আবোওয়াঃ ডিজিটাল ডেস্ক- দারায় কান ৯ আগস্ট আদিবাসী জেগেত মাহা। আয়মা টঠারে অনা মাহা মানাও-বাতাও লৗগিৎ সৗত-সাপড়াও এহব গৎ আকানা।
অনকাগে হলা ১ জুলাই পছিম বর্ধমান আদিবাসী গাঁওতা আঃ জুগুৎতে শংকরপুর ফুটবল ডৗহিরে দারায় কান ৯ আগস্ট,২০২১ আদিবাসী জেগেত মাহা মানাও সৗহিজুহি লৗইতে মিৎ গাপাল মারাও আখড়া সৗগুনেনা। জেগেত মাহা রেনাঃ লৗগ্তি সাঁওতে আরহঁ সাঁওতা চেতনাও, সাঁওতা তেয়ার রাকাব রে যুওয়ৗন কোওয়াঃ এনেম এমান আয়মা সাতাম গাপাল মারাও আখড়ারেকো গালচ্ গটা কেদা। জেগেত মাহা সাজাও-সাপড়াও লৗইতে নানাহুনৗর গাপালমারাও সাঁওতে নানাহুনৗর কৗমি হরা গাঁওতারেন রৗসিয়ৗকো মুদ্রে আঁগিভার কো চাল আৎ কোওয়া মেনতেহঁ বাডায় আকানা।
নোওয়া গাপাল আখড়ারে পনৎ রেন আয়ুরিয়ৗ লেকাতে সেটেরকিন তাঁহেকানা মানতান রবীন সরেন আর ডাঃ সুরজিৎ হাঁসদা। অনা সাঁওতে পছিম বর্ধমান আদিবাসী গাঁওতারেন সেক্রেটারী দেবদাস সরেন সাঁওতে জেলা, ব্লক এমান মাঁড়তে কহঁ সেটের কো তাঁহেকানা। আদিবাসী জেগেত মাহা মানাও নাপায়তে সার-সৗগুনঃ মা অনালৗগিৎ আয়ুরিয়ৗ কো সানাম গে মনে কেটেজ্ আতেৎ কো রিকৗয়েদা মেনতেহঁ বাডায় আকানা।
নঁতে লকডাউন রেনাঃ কাথা রাকাব্ লেনরে আদিবাসী গাঁওতারেন সেক্রেটারী মানতান রবীন সরেন গোমকে আবোরেন খবরিয়ৗয় বাডায় অচো আকাদেয়া বাংমা একালতে কোভিড রেনাঃ সানাম লেকান নেয়াম মানাও-বাতাও কাতেগে জেগেত মাহা কো মানাও লৗগিদঃ কানা।
.webp)
.webp)
