মহাদেব হাঁসদা- ঞুতুমান অনলিয়ৗ শ্রবন কুমার টুডু দ আবো তালারে আদ বৗনুগেয়া। পারমেন ২৮ আগস্ট ২০২১, আয়াঃ অড়াঃরে উনিদ মুচৗদ্ সাঁহেৎ এ আড়াঃ কেদা। উমের হোয় লেন তায়া ৭৪ সেরমা।
শ্রবন টুডু’আঃ জানাম দ পুরুলিয়া জেলা রেয়াঃ সাঁতুড়ি
থানারে মেনাঃ কালি পাহাড়ি আতোরে ২ মার্চ ১৯৪৭ সালরে হোয়লেন তাঁহেনা। আপাত ঞুতুম দ ঝংগলাল
টুডু। উনিদ মিৎ ঞুতুমান গায়নাহার এ তাঁহেকানা। আচ্ আয়ো আঃ ঞুতুম দ পানসুখি টুডু। মানতান
পি.কে. মিত্র-আঃ গড়তে শ্রবন টুডু দ চাঁদড়া হরিজন কল্যান সংঘ (স্কুল) রেয় ভুরতি লেনা।
অঁডে খন স্কুল ফাইনাল বিডৗউ পাশ কাতে হুগলি জেলা রেয়াঃ কামার পুকুর কলেজ রেয় ভুরতি
লেনা।
বাংলা অনার্স আতে বি.এ. তেসার সেরমা পাড়হাঃ অকতে
আচকাগে উনিদ প্রাইমারী স্কুল রেন চেচেৎ ইচ্ লেকাতে কৗমিয় ঞাম কেদা। খান ১৯৭১ সালরে
পাড়হাঃ বৗগি কাতে লেদিয়াম প্রাথমিক বিদ্যালয়রে চেচেৎ ইচ্-আঃ হুদৗরেয় বাহাল এনা। অনা
তায়ম খন এহপ, এন তায়া নাঁওয়া জিয়ন।
কলেজ রে পাড়হাঃ অকতেগে ১৯৭০ সালরে শ্রবন কুমার
টুডু দ “ঝারনা” সাঁওহেৎ সাকাম রেন সাসাপ্ড়াওয়িচ্ লেকাতেয় বাছাও এনা। অনাদ পে-চাঁদো
কিয়ৗ সাকাম তাঁহেকানা আর সাঁতুড়ি থানা আদিবাসী ল-মহল সুসৗর গাঁওতা হতেতে ছাপা সদরঃ
কান তাঁহেনা। লৗই গানঃ আ, নোওয়াগে কানা পুরুলিয়া জেলা রেয়াঃ পৗহিল উতৗর সানতাড়ি সাঁওহেৎ
সাকাম দ তায়মতে কৗউডি আনাট হতেতে নোওয়া সাকাম উছৗন দ থিরথার লেনা। তবে, সোরদিন খন সেরমাকিয়ৗ
লেকাতে “ঝারনা” দ আরহঁ ছাপা সদরঃ কানা।
 |
| বলরামপুর ফুলচাঁদ হাই স্কুল রে শ্রবন কুমার টুডু সাঁও আর অনলিয়ৗ কোওয়াঃ মিৎ চিতৗর |
শ্রবন কুমার টুডু জিয়নরে আয়মা সমাজ ভৗলৗই গাঁওতা
কো জপড়াও-এ তাঁহেকানা। ল-মহল সুসৗর গাঁওতা মা হেঁগে; পশ্চিমবঙ্গ আদিবাসী ও লোকশিল্পী
সংঘ, ল্যাম্পস সমিতি আর স্কুল ম্যানেজিং কমিটি এমান সাঁও আডি গৗহির জপড়াও- এ তাঁহেকানা।
অনাবেগর, উনিদ মিৎ গৗখুড় গায়নাহার (অভিনেতা) হঁয় তাঁহে কানা।
মিৎ ঞুতুমান সমাজ কৗমিয়ৗ লেকাতে শ্রবন কুমার টুডু
দ আয়মা গুনমানাও সারহাও আর শিরোপা হঁয় আমেট লেৎ তাঁহেনা অনাকো মুদরে ২০১৯ সাল রেয়াঃ
২২ ডিসেম্বর বলরামপুর ফুলচাঁদ হাই স্কুল রেয়াঃ কাথা দ তিস হঁ বাং হিড়িঞঃ আ।
.webp)
