আবোওয়াঃ ডিজিটাল ডেস্ক- ঞেল ঞেলতে সানতাড়ি উইকিপিডিয়া তেসার সেরমায় পুরৗও কেদা। বাডায় আকানা বাংমা ২০১৮ সালরেনাঃ তেহেঞাঃ মাহারেগে মেনেৎ ২ আগস্ট হিৎ হিলোঃ গে পোয়লো সানতাড়ি উইকিপিডিয়া রেনাঃ কৗমি হরা এহব লেনা।
বাডায় আকানা নঁতে ইংরেজী পৗরসি আর রোমান লিপি সাঁওতে আরহঁ এমান লিপি কোওয়াঃ হিদিচ্ বেওহার অনাবেগর সরকার আঃ সানতাড়ি পৗরসি লাহান্তি রেনাঃ অভাব, পৗরসি আর সাঁওহেৎ চার্চাওরে নাপায় পুরিবেশ রেনাঃ অভাব নংকা আয়মা অজেতেগে সানতাড়ি পৗরসি আয়মা দিন হৗবিচ্ ঞুর গিডি হররে তাঁহেলেন রেহঁ সানতাড় দরদিয়ৗ যুওয়ৗন কড়া-কুড়িয়াঃ নাওয়া দিশৗতে সানতাড়ি পৗরসি আরহঁ নাওয়া গারতে সাঞ্চাও দাড়ে ঞাম রুওয়ৗড় কেদায়। নোওয়াদ হুয় আকানা একালতে ২০১৮ সালরেনাঃ ২ আগস্ট উইকিপিডিয়া ফাউনডেশন আঃ সাপড়াওতে ধৗরতি রেনাঃ ঝত খন মারাং অনলাইন মুক্ত বিশ্বকোষ উইকিপিডিয়া রেনাঃ সানতাড়ি শুধ্রৗও (sat.wikipedia.org) তালাতে। নোওয়া তালাতে বিশ্ব দরবাররে আরহঁ নাওয়া গারতে সানতাড়ি রেনাঃ ওপোরোম হুয় আকানা। আর নোওয়া সাব দহ লৗগিৎ বাংলাদেশ,ভারত আর নেপাল রেন সানতাড় পৗরসি দরদিয়ৗ যুওয়ৗন কড়া-কুড়ি কো মিৎ লেতাড় গেকো কৗমি ইদিয়েদা।
পারমেন ২৩ জুলাই রেনাঃ মিৎ হিসৗব লেকাতে বাডায় আকানা উইকিপিডিয়ারে সেনেলেদ ৬,৩০১ গটাং হড় আর সেনেলেদ মুদ্রে বেওহারিয়ৗকো ৩,৯৫২ গটাং হড় গৗডিয়াও সাঁহিচ্ বেওহারিয়ৗকো ৩৪ গটাং হড় আর বার হড় মেনাঃ কিনৗ চাচালাওরে।
অনাবেগর সানতাড়ি উইকিপিডিয়া সাঁওতে সানতাড়ি পৗরসি,সাঁওহেৎ আর লাকচার ইন্টারনেট তালাতে বিশ্ব দরবাররে সেটের লৗগিৎ বাংলাদেশ,ভারত আর নেপাল রেন সানতাড়ি উইকিপিডিয়া কো বেনাও আকাদা ‘উইকিপিডিয়ানস অব সান্তালি ল্যাংগুয়েজ ইউজার গ্রুপ’ যাঁহাদ ২১ সেপ্টেম্বর ২০১৯ সালরে উইকিমিডিয়া ফাউন্ডেশন লেকাতে সিকরিতি ঞাম আকাদায়। নোওয়া ইউজার গ্রুপ সানতাড়ি পৗরসি আরহঁ কেটেজ লৗগিৎ অনলাইন আর অফলাইন নানাহুনৗর তালাতে কৗমি ইদিয়েদায় মেনতেহঁ বা্ডায় আকানা।
.webp)
.webp)
