“আবোওয়াঃ কাথা” ডিজিটাল ডেস্ক রে সানাম সিঁগি মাহা হিলোঃ গে গিদ্রৗ সাঁওহেদ্ বাখরা গিদৗর বৗউলি ‘চেরেচ্ আড়াং’ লেতাড়গে উছৗনঃ কানা। তায়ম দারাম নংকাগে আরহঁ সাঁগে অল ভেজায় তাবোন
পে। অল ভেজায়
রেনাঃ বুটৗ- Whatsapp- 8942955829 : E-mail Id:- abowagkatha@gmail.com ।
তেহেঞা আখড়ারে যাঁহায় কো সেলেদ্ আকান- রিলৗমালা
মুরমু, বিজয় কিস্কু, ᱥᱩᱵᱩᱫᱤᱭᱟᱹᱢᱩᱨᱢᱩ, ᱮᱵᱷᱮᱱ
ᱠᱩᱭᱞᱤ ᱥᱚᱨᱮᱱ, ᱠᱤᱥᱠᱤᱱ ᱫ ᱷ ᱟ ᱢ ᱩᱨᱢ ᱩ, ᱥᱨᱤᱠᱟᱱᱛᱚ ᱥᱚᱨᱮᱱ, ᱜᱳᱯᱮᱥᱣᱚᱨ ᱢᱟ.ᱱᱰᱤ, গাতে
টুওয়ৗর, বাড়তাঙ সরেন,সুচাঁদ হাঁসদা,কানন
হাঁসদা, দুগাই টুডু, সনাতন টুডু,
সমর লাল টুডু, সীতেন
মান্ডি, দুর্গাচরণ মুরমু, বিভূতি ভূষন সরেন, নিতাই টুডু, দুলৗড় বিটি ।
 |
| রিলৗমালা মুরুমু, ক্লাস- IV জেলা - পুরুলিয়া |
 |
| বিজয় কিস্কু, ক্লাস- VII জেলা - পুরুলিয়া |
১।।
ᱥᱟᱜᱩᱱ ᱛᱤᱠᱤᱱ
ᱥᱟᱜᱩᱱ ᱛᱤᱠᱤᱱ
ᱟᱠᱤᱱ ᱟᱠᱤᱱ
ᱧᱮᱯᱮᱞ ᱟᱠᱤᱱ
ᱛᱤᱠᱤᱱ ᱛᱤᱠᱤᱱ ᱿
ᱜᱤᱫᱽᱨᱟᱹ ᱢᱚᱱᱮ
ᱜᱷᱟᱱᱮ ᱜᱷᱟᱱᱮ
ᱠᱩᱰᱟᱹᱢ ᱥᱟᱛᱮ
ᱜᱟᱛᱮ ᱜᱟᱛᱮ ᱿
ᱮᱱᱮᱪ ᱩᱛᱩᱜ
ᱥᱩᱛᱩᱜ ᱥᱩᱛᱩᱜ
ᱡᱚᱡᱚ ᱩᱢᱩᱞ
ᱪᱩᱢᱩᱞ ᱪᱩᱢᱩᱞ ᱿
ᱦᱟᱲᱟᱢ ᱰᱚᱰᱟ
ᱜᱚᱰᱟ ᱜᱚᱰᱟ
ᱛᱤᱠᱤᱱ ᱵᱮᱲᱟ
ᱫᱟᱸᱬᱟ ᱫᱟᱸᱬᱟ ᱿
ᱧᱟᱯᱟᱢ ᱢᱟᱠᱚ
ᱟᱠᱚ ᱟᱠᱚ ᱿
ᱮ ᱯᱩᱛᱩᱞ ᱠᱩᱲᱤᱱᱟ
ᱫᱮᱞᱟ ᱦᱤᱡᱩᱜ ᱢᱮ ,
ᱢᱤᱫ ᱥᱟᱶᱛᱮ ᱥᱟᱠᱟᱢ ᱵᱟᱦᱩ
ᱡᱟᱶᱟᱭ ᱞᱟᱝ ᱠᱷᱮᱞᱟ ᱾
ᱟᱢᱫᱚ ᱥᱟᱡᱟᱣᱮᱢ ᱵᱟᱦᱩ ᱠᱩᱲᱤ
ᱤᱧ ᱫᱩᱧ ᱥᱟᱡᱟᱣᱮ ᱡᱟᱶᱟᱭ ᱠᱚᱲᱟ ,
ᱮ ᱯᱩᱛᱩᱞ ᱠᱩᱲᱤᱱᱟ
ᱫᱮᱞᱟ ᱦᱤᱡᱩᱜ ᱢᱮ ,
ᱢᱤᱫ ᱥᱟᱶᱛᱮ ᱥᱟᱠᱟᱢ ᱵᱟᱦᱩ
ᱡᱟᱶᱟᱭ ᱞᱟᱝ ᱠᱷᱮᱞᱟ ᱾
ᱪᱷᱤᱛᱟᱹ ᱠᱟᱯᱩ ᱦᱤᱸᱥᱤ ᱰᱩᱢᱱᱤ
ᱱᱮᱶᱛᱟ ᱠᱚᱞᱟᱝ ᱟᱹᱰᱤ ᱢᱟᱹᱱᱢᱤ ᱾
ᱮ ᱯᱩᱛᱩᱞ ᱠᱩᱲᱤᱱᱟ
ᱫᱮᱞᱟ ᱦᱤᱡᱩᱜ ᱢᱮ ,
ᱢᱤᱫ ᱥᱟᱶᱛᱮ ᱫᱚᱝ ᱫᱮᱞᱟᱝ
ᱮᱱᱮᱡ ᱥᱮᱨᱮᱧᱟ ᱾
ᱠᱩᱞᱦᱤ ᱵᱟᱞᱤ ᱫᱟᱠᱟ ᱛᱟᱞᱟᱝ
ᱫᱷᱤᱨᱤ ᱠᱩᱴᱤ ᱯᱟᱯᱟᱜ ᱛᱟᱞᱟᱝ ᱾
ᱮ ᱯᱩᱛᱩᱞ ᱠᱩᱲᱤᱱᱟ
ᱫᱮᱞᱟ ᱦᱤᱡᱩᱜ ᱢᱮ ,
ᱢᱤᱫ ᱥᱟᱶᱛᱮ ᱥᱟᱱᱟᱢ ᱠᱚᱞᱟᱝ
ᱞᱳ ᱦᱟᱴᱤᱧ ᱟᱠᱚ ᱾
======== ᱛ =========
ᱚᱲᱟᱜ
ᱫᱩᱭᱟᱹᱨ ᱠᱚᱨᱮ ,
ᱪᱟᱲᱟᱯ ᱪᱩᱲᱩᱯ
ᱫᱚᱨᱮ ।
ᱥᱮᱴᱮᱨ ᱥᱮᱴᱮᱨ
ᱡᱚᱢ ᱟᱠᱚ ,
ᱵᱷᱩᱜᱟᱹᱜ
ᱜᱮᱞᱮᱡ ᱫᱚᱠᱚ ।
ᱵᱟᱹᱸᱫᱤ
ᱦᱩᱲᱩ ᱠᱚ ᱡᱚᱢᱟ ,
ᱡᱟᱨᱠᱷᱟᱨ ᱩᱛᱟᱹᱨ ᱛᱟᱢᱟ ।
ᱥᱤᱧ
ᱧᱤᱫᱟᱹ ᱧᱩᱛᱩᱜ ᱨᱮᱫᱚ ,
ᱠᱷᱚᱴᱚᱨ
ᱠᱷᱚᱴᱚᱨᱟ ᱟᱫᱚ ।
ᱵᱷᱤᱛᱨᱤ
ᱵᱟᱦᱨᱮ ᱜᱚᱴᱟ ,
ᱫᱟᱹᱲ ᱧᱤᱨ ᱵᱟᱲᱟᱭᱟ ᱢᱚᱴᱟ ।
ᱪᱤᱨᱟᱹᱠᱮᱫ ᱫᱚᱦᱚ ᱯᱟᱴᱤᱭᱟᱹ
ᱦᱚᱯᱚᱱ ᱰᱟᱴᱟᱛᱮ
ᱪᱩᱴᱤᱭᱟᱹ ।
========
ᱛ =========
ᱦᱩᱰᱤᱧ-ᱢᱩᱰᱤᱧ ᱟᱞᱮ ᱟᱛᱳᱨᱮ
ᱞᱮᱠᱷᱟ-ᱞᱮᱠᱷᱟ ᱦᱚᱲ
ᱦᱟᱲᱟᱢ ᱠᱚᱫᱚ ᱥᱮᱛᱟᱜ ᱠᱷᱚᱱᱟᱜ
ᱩᱧ ᱟᱠᱚ ᱵᱚᱲ᱾
ᱚᱱᱟ ᱵᱚᱲᱛᱮ ᱵᱟᱸᱫᱤᱭᱟ ᱠᱚ
ᱦᱟᱞᱟᱝ ᱧᱟᱢ ᱡᱤᱱᱤᱥ
ᱵᱟᱝ ᱠᱚ ᱵᱚᱜᱚᱡ ᱡᱤᱭᱚᱱᱵᱷᱳᱨ ᱨᱮ
ᱮᱱᱦᱚ ᱪᱤᱠᱟ.ᱪᱚ ᱵᱷᱮᱱᱤᱥ᱾
ᱜᱚᱲᱚᱢ ᱵᱩᱲᱦᱤ ᱠᱚ ᱥᱮᱛᱟᱜ ᱠᱷᱚᱱᱟᱜ
ᱵᱟ.ᱥᱭᱟ.ᱢ ᱵᱟᱦᱟ ᱠᱚ ᱵᱟᱦᱟᱭ
ᱢᱚᱱᱮ ᱨᱮᱱᱟᱜ ᱤᱛᱤᱞ ᱥᱟᱱᱟᱢ
ᱮᱳ-ᱭᱮᱨ ᱛᱮᱠᱚ ᱥᱟᱦᱟᱭ᱾
ᱜᱤᱫᱟ.ᱨ ᱠᱚᱫᱚ ᱥᱮᱛᱟᱜ ᱠᱷᱚᱱᱟᱜ
ᱱᱟᱦᱮᱞ ᱵᱩᱴᱟ ᱠᱚ ᱥᱟᱵ
ᱱᱟᱯᱟᱭ-ᱱᱟᱯᱟᱭ ᱚᱲᱟᱜ ᱫᱩᱭᱟ.ᱨ
ᱩᱱᱠᱩ ᱜᱮᱠᱚ ᱫᱟᱵ᱾
ᱟᱭᱳ-ᱵᱟᱵᱟ ᱫᱚ ᱱᱩᱠᱩ ᱟᱛᱮ
ᱟᱭᱢᱟ ᱞᱮᱠᱟ ᱠᱚ ᱟᱸᱜᱚᱪ
ᱥᱤᱸᱜᱟ.ᱲ ᱵᱮᱲᱟ ᱯᱟᱱᱛᱮ ᱠᱟᱛᱮ
ᱠᱟᱨᱟᱢ ᱵᱤᱱᱛᱤ ᱠᱚ ᱜᱟᱞᱚᱪ᱿
========
ᱛ =========
ᱯᱳ'ᱰ ᱠᱟ.ᱥᱤ ᱜᱮᱞᱮ,
ᱦᱟᱱᱟ ᱫᱷᱟᱨᱮ ᱱᱚᱣᱟ ᱫᱷᱟᱨᱮ
ᱥᱟᱡᱟᱣ ᱟᱠᱟᱱ ᱛᱟᱞᱮ |
ᱥᱟᱡᱟᱣ ᱟᱠᱟᱱ ᱱᱟᱯᱟᱭ,
ᱰᱟ.ᱲᱠᱟ.,ᱯᱩᱴᱷᱤ,ᱤᱪᱟ.ᱜ ᱦᱟ.ᱠᱩ
ᱨᱟ.ᱥᱠᱟ. ᱛᱮᱠᱚ ᱢᱚᱪᱟᱭ |
ᱠᱟ.ᱥᱤ ᱜᱮᱞᱮ ᱦᱤᱞᱟ.ᱜ,
ᱦᱚᱲᱮ ᱜᱟ.ᱫᱩᱡ ᱟᱠᱚ ᱞᱮᱠᱟ
ᱨᱟ.ᱥᱠᱟ. ᱛᱮᱭᱮ ᱠᱷᱮᱞᱳᱜ |
ᱧᱮᱞ ᱛᱩᱞᱩᱡ ᱵᱟ.ᱭᱦᱟ.ᱲ,
ᱜᱟᱰᱟ ᱫᱷᱟᱨᱮ ᱠᱟ.ᱥᱤ ᱜᱮᱞᱮ
ᱢᱚᱱᱮ ᱡᱤᱣᱤᱭ ᱡᱤᱭᱟ.ᱲ |
======== ᱛ =========
বৗঞ খজা লৗডু
রৗসকৗ রমজ ইঞিঞ খজা
কুশিয়াঃ অৗঞ খিলডু ।
বুঝৗঃ অৗডি বতর
অল পাড়হাও করাও অৗঞ
মিনৗঞ নতে সতর ।
তাঁহেন সানাঞ সাহারে
অকতরে খেল গাতেক সাঁও
সেটেরঃ অৗঞ লাহারে ।
মচারেগে থুকুম
কুশিয়াঃ অৗঞ গাম কাথা
তিনৗঃ কৗহনি কুদুম ।
চেরেজ সারা ঘৗড়ি
সেতাঃ খনাঃ অৗয়ুব ধৗবিচ
অনা গে'তিঞ অৗড়ি ।
======== ᱛ
=========
আয়ুপ তরায় হাঁসুরঃ আ পছিম কোনারে।
আঙ্গা খনাং আয়ুপ ধৗবিচ নানা হুনৗর কৗমি
চাঁদো খৗতির বাঞ্চাঃ আকো ধৗরতী তালা মৗনমী।
ডয়ল ডয়ল অটাং বাড়ায় একাল রিলৗমালা ?
দাঃ জৗপুৎ দিন দ সৗরি দাঃ দ ঝমর ঝমর
রটে হাকো সেরেঞ আকো, বাংগেকো হমর।
ক্ষেত রেমা হোড়ো গেলে , হয় মা হালায় হালায়
দাঁশাঁয়বঙ্গা হৗলি হৗরিয়ৗড়, কঁ মা বুরুৎ বুরুৎ
সিম সাঁডিকো কুকড়ুয়ৗ, হিলৗও আকো দুচুৎ ।
দারে লাতার ঞুঁরুঃ রেদ রৗস্কৗ তেকো হালাং।
মসৎ বাহা ঝাড়গাও তায়ম জ বিলিতে পেরেচ
চেঁড়েঁ কক জম হালাং, একাল আনেচ ধানেচ।
জীব জিয়ৗলী চেঁড়েঁ চুপড়ী রৗস্কৗ তেকো দন !
সেরমা পেরেচ এঙ্গেল ইপিল হিজুঃ অকা খন
ঞিঁদৗ ঞুঁতৗত হাহাড়াগে ছাঁদাঁয় জিউয়ী মন !
======== ᱛ =========
নিম দারে থার থার ৷
দলে আতে হিলৗঃ কানা ,
বৗনুঃ তিঁগু থির থার ৷
জরঃ কানা ঝার ঝার ৷
বৗহু বিটি লটা বৗটি ,
উমুলেত কো চুরমার ৷
হপন কয়ে হহ আকো ৷
টাঁড়ি টিকুর খনাঃ সানাম ,
হড়কো হিজুঃ হাকো পাকো ৷
রাঃ এতকো কাঁ কঁ ৷
তুকৗ তেকো রুওয়ৗড় কানা
হেঁদে রিমিলরে পুঁড কঁ ,
নোওয়াগে কানা উরুম চিন ৷
মৗই বাবূকো চেমেত কাঃপে ,
নোওয়া কদ জৗপুৎ দিন ৷
======== ᱛ =========
আবেন ইঞরেন চাঁন্দু বোঙ্গা
গড় আলে ,জোহার আলে
দহয় বেন ,জাংঙ্গা ৷
আবেন যতন খৗতির
যাহা হিজু, এটকে টড়ে,
একালতে লাগা পৗসুড় !
মারসাল ডাহাররে আলে
এনেচ ,খিলডু,দুলৗড় চাপে
মানত দহয় দালে৷
দুলৗড় নৗড়ি ছান্দা
দিশৗ দিশৗতে , রৗসকৗ সাড়ের
বেজায় হিজু লান্দা ৷
জানাম খন জানাম
বুঝ কাতে দহয় আবন
কৗটিচ লৗটু সানাম !
আবেনগে সারা ঘৗড়িচ
বুদ ,আকিল, তাড়াম ডাহার
বায় আগুয়া বৗড়িচ !
======== ᱛ =========
এটাঃ গাঁতাক রেনগে,
হড় গিদৗর সাঁও গাতে কাতে
হড় তেহঁ রড়ে মেনগে।
আডিয় হুদিশ লেদা,
হড়তে রড় চেৎ কাতেৎ
পাসেচ্ বৗড়িচ্ কেদা।
হুয়েন গৗখুড় অনড়হিঁয়ৗ,
আডি দামান পতব কতায়
নাম ডাক অনলিয়ৗ।
বাডায় দহয় দেসে,
ডমন সাহু ঞুতুম গেত
‘সমীর’ কানতায় গেসে।
পৗহিল সাপড়েৎ লেনা,
ডি.লিট হানে হামেট লেদা
আঁজম আকান অনা।
উইহৗর দহয়েয়া,
কৗমি এনেম তাঁহেন তেদ
হড়কো দিসৗয় গেয়া।
======== ᱛ =========
১১।।
হাড়াম বাবা
সনাতন টুডু
কাথাম আঁজম তিঞা,
আঁজম লেখান মনে রেনাঃ
কাথাঞ লাইয়াম কেমা।
আমাঃ চেদাঃ বানুঃ ?
ফগড়া আকান খৗতির তেগে
দিনগে মাসেম হৗনুঃ।
নিৎগে লায়াঞ মে,
বাংখান দ দকান খনাঃ
ডাটাঞ আগুয়াম গে।
গড়ম কড়ায় মেতায়,
উমের রেনাঃ অরজ নোওয়া
চেৎ লেকারেম ঠেকায় ?
======== ᱛ =========
উলিদাঃগে মেনাঃ জজ জরে,
ডৗরদ লিলি বিছি জদ লাফাংরে
ঠড়েঠম্পে বিলিঃ সাকাম্ সামাংরে ।
সাঁগে গিদরৗ জক সাগাড়্,
সিপি সড়ে বুলুং মৗরিচ্ মেসা
দাকা উতু খনহঁ সরেসা ।
ঝিলোঃ আক আয়াঃ ধুতি জামারে,
রৗস্কৗ রমজতেক দন্ এনেজ্
হেমাল্ উমুলরে গেনেজ্ গেনেজ্ ।
হিঁসকৗ হুলুং চুলুং বায়্ জানাম্,
রেঁগেজ রেহঁম্ হেঁদে হারতা আমগেত আদি
চৗইচাম্পা তাঁহেকানা মেনাঃ তামা বাঁদি ।
পেটের পেটেজ অহম পৗটুব
হিঁসৗলিয়ৗ ককর মেৎ নুকু ছৗতিক
সিবড় সিরসর লাটকাওয়েনক তিক ।
আপে অনা মারে জজ উমুল্,
জিরাঃ কানাঞ নিচল তিকিন বেড়া
মুলুঃ এনায় বরমভূত্ দারে খনাঃ সেঁড়া ।
সাঁওতা চেতান বৗনুঃ তায়া ধেয়ান,
লৗইয়ৗয় জৗপিদ্ ঞিঁদৗ সাড়াসৗতিঞ
দারে চেতান বরমভূতে আতিঞ ।
কয়গেৎক ককর্ আঁডার্ উঁডুর্,
বৗবুতাক মৗইতাক আল বতর্ঃপে
জজ দারে রুখিয়ৗ লৗগিৎ্ সতরঃপে ।
======== ᱛ =========
দাঃ রে সেডে বেডে।
ভাদর দাঁশায় বঙ্গা
জম কোওয়ায় রকচ ঘঙ্গা।।
দাঃ চেতান রে চাপে।
সাব্ কোওয়ায় হৗকু রটে
জাঙ্গা কৗটুপ যত জেঠে।।
লেগেম লেগেমে পায়রাঃ
ডুবুচ কাতে জমাঃ পাঁজায়
দাঃ তালারে কুহু বৗহুঃ আয়।
দমে বাছাও আয়
দাঃ তালারে তাহেন রেঁহ
ইল বায় লহদ্ তায়।।
আলে বৗবু গেডে গুপি
গেডে রাগ্ পেঁক পেঁক
জম কোওয়ায় লেঁডেৎ জঁক।।
======== ᱛ
=========
দেবন আজম মানা
সেতাঃ সিঙ্গৗড় অলঃ পাড়হাও
মিৎ মনেতে সানা।
দিসম গটাম দাঁড়ান
উডৗন গৗডি জাহাজ গৗডি
উডৗও রিমিল চেতান।
নৗই গাডা মুডু
বাড়গে গডা গাজাড় করে
বিঞ কিদিঞ গুডু।
আয়াং বিঞে সঁগা
বাবন ফেডঃ গৗডিয়ৗ ডভাঃরে
মেনায় সিকড়ী বঙ্গা।
লাচ্ রেগেয় গেগের
গিদরৗ করে নজর তায়
জাংএ তগজ গেজের।
তৗপিস গৗডি হিজু:
তি-জাঙ্গা রৗপুদ কুচ্চাঃ
চাহাব আতেম গুজুঃ।
অড়াঃ রেবন তাহেন
টৗন্ডি টিকর সেঙ্গেল চেটের
ঞুরুঃ দাঃ জখেন।
======== ᱛ
=========
মাঝি ছাটকারে,
গটা টলা পাড়া রেন
রৗস্কৗ আটকারেঃ।
ঞুতুম তায় কুরমু,
লাতার টলা নায়কে হপন
ঞুতুম তায়দ ধুরমু।
জাওয়া ' কারাম দন' ,
হড়ম খন মারাঃ পিঞ্চার লৗটু
এন তেহঁ বাং খাটঃআ মন।
আখড়া তালা রে,
হিডগি ডিগির ধুড়ি লাং অটাং
' কারাম দন ' দন তে।
======== ᱛ =========
অৗডিগে চেহেরা,
মালা-পতামদ আৗডি চরক্ ক ঞেলঃ
রাঃ তাকহঁ অৗডি চেহেরা।
মালা-পতাম ক আঁড়গনা,
সুররেক আঁড়গন খৗতির
সা-সাব্ গেচ সানা।
উডৗঃ আক অৗডি সৗঁগিঞ ,
লাজ্ লৗগিদ্ ক উডৗও বাড়ায়
সেতাঃ খনাঃ তারাসিঞ।।
রুয়ৗড়াক তুকৗতে,
লাজ্ পেরেজ্ ক জম্ অৗগুয়া
জৗপিদাক অৗডি মজতে।
======== ᱛ
=========
কুলহি রেগে এনেচ্,
হোড়ো চৗউলে তোওয়া তাবেন
তিনাঃ আনেচ্ ধানেচ্।
উতু বুলুং মৗরিচ্,
কুলহি রেগে ত ঞামঃ কানা
দিনৗম এনেচ্ ঘৗড়িচ্।
দাকা ইসিনঃ কানা,
লাচ্ বিঃ আর বাং বিঃ
মনে ত বিঃ কানা।
=O=O=O=মুচৗৎ=O=O=O=
.webp)
.webp)
