অ-আদিবাসী কোওয়াঃ গাড় রে, সৗরিন আদিবাসী কো লৗড়হৗই কানা

আবোওয়াঃ ডিজিটাল ডেস্ক- হলা ১৭ সেপ্টেম্বর, ওয়েস্টবেঙ্গল সিডিউল্ড ট্রাইব ওয়েলফেয়ার অ্যাসোসিয়শন উত্তর ২৪ পরগনা জেলা চাঁগা পাহটা খন আদিবাসী কো ফেক এসটি সার্টিফিকেট বিরুধরে বসিরহাট মহকুমা শাসনিয়ৗ মিৎটাং মেমোরেন্ডাম কো চাল আদেয়া। 

বাডায় আকানা উনি ঠেন অ্যাসোসিয়েশন সাব রাকাব আকাদায় বাংমা নানাহুনৗর সরকারি দপ্তররে বিশেষ কায়তে স্কুল, কলেজ রে চিকৗ কাতে অ-আদিবাসী পৗঠুওয়ৗকো এসটি রিজার্ভড কোটা রে ঞুতুম ঞেল ঞামঃ কান তাকোওয়া। দুওয়ৗররে সরকার তালাতেহঁ নংকাগে আয়মা ফেক এসটি পুচুজ্‌ পারমঃ রেনাঃ বতর তাঁহেন কান গেয়া মেনতেহঁ অ্যাসোসিয়শন দৗবীয় রাকাব আকাদা।

নোওয়াকো অভিযোগ আঁজম কাতে মহকুমা শাসনিয়ৗ লৗই তরা কেদায় বাংমা- ফেক এসটি সার্টিফিকেট রেনাঃ যথাৎ সৗবুদ্‌ ঞামঃ আ- এনখান উনিয় যথাৎ বন্দেজ এ হাতাও আ।

নোওয়া ডেপুটেশন রে অ্যাসোসিয়েশন পাহটা খন সেটের কো তাঁহেকানা- সেক্রেটারী প্রদীপ কুমার সর্দার, ইন্দ্রজিৎ মান্ডি, বিকাশ সর্দার এমানকো।