১, Reference NO- MP/JGM/2021/08/0202 আয়াঃ প্যাডরে ট্রাইবাল এফেয়ারস্‌ রেন তালমা মন্ত্রী মানতান অর্জুন মুন্ডা ঠেন ফেক এসটি সার্টিফিকেট ইস্যুতে অনা চিঠিরে পছিম বাংলারেন ৪২ গটাং সাব কাস্ট রেনাঃ কাথায় অল আকাদা।

নিৎ নোওয়া ঝত খন মারাং আর গৗহির কাথা কানা মেনতে মানতান কিস্কুয় রড় রাকাব আকাদা যে ঝাড়গ্রাম রেন এমপি মানতান কুনার হেম্ব্রম নুনৗ সিনিয়র পলিটিসিয়ান আর আদিবাসী করেন জনপ্রতিনিধি হুয় কাতেহঁ চেদাঃ নুনৗ দামান চিঠিরে নংকায় অল কেদা যে পছিম বাংলারে আদিবাসী কোওয়াঃ সাব কাস্ট সুংখৗদ ৪২ গটাং ? নোওয়া কাথা যাঁহাতিনাঃ দুক্‌ রেনাঃ উনাঃগে তেহেঞ সৗরিন আদিবাসী কোঠেন বতরান মেনতেহঁ মানতান কিস্কুয় রড় তরা আকাদা।

এনখান নঁতে পরেশ মুরমু আর খগেন্দ্রনাথ হেম্ব্রম গোমকে তিকিন কিন হোয় অচো আর মানতান কুনার হেম্ব্রম গেয় হোয় অচো আন, আরহঁ নঁতে শাসনিয়ৗ পাহটা হোয়োঃ আর বাং—শাসনিয়া পাহটা গে হোয় অচো আন সানাম গে চেৎ আদিবাসী কো মুচৗৎ কাকো লৗগিৎ গেকো লৗগিয়ৗ পাড়াও আকানা মেনতেহঁ মানতান কিস্কু কডরায় রড় দারাম আকাদা।

নিৎ তামাম আদিবাসী ঠেন কুকলি বাং রাকাব আতো- যে নংকান এমএলএ আর এমপি কো অকা খন নংকান সাঁদেশ কো ঞাম এদা আর অকয়াঃ দাড়েতে নংকান সাঁহাস কো ঞাম এদা ? কুকলি তাঁহেন কান গেয়া।