আবোওয়াঃ ডিজিটাল ডেস্ক- পারমেন ২৯ আগস্ট, ভারত জাকাত পৗঠুওয়া গাঁওতা আঃ সৗহিজুহিতে ওয়েবনার তালাতে ধরম চেতান মিৎ গালচ্ আখড়া হুয় পারমেনা। নোওয়ারে সৗরি ধরম গুরুবাবা মানতান সমাই কিস্কু আর সৗরি ধরম পারশালিয়ৗ মানতান টিকারাম হেম্ব্রম গোমকে তিকিন গালচিয়ৗ লেকাতে সেটের কিন তাঁহেকানা। উনকিন সাঁও রড়-রপড় রে ভারত জাকাত পৗঠুওয়ৗ গাঁওতা পাহটা খন সেলেদ্ কিন তাঁহেকানা ফাউন্ডার প্রেসিডেন্ট মানতান সুশান্ত সরেন আর সেক্রেটারী মানতান লালচাঁদ সরেন।
ওয়েবনার তালাতেগে বাডায় ঞাম এনা বাংমা নোওয়া মাড়াং
আরহঁ বা-বারধাও ভারত জাকাত পৗঠুওয়ৗ গাঁওতা পাহটা খন নেঁডা-বুটৗ আখড়ারে ধরম চেতান গালচ্
আখড়া দহ লেনা। মেনখান অকারেহঁ সানতাড় কোওয়াঃ ধরম চেৎ কানা, নোওয়া রেনাঃ ঠিকৗ-বুটৗ বাং
গটা আকান খৗতির আরহঁ নিৎ ওয়েবনার তালাতে তলাশ কো এহব আকাদা পৗঠুওয়ৗকো।
পৗঠুওয়ৗকো তেহেঞ বাডায়তেগে হোয় আকোওয়া হড় হপনাঃ ধরম দ চেৎ কানা? চেদাসে ওনকোগে পোয়লো আনাট রেকো পাড়াঃ কানা স্কুল,কলেজ খন এহব কাতে আয়মা জায়গারেগে ধরম কোড ঠাঁওরে আপনারাঃ ধরম চেৎক অলা ? মেনখান অনা ঠিকৗ-বুটৗ ঞাম লৗগিৎগে তেহেঞ নংকান ওয়েবনার তালাতে ধরম চেতান গালচ্ আখড়া দহ ক মনসুবৗ আকাদা মেনতে সুশান্ত সরেন গোমকে লৗলৗই এ এহব কেদা। সরেন গোমকে লৗই তরা কেদা বাংমা ভারত জাকাত পৗঠুওয়ৗ গাঁওতা বায় খজা অকয়া অসুবিধৗ কাতেৎ, অকয়ঠেনহঁ ধরম লাদেদ। মেনখান পৗঠুওয়ৗ গাঁওতা দ নংকান ধরম এ খজ কানা- যাঁহারে মিৎ টাং জৗত চেৎ লেকা কাতেৎ এ বাঞ্চাঃআ? নোওয়া ইদিকাতেৎ মানতান সরেন গোমকে লৗই কেদায় বাংমা- মিৎ টাং জৗতিয়াঃ পোনয়া দুরিব তাঁহেনা। অনা মুদ্রে মিৎটাং দ ধরম কানা, দশার লাগচার কানা, তেসার আনঅৗরি কানা আর মিৎ টাং দ পৗরসি কানা। আর নোওয়া পোনয়া দুরিব চেতানরেগে পৗঠুওয়ৗ গাঁওতা আঃ পৗতয়ৗও মেনাঃ তায়া। সরেন গোমকে আরহঁয় মেনকেদা-“পৗঠুওয়ৗ গাঁওতা দয় খজা মিৎটাং ধরম গে গটাঃ মা, যাঁহা ধরম চেতান রেদ সান্তাড় জৗতিয়াঃ জৗতি ওপরোম লাদে মেনাঃ আ, সান্তাড় জৗতিয়াঃ বৈশিষ্ট মেশাঃ মেনাঃ আ, যাঁহা ধরম দ ধৗরতি রেন মানওয়া ঠেন সরেশ মেনতে সামাং সদরায়, যাঁহা ধরম দ আবোওয়াঃ মেনতেবন গরব দাড়েয়াঃআ, ধরম গটা তায়ম আবো তালারে আর যাঁহালেকান রাপাচাঃ আলো তাঁহেন মা, ধরম চেতান রেদ ধৗরতি রেনাঃ দান মেনাঃ আ, যাঁহা ধরমরে সানাম মানওয়া বহঃ ক তিরুবৗ”। নুনৗ গুন আর সাপাপ আঃ ধরম গে গটায় রেনাঃ কাথায় সদর কেদা।
আখড়ারে সৗরিধরম গুরুবাবা মানতান সমাই কিস্কু আডি
গৗহির আতে সৗরিধরম চেতান বাঁখেড় এ দহ কেদা। মানতান কিস্কু সৗরিধরম জে জমসিম বিনতি চেতানরে
টেঁহাড় মেনাঃআ অনা কাথা হঁয় সদর তরা কেদা। আয়মা গালচ্ তায়ম গুরুবাবায় লৗই কেদা সানতাড়
জৗতিয়াঃ দ সৗরিধরম গে কানা। মিৎ কুকলিরেনাঃ তেলারে উনিদ সৗরি আর সারনা রেনাঃ ফারাক
আকাশ-জমিন মেনাঃ আ মেনতেহঁয় রড় তরা কেদা। লৗই কেঃআয় সানাম সানতাড় আদিবাসী কানাকো, মেনখান
সানাম আদিবাসীদ সানাতাড় বাং কানাকো। অনালেকাতে হড় হপন সাঁওতে আর আদিবাসী কোওয়াঃ ধরম
জেলেকা মিৎ বৗনু আন অনকাগে সেরওয়াহঁ বাং মিৎ আ। সৗরিধরম হড়দ জাহের থানরেকো বঁগা বুরু
আ, আর সারনা ধরম হড়দ সারনা স্থল রেকো বঁগা বুরু আ। সৗরিধরম রেন বঁগাবুরু রে মারাং বুরু-জাহের
আয়ো আ কাথা রড়ঃ আ, আর সারনা ধরম রে ধর্মেশ-সারনা মাইয়াঃ আ কাথা রড়ঃ আ মেনতেহঁ মানতান
কিস্কুয় লৗইতরা কেদা।
নঁতে সেটের তাঁহেলেন সৗরিধরম পারশালিয়ৗ মানতান
টিকারাম হেম্ব্রম গোমকে লৗই কেদা সৗরি চেতানরে টেঁহাড় মেনাঃ তেগে সৗরিধরম দ।
লালচাঁদ সরেন ঞেঞেলিয়ৗ আর আঁজমিয়ৗ কোওয়াঃ মিৎ বার
কুকলি রেনাঃ কাথা কো সৗরিধরম গুরুবাবা মানতান সমাই কিস্কু ঠেন সামাং কেদায়। অনা কুকলি
রেনাঃ তেলা কহঁ মানতান কিস্কু দিসম হড় তালারে ঠাম ঠাম এ লৗই সদর কেদা।
.webp)
