(অল তালাতে কাথা রাপাচাঃ)
সাতাম- (নাহাঃ রেন পৗঠুওয়ৗকো তিরে মোবাইল ঞাম কাতে অলঃ পাড়হাও তেকো লাহাঃ কানা, সে কো সাহাঃ কানা)
পাহটা- নাহাঃ রেন পৗঠুওয়ৗকো তিরে মোবাইল ঞাম কাতে অলঃ পাড়হাও খনকো সাহাঃ কানা
কিস্কিন্ধ্যা মুরমু
পৗঠুওয়ৗ কোদ আগাম দিনরেন লৗউড়িয়ৗ। অলঃ পাড়হাঃ উমেররে যাঁহালেকা শিখনৗৎ আরজাও হাপেনরে অনকাগে অনা রেনাঃ
অরজ ঞেল ঞামঃ-আ। সিলেবাস রেনাং পুথি পতব পাড়হাও কাতে বিনিড বিডৗউরে দুড়ুবতে হাতাং তালা সানচাও আকান বুরধি গেয়ান রেনা আরজাও বুঝৗউ ঞামঃ-আ। মেনখান নিতঃ ঞেলঃ কানা" করোনা " খৗতির আয়মা দিন ইস্কুল কলেজ বনধ মেনাঃ আকাদা। নংকান অকতরে মোবাইল তালাতে পাড়হাও কো লৗগিৎ কৗমিহরা সাব আকানা। চেদঃ কানাকো ক্লাসরে সেলেৎ কাতে। নওয়া দ অকত রেনাং হালত হতেচ্তে।
নিতঃ অৗতু ডি-ডিহৗৎ বাজার সাহার গটা রেন পৗঠুওয়ৗ কঠেনগে মোবাইল রেনাঃ বেওহার কো চেমাৎ গৎ আকাদা। মোবাইল তালাতে আয়মা লেকান ডগর ক তুরৗৎ ঞেল বাড়ায় ঞামঃ কানা। চেৎ এম খজঃআ অনাগেম ঞামা। অৗডি আলগা সিঞ ঞিদৗ পলম গদ আ। লৗটু হড় খনাং পৗঠুওয়ৗ কোগে বৗড়তি মোবাইল কো বেওহার এদা । যাঁহাতিনরেগে তিরে মেনাঃ গেয়া। মেনখান যাঁহালেকা অলঃ পাড়হাঃ মোবাইল তালাতে ঞেল চেৎ রেনাঃ কাথা অনকা দ বাং বুঝৗউ ঞামঃ কানা। মোবাইল তালাতে সানাম লেকান সমসা সলহে -আ মিৎ ঘৗড়িতে। আয়মা মাচেৎ কোওয়াঃ গালচ ঞামঃ-আ চুপুৎরে।
পৗঠুওয়ৗ কো অলঃ পাড়হাও হরতে বাং মহডা কাতে মোবাইলরে মেনাঃ আয়মা লেকান বনধেজ অনা করেগেকো বাঝাঃ কানা। নওয়া তেদ অলঃ পাড়হাঃ পুথি পতব খনাং যে লেকা কো সৗগিঞঃ কানা, অনকাগে পাড়হাও রেনাঃ হেওয়া হঁ চাবাঃ কানা। মনে রেনাং যাঁহা রৗস্কৗ অনাহঁ কাসা উতৗরঃ কানা। মোবাইল ঞেলতে নিজেরাঃ অলঃ পাড়াও লেকান দুরিপ ঞেল আৎ কাঃ কানা। চেতনাওয়ান গৗলিম বেগর, আর ক এঁগাৎ আপাৎ খজ বাক দহয়া। বিনিড বিডৗউ দুড়ুব তায়নম ঞেল ঞামঃ কানা অৗডি বৗড়িজ ভৗবিৎ লেকান অরজ। পৗঠুওয়ৗকো আয়মা অকত মোবাইল তায়নমরেকো এমাওয়াঃ কানতে অলঃ পাড়হাও রেনাং অকত কুচিদঃ কানা। জৗসতি পতব বাকো পাড়হাও এদা । অকা খনাং গেয়ান সানচাঃ-আ। মোবাইলরে যাঁহায় ঞেল এদা অনা দ মনকুশি বেলৗগিম। মোবাইল বেওহার কাতে অকত সালাঃ সামাং সেন লাহাঃ বাদালতে অলঃ পাড়হাঃ খন কো সাহাঃ কানা। ভৗবিৎ সিরজৗউ লেকান দাড়ে আদঃ কান তাকওয়া । অকত উমের সাঁওতে যাঁহা চেদঃ রেনা লৗকতি মেনাঃআ অনা দাও কো পুচুজ এদা। লৗগিমান সাতাম বাং ঞেল কাতে বেলৗগিমান সাতাম ক'তে অকত ক পলম এদা। অনাতেগে তায়নমঃ কানা সিখনৗৎ জিয়ন।
.webp)
.webp)
