সিঁগি মাহা রেনাঃ সাকাম ‘চেরেচ্ আড়াং’ লেখা- ৫৩

“আবোওয়াঃ কাথা” ডিজিটাল ডেস্ক রে সানাম সিঁগি মাহা হিলোঃ গে গিদ্‌রৗ সাঁওহেদ্‌ বাখরা গিদৗর বৗউলি ‘চেরেচ্‌ আড়াং’ লেতাড়গে উছৗনঃ কানা। তায়ম দারাম নংকাগে আরহঁ সাঁগে অল ভেজায় তাবোন পে। অল ভেজায় রেনাঃ বুটৗ- Whatsapp- 8942955829 : E-mail Id:- abowagkatha@gmail.com

তেহেঞা আখড়ারে যাঁহায় কো সেলেদ্‌ আকান- রিলৗমালা মুরমু, ᱥᱩᱵᱩᱫᱤᱭᱟᱹᱢᱩᱨᱢᱩ, ᱜᱳᱯᱮᱥᱣᱚᱨ ᱢᱟ.ᱱᱰᱤ, ᱮᱵᱷᱮᱱ ᱠᱩᱭᱞᱤ ᱥᱚᱨᱮᱱ, ᱠᱤᱥᱠᱤᱱ ᱫ ᱷ ᱟ ᱢ ᱩᱨᱢ ᱩ, ᱥᱨᱤᱠᱟᱱᱛᱚ ᱥᱚᱨᱮᱱ, সারি ধরম হাঁসদা, সুচাঁদ হাঁসদা, কানন হাঁসদা, বাড়তাঙ সরেন, দুগাই টুডু, সনাতন টুডু, বাবলু সরেন, সীতেন মান্ডি, বিভূতি ভূষন সরেন, নিতাই টুডু, সেঁগেল মারমার, বাবলু সরেন, রামলাল টুডু, দুলৗড় বিটি ।

রিলৗমালা মুরুমু, ক্লাস- IV
জেলা - পুরুলিয়া

১।।

ᱮᱸᱜᱟ ᱛᱳᱭᱳ

ᱥᱩᱵᱩᱫᱤᱭᱟᱹ ᱢᱩᱨᱢᱩ

ᱰᱷᱚᱸᱰᱚᱨ ᱪᱮᱛᱟᱱ

ᱫᱷᱤᱨᱤ ᱫᱚᱞᱟᱱ

ᱫᱩᱫᱩᱲᱩᱢᱮ ᱛᱳᱭᱳ ᱮᱸᱜᱟ ᱾

ᱫᱤᱥᱟᱹᱭ ᱛᱩᱞᱩᱪ

ᱦᱤᱲᱤᱧ ᱮᱫᱟᱭ

ᱪᱟᱸᱫᱚ ᱧᱩᱛᱩᱢ ᱵᱚᱸᱜᱟ ᱾

ᱡᱚᱱᱨᱟ ᱜᱟᱡᱟᱲ

ᱵᱤᱭᱚᱞ ᱵᱚᱭᱚᱞ

ᱯᱩᱸᱰ ᱥᱤᱢ ᱥᱟᱺᱰᱤ ᱾

ᱩᱱᱤ ᱫᱤᱥᱟᱹᱛᱮ

ᱩᱞᱤ ᱫᱟᱜ-ᱢᱟᱜ

ᱡᱚᱨᱚᱜ ᱟᱹᱰᱤ ᱟᱹᱰᱤ ᱾

ᱵᱟᱭ ᱵᱚᱸᱜᱟᱞᱮᱫ

ᱛᱳᱭᱳ ᱮᱸᱜᱟ

ᱥᱤᱢ ᱠᱳᱢᱲᱳᱭ ᱧᱤᱨ ᱾

ᱫᱟᱫᱟᱞ ᱞᱟᱹᱜᱤᱫ

ᱦᱚᱲᱚᱠᱚ ᱢᱟᱠᱚ

ᱥᱮᱴᱮᱨᱮᱱ ᱜᱤᱨ ᱜᱤᱨ ᱿

======= ᱛ =======

২।।
ᱫᱟ'ᱥᱟᱭ
ᱜᱳᱯᱮᱥᱣᱚᱨ ᱢᱟ.ᱱᱰᱤ

ᱫᱟ'ᱥᱟᱭ ᱯᱚᱨᱚᱵ ᱦᱤᱞᱳᱜ
ᱵᱟ.ᱵᱩᱭ ᱮᱱᱮᱪ ᱠᱷᱤᱞᱳᱜ .

ᱫᱟ'ᱥᱟᱭ ᱫᱟᱬᱟᱱ ᱪᱟᱞᱟᱜ
ᱨᱟ.ᱥᱠᱟ. ᱛᱮᱭᱮ ᱞᱟᱦᱟᱜ .

ᱡᱮᱞᱮᱧ ᱠᱟᱥᱚ ᱫᱷᱩᱛᱤ
ᱥᱟᱡᱟᱜ ᱩᱛᱤ ᱥᱩᱛᱤ .

ᱡᱟ'ᱜᱟ ᱨᱮᱱᱟᱜ ᱞᱤᱯᱩᱨ
ᱟ'ᱡᱚᱢ ᱛᱤᱭᱳᱜ ᱥᱩᱯᱩᱨ .

ᱦᱚᱴᱚᱜ ᱨᱮᱱᱟᱜ ᱢᱟᱞᱟ
ᱥᱟᱡᱟᱣ ᱱᱟᱯᱟᱭ ᱛᱟᱞᱟ .

ᱠᱚᱨᱛᱟᱞ ᱢᱟᱛᱚ ᱛᱤᱨᱮ
ᱥᱟᱰᱮ ᱮᱱᱮᱪ ᱩᱱᱨᱮ .

ᱡᱷᱤᱞᱤᱠ ᱞᱤᱯᱤᱨ ᱥᱟᱡᱟᱣ
ᱢᱚᱱᱮ ᱡᱤᱣᱤᱭ ᱢᱟᱡᱟᱣ .

ᱠᱩᱞᱦᱤ ᱛᱮᱭᱮ ᱥᱮᱱᱚᱜ
ᱥᱮᱨᱮᱧ ᱨᱟᱦᱟ ᱢᱮᱱᱚᱜ .

ᱮᱱᱮᱪ ᱛᱩᱞᱩᱡ ᱦᱟᱦᱟᱞ
ᱨᱟ.ᱥᱠᱟ. ᱨᱚᱢᱚᱡ ᱪᱟᱦᱟᱞ .

======= ᱛ =======

৩।।

ᱴᱟᱨᱜᱮᱴ

ᱮᱵᱷᱮᱱ ᱠᱩᱭᱞᱤ ᱥᱚᱨᱮᱱ

ᱫᱮ ᱵᱤᱴᱤ ᱵᱮᱨᱮᱫ ᱢᱮ

ᱫᱟᱹᱛᱟᱹᱱᱤ ᱦᱩᱛᱩᱢ ᱯᱷᱟᱨᱪᱟᱜ ᱢᱮ ᱾

ᱫᱟᱹᱛᱟᱹᱱᱤ ᱦᱩᱛᱩᱢ ᱯᱷᱟᱨᱪᱟ ᱠᱟᱛᱮ

ᱚᱞᱚᱜ ᱫᱩᱲᱩᱵ ᱢᱮ ᱿

ᱫᱮᱞᱟ ᱵᱤᱴᱤ ᱦᱤᱡᱩᱜ ᱢᱮ

ᱛᱳᱣᱟ ᱛᱟᱵᱮᱱ ᱡᱚᱢ ᱢᱮ ᱾

ᱡᱚᱢ ᱵᱤ ᱠᱟᱛᱮ ᱵᱤᱴᱤ

ᱚᱞᱚᱜ ᱫᱩᱲᱩᱵ ᱢᱮ ᱿

ᱫᱮ ᱵᱤᱴᱤ ᱫᱩᱲᱩᱵ ᱢᱮ

ᱚᱞᱪᱤᱠᱤ ᱞᱟᱝ ᱪᱮᱢᱮᱫᱟ ᱾

ᱚ, ᱛ, ᱜ, ᱝ, ᱞ,

ᱫᱮᱞᱟᱝ ᱚᱞᱟ ᱿

ᱥᱤᱞᱳᱴ ᱯᱚᱛᱚᱵᱽ ᱳᱸᱰᱳᱠ ᱢᱮ

ᱦᱚᱞᱟᱱ ᱯᱚᱲᱟ ᱚᱞ ᱢᱮ ᱾

ᱧᱮᱞ ᱧᱮᱞ ᱠᱟᱛᱮ ᱨᱮᱦᱚᱸ

ᱚᱞ ᱢᱩᱪᱟᱹᱫ ᱢᱮ ᱿

ᱚᱞᱪᱤᱠᱤ ᱛᱮ ᱚᱞᱚᱜ ᱢᱮ

ᱚ, ᱛ, ᱜ, ᱝ, ᱞ ᱪᱮᱢᱮᱫ ᱢᱮ ᱾

ᱚᱞᱪᱤᱠᱤ ᱢᱤᱥᱚᱱ ᱒᱐᱒᱕

ᱥᱟᱨ ᱥᱟᱹᱜᱩᱱ ᱢᱮ ᱿

======= ᱛ =======

৪।।

ᱦ ᱟᱹᱨᱭ ᱟᱹᱲ

ᱠᱤᱥᱠᱤᱱ ᱫ ᱷ ᱟ ᱢ ᱩᱨᱢ ᱩ

ᱦᱟᱹᱨᱭᱟᱹᱲ ᱦᱟᱹᱨᱭᱟᱹᱲ
ᱫᱟ ᱨᱮ ᱥᱟ ᱠᱟᱢ ᱦᱟᱹᱨᱭᱟᱹᱲ ;
ᱥᱮᱨᱢᱟ ᱡᱟᱹᱲᱤ ᱫᱟᱜᱛᱮ
ᱞᱮᱜᱮᱪ ᱞᱮᱜᱮᱪ ᱡᱤᱭᱟᱹᱲ l

ᱦᱟᱹᱨᱭᱟᱹᱲ ᱦᱟᱹᱨᱭᱟᱹᱲ
ᱥᱟ ᱱᱟᱢ ᱥᱮᱱᱜᱮ ᱦᱟᱹᱨᱭᱟᱹᱲ ;
ᱚᱛ ᱪᱮᱛᱟ ᱱ ᱪᱮᱛᱟ ᱱᱛᱮ
ᱧᱮᱞᱚᱜ ᱠᱟᱱᱫᱚ ᱛᱤᱭᱟᱹᱨ l

ᱦᱟ.ᱨᱭᱟᱹᱲ ᱦᱟᱹᱨᱭᱟᱹᱲ
ᱵᱤᱨ ᱵᱩᱨᱩ ᱡᱚᱛ ᱦᱟᱹᱨᱭᱟᱹᱲ ;
ᱫᱟᱨᱮ ᱱᱟᱹᱲᱤ ᱢᱮᱱᱟᱜ ᱯᱟᱱᱛᱮ
ᱥᱟᱸᱳᱛᱮ ᱵᱟᱹᱫ ᱵᱟᱹᱭᱦᱟᱹᱲ l

ᱦᱟᱹᱨᱭᱟᱹᱲ ᱦᱟᱹᱨᱭᱟᱹᱲ
ᱫᱤᱱᱫᱚ ᱵᱟᱝ ᱛᱟᱸᱦᱮᱱ ᱦᱟᱹᱨᱭᱟᱹᱲ ;
ᱧᱩᱨᱩᱜ ᱜᱮᱭᱟ ᱯᱟᱱᱰᱩ ᱠᱟᱛᱮ
ᱟᱨᱦᱚᱸ ᱥᱟᱜᱮᱱ ᱨᱩᱭᱟᱹᱲ ᱾

======= ᱛ =======

৫।।
ᱟᱞᱮᱞᱮ ᱠᱷᱚᱡᱽ ᱠᱟᱱ
ᱥᱨᱤᱠᱟᱱᱛᱚ ᱥᱚᱨᱮᱱ

ᱵᱟᱝ ᱞᱮ ᱠᱷᱚᱡ ᱠᱟᱱ ᱡᱮᱞ ᱫᱟᱠᱟ
ᱵᱟᱝ ᱞᱮ ᱠᱷᱚᱡ ᱠᱟᱱ ᱥᱩᱴ-ᱵᱩᱴ
ᱞᱟ.ᱜᱛᱤ ᱛᱟᱞᱮ ᱱᱟᱯᱟᱭ ᱰᱟᱦᱟᱨ
ᱫᱟ.ᱲ ᱫᱟᱲᱮᱭᱟᱜ ᱢᱟᱞᱮ ᱜᱩᱰᱜᱩᱰ᱿

ᱵᱟᱝ ᱞᱮ ᱠᱷᱚᱡ ᱠᱟᱱ ᱠᱟ.ᱩᱰᱤ- ᱯᱩᱭᱥᱟᱹ
ᱵᱟᱝ ᱞᱮ ᱠᱷᱚᱡ ᱠᱟᱱ ᱠᱟᱨᱠᱷᱟᱱᱟ
ᱡᱤᱭᱤᱛ ᱡᱤᱩᱭᱤ ᱨᱮ ᱞᱟ.ᱲᱦᱟ.ᱭ ᱠᱟᱛᱮ
ᱥᱚᱠᱷ ᱢᱮᱴᱟᱜ ᱢᱟ ᱥᱳᱞᱳ ᱟᱱᱟ᱿

ᱵᱟᱝ ᱞᱮ ᱠᱷᱚᱡ ᱠᱟᱱ ᱦᱮᱸᱫᱮ ᱨᱤᱢᱤᱞ
ᱵᱟᱝ ᱞᱮ ᱠᱷᱚᱡ ᱠᱟᱱ ᱨᱟᱦᱞᱟ
ᱥᱮᱛᱟᱜ-ᱟ.ᱭᱩᱵ ᱞᱟ.ᱜᱛᱤ ᱛᱟᱞᱮ
ᱥᱤᱧ ᱪᱟᱸᱫᱳ ᱟᱜ ᱟᱦᱞᱟ᱿

ᱵᱟᱝ ᱞᱮ ᱠᱷᱚᱡ ᱠᱟᱱ ᱵᱤᱞᱤᱛ-ᱵᱟᱞᱟᱛ
ᱨᱚᱝᱜᱤᱱ ᱱᱚᱣᱟ ᱫᱷᱟ.ᱨᱛᱤ
ᱟᱭᱳ-ᱵᱟᱵᱟ ᱥᱮᱵᱟ ᱠᱟᱛᱮ
ᱟᱞᱮ ᱫᱚ ᱢᱚᱱᱮ ᱞᱮ ᱵᱷᱟ.ᱨᱛᱤ ᱿

ᱟᱞᱮ ᱞᱮ ᱠᱷᱚᱡ ᱠᱟᱱ ᱱᱚᱝᱠᱟᱱ ᱚᱞᱚᱜ
ᱡᱟᱦᱟ ᱫᱚ ᱢᱚᱱᱮᱭ ᱥᱟᱯᱷᱟᱭ
ᱡᱤᱩᱭᱤ ᱞᱟ.ᱜᱤᱫ ᱡᱤᱩᱭᱤ ᱟᱞᱟᱭ ᱨᱮ
ᱵᱟᱝ ᱞᱮ ᱛᱮᱦᱮᱧ ᱜᱟᱯᱟᱭ᱿

======= ᱛ =======

৬।।

বির বাহা

সারিধরম হাঁসদা

আম দ বাহা বির বাহা
বিররে আলম বাহাঃ,
ইঞাঃ বাহা বাড়গে রেগে
অঁডে দেলাম সভাঃ।

দুল অৗমৗঞ হেমাল রেয়াড়
ঝৗরি- লটা- দাঃ,
উমতে কৗমৗঞ স'তে সঁধাড়
গটাম আঁদোড় কাঃ।

চেতান টলা লাতার টলা
ঝৗনটি এটেৎ ঝিজুঃ,
তেরম পিপিড় হিপিড় হিপিড়
অটাংতে ক হিজুঃ।

(2)

কুড়ি গিদরৗ আঃ আরজ্

সারিধরম হাঁসদা

ইঞহঁ বাবা অলঃ পাড়হাও
অলিঞ সেঁড়া জং,
গিদরৗ রেদ আলম ভেজাঞ
হড়াঃ চুলহৗ অং।

জানাম আয়ো সাঁওতে হাপেন
আমহঁঞ অৗসুল কেম,
আমাঃ উইহৗর লেকা হাপেন
ইঞ হঁঞ হোয়োঃ 'মেম'।

======= ᱛ =======

৭।।

পুসি

সুচাঁদ হাঁসদা

আলে অড়াঃরে ,
তাঁহেনায় গড়ারে ,
ঞেঁল আকাদেয়াম বালে ৷

ঞেঁলতে কুটি ,
চৗঠনি লুটি ,
লাড়াঃ তায় মেলে মেলে ৷

তাক বাতার ,
ঢুলৗ লাতার ,
পাঁজা কোওয়ায় গুডু ৷

জিল হৗকু ,
উকু চুকু ,
চেলাংরে উয়ুং চুডুঃ ৷

দুলৗড় কাতে ,
ফগলা ফতে ,
ঞুঁতুম লেদে লুসি ৷

আড় পুড়সি ,
বাকো কুসিঃ ,
মেতায়াকো পুসি ৷

======= ᱛ =======

৮।।
অক্ত

কানন হাঁসদা

টিক টিক ,ঠিক ঠিক
অক্ত মেনায় আমসাও
যাহা তাহাম চালাঃরেদ
দিশৗই মেশে মিতধাও ৷

এভেন তুরা,বেরেৎ কাতে
সাফাসাফি আমদো
লগন লগন বৗবু বিটি
অক্ত রেগে দাম দো ৷

আমা অক্ত অলঃপাড়হা
খিলডু এনেচ মেনা
তবে আনিচ রৗসকৗ হিজু
সারা ঘৗড়িচ তাহেনা ৷

আয়ু বাবা দুলৗড় চৗপি
অক্ত কাথা আজম পে
দুলৗড় সাঁও সারহাও লৗগিত
হিজুঃ কানাকো সাদমতে ৷

নিতাঃ কৗমি তিহিঞ রেগে
আডি আওসান বৗবু
আলম দহয় ,জাওরা কাতে
দিশৗই গেয়াবন আবো ৷

হিজুঃ গেয়া! সরেশ সিরপৗ
সারহাও পেকু ঝতোঃ
দিশৗই পেশে,ইউহৗর পেশে
সৗরি গে নিতোঃ !

পারম অক্ত,পারম চালা
সৗহি অক্ত আমঠেন
টিক টিক,ঠিক অক্ত
এ বাবু ,এ বিটি,সৗরি অক্ত দহয় বেন।

======= ᱛ =======

৯।।
ফুটবল

বাড়তাঙ সরেন

গোল গোল গুলৗট বল
খেল আকো ফুটবল
বার সেচ বার গোল
গাতেঃ আকো বার দল।

গেল গেল ইশি হড়
দৗড় বাড়ায় গোডারে
গোলকিপার বার হড়
গোল পোষ্ট তালারে।

হাহাড়া বিশ জন
গোটাকো ঞির বাড়ায়
মিৎ সুমুং বল হায়
চেকাকো গোল বাড়ায় !

অকয় কো দনা
অকয় দকো থৗয়ৗয়
তি জটেৎ লেন খান
‍হ্যাণ্ডবল কো লৗই।

বল তৗকিচ লেনখান
বহঃ এমান করে
হেড হেডকো মেনা
একাল আডি জোরে।

অরঙায় রেফারি
সুয়ুড় সুয়ুড় হুরসিল
রৗস্কৗতে গোডারে
একাল আডি তৗসিল।

বল বলো লেনখান
তাকরে তালা গোল
ঞেঞেল কো রৗও রৗও
রৗস্কৗতে 'গোল গোল' ।

======= ᱛ =======

১০।।

গুঁডরি

দুগাই টুডু

গুঁডরি চেঁড়ে দৗড় বাড়ায়
গাজাড় ভিতরি তালা,
অকা জখান ঞেল ঞামঃ
একাল আচকা ভালা।

কৗটিচ্‌ মাছা চেঁড়ে কানতে
বাচয় চুপিয় বুজুঃ,
মিমিৎ কাটা পেয়া কৗটুপ
আপগে উকুর জুতুঃ।

হড়াঃ সাবাদ আঁজম রেদ
উডাঃ ফারগে ফুরগে,
আরহঁ আচুর হিজুঃ আদ
হানে ঝৗড়পা ঝুড়গে।

হানডে নাঁডে উনরে অনে
ফারকাও জোড়া জোড়া,
গুডুর গুডুর দাঁড়া গেকো
ঞিরগে বাড়ায় থোড়া।

রাগা বলে দমে গুড় গুড়
জেলেঞ সাঁহেদ্‌ কাতে,
ভুকু লিঁদির জমকো লৗগিৎ
উনগে সেঁদরা আতে।

কাবরা কাবরা বেলে কাতে
হপনঃ আকো হাপেন,
নংকা কাতে ধৗরতি তালা
গুঁডরি বৗড়গে তাঁহেন।

======= ᱛ =======

১১।।

হপন বাবু

সনাতন টুডু

হৗকুয় সাবে লৗগিদ্‌ বাবু
তালা রাচারেয় জবে,
জবে তায়ম বায় রাকাব আ
লসদ্‌ গটায় জড়ধে।

কয়ঃ বাডায় হানতে নাতে
অকয়হঁ বাংকো হিজুঃ,
লসদ্‌ সিপিয় রৗগি কাতে
যুদি জাঁহায় কো হিজুঃ।

হপন বাবু হপন গেয়ায়
রৗগি বহঃ চেতান,
আলম মেতায় হানা নাওয়া
এমাম বহঃ চেতান।

হপন ঠঁগারে মারাং জিনিস
আডি জাবদা বেপার,
আজাঃ কাথারে আচ্‌গেয় দাড়েঃ
আডি ইন্টারেস্টিং বেপার।

======= ᱛ =======

১২।।
বাহা

বাবলু সরেন

বাহা দয় বাহাও আকানা
আলে বাড়গে রে
বাহা দয় হিলৗঃ আ
হিসিদ হয় তে ৷

লাঁদা মেসা রড় তায়
ঞেলঃ আডি মঁজগে
সেতাঃ, তিকিন, তারাসিঞ
ঞেলেয়াম লাঁদা আকাগে ৷৷

======= ᱛ =======

১৩।।
নেঁহর

সীতেন মাণ্ডি

আঙ্গা তরাঞ বেরেৎ আ
দাড়াঃআঞ টাঁডিরে
মেৎ মচা হুতুম কাতে
পাড়হাঃ ইঞ দুড়ুপ আ।

সিঞ চাঁদ মনে মনে
নেহর জহার আয়াঞ
গটা দিন পারমঃ মা
সুলুক নিরৗইতে।

এড়ে কাথা বাঞ রড়
বাঞ লৗড়ৗই অকয় সাঁও
যত ক তুলুচ মজ সৗগৗই
বেনাঃ মাঞ নাপায় হড়।

ইতুন আসড়াঞ চালাঃ আ
অল পাড়হাও ইঞ সেঁড়ায়
মাচেৎ কওয়াঃ উদুঃ হরতে
ইঞ দ তাড়ামিঞ রিকৗয়।

জানাম দাতা গ বাবা
দাদা দিদি তাক
আজমাঞ উনকুআঃ কাথা
তিশ হঁ বাঞ বাং আক।

আয়ো বাবা বঙ্গা লেকা
চাঁদ বারা বৗরি
নওয়া কাথা বাং এড়ে
একাল গেচ সৗরি।

নেহর আয়াঞ চাঁদ বঙ্গা
জহার গ বাবা ঠেন
বুরধি দিশৗ এমাঞ পে
নাপায়হরতে সুতুঃ কাঞপে।

======= ᱛ =======

১৪।।
হৗকু-রটে খেল
বিভূতি ভূষণ সরেন

উদুপ কৗটুব সাব রেদ
হৗকুম সাব এয়া,
বুড়হৗ কৗটুব সাব রেদ
রটেম সাব এয়া।

হৗকু হৗকু হৗকু রটে
বুডিগে সঁগে ভটে,
বুডি-গ হেঁয়রে তাঁহে কাতে
খেল কানায় মঠে।

উদুপ কৗটুব হুরলৗ কাতেঃ
সাবায় বুড়হা কৗটুব,
বুডি-গ লাঁদা লাঁদাতে মেন
জম মে রৗটুপ পৗটুব।

উদুপ কৗটুব সাসাব লৗগিৎ
ভটে মনেয় রিকিড়,
মা বুডি-গ হুরলৗও তাম
সাব লৗগিৎ এ জিগিড়।

উদুপ কৗটুব সাব রেদয়
ভটে আডিগে লাঁদায়,
বুডি-গ মেন হৗকু জমেমে
ভটে রৗস্কৗতে ফাঁদায় ।

লাঁদা লাঁদাতে ফাঁদা ফাঁদাতে
বুডি-গয়াঃ আঞ্চারে অড়েচ্,
হায়রে ভটে সাধের শৗড়ি
বাম দহলেঃ সারেচ্।।

======= ᱛ =======

১৫।।
জানাম আয়ো

নিতাই টুডু

জানাম আয়ো দ বঙ্গা কানায়
একাল বাংবন হিড়িঞেয়া ।
জানাম আয়োয় শাসনবন রেঁহ
একাল বাংবন আড়িশায়া।।

হারা-বুরুরে, তাড়াম-ডাহাররে
জানাম আয়োয়াঃ এনেম আডিগে।
অনাতেগে জিউয়িদ্ ভুরদ
ভৗগিলেকাবন দেবা সেবায়গে।।

এড়ে কাথা, বৗড়িজ কাথা
বাংবন মেনা আয়োঠেন।
অনাক কাথা মেন লেখান
জানাম আয়োয় আড়িশঃ।।

সৗরি কাথা মেনমে, ভৗগি কাথা লৗইমে
অনাতেগে হেওয়াঃ মে।
নিয়ৗক কাথাম মেন লেখান
দিশম হড়ক সারহাওমে।।

======= ᱛ =======

১৬।।
বৗরুডাঙ

সেঁগেল মারমার

গিদরৗক মেন আম ঞেলতে
বৗরুডাঙ বৗরুডাঙ
মা বৗরুডাঙ দনমে
তালা টরডাঙ।

অঁআঁ অঁআঁ
অকারে মেনাম উকূ
এনান খনে পাঁজায়েদ্ মে
আলে আতুরেন সুকু।

হড়ম আমাগ্ চিকৗড়ঁ লেঁজের
হড় ঞেলতেম দন
হাঁডে নাডে ঝপাঙ ঝপাঙ
সুর সৗগিঞ খন।

আমদ আডিঞ কুশিয়ামা
দন আর রড়রে
লাঁবেদ্ কাতেদ্ তাঁহেন মে
সাকাম লাতাররে।

শিকারিক পাঁজায়েদ্ মে
আমকো জম মেয়া
উরুদ্ কাতেদ্ হড়ম আমাগ্
সাকাম রেক লাদ্ মেয়া।

অনাতেঞ মেতাম দানাঙ কগ্ মে
হিজুগ্ কানাক ধদর
পুখরী ডভাগ্ বৗইহৗড় করে
আলম তাঁহেন সদর।

======= ᱛ =======

১৭।।

গিদৗর বৗউলি
বাবলু সরেন

উল কান্ঠাড় আপেল কায়রা আনার লিচু

গিদরৗ বৗউলি চেরেচ আড়াং হাপতা পিছু পিছু |

হাপে হাপে তিঙ্গুনমেসে বাহা দৗইনৗ বাহা

হিড়িঞ কেদাম সে চেৎ তিহিঞদ্ সিঁগিমাহা !

গিদৗর পিদৗর ঝেত ঠেলাঠেলি

লেয় অটকাঃমেসে মিৎটাং গিদরৗ বৗউলি !

======= ᱛ =======

১৮।।

আলে অড়াঃ

রামলাল টুডু

যতধারে ফঙ্কে গেয়া সৗড়িম হঁ ভুগৗঃ
ভিতৗররে জাঁগা বলঃ অত গোডো ভুগৗঃ ।
সিঞবেড়া তারাসিঞ সেতোং হঁ বলঃ
ঞিদৗবেড়া তেরদেচ্ ইপিলক ঞেলঃ ।
বুসুব্ দ সেয়াগেয়া দালব্ গে বৗনুঃ
সেনের হঁ রৗপুদ্ গে বাতা কহঁ বৗনুঃ ।
সাডেগৗডি কুলহিতে যখনগে চালাঃ
গটাঅড়াঃ দোলেঃ তালে গৗডিসাডে সালাঃ ।
নাসেনাঃ এ দাঃগ্ তেগে লসদঃ আ গটা
বৗনুঃ আন্ সিলপিঞ দুয়ৗর গে গটা ।
হিজুঃ আক রটে বিঞ তারাসিঞ করে
বাক ঞাম ওকো সজ দৗড় আক পরে ।
কাঁত কহঁ পাড়াঃগেয়া বাহের হঁ ঞেলঃ
সিঞ-ঞিদৗ হয় কহঁ অনাতেগে বলঃ ।
মেনায়গে গড়মবা বাবের এ উঁঞ
সগেয়ায় তালেডৗর আরে গাঞ গুঁঞ ।
হানে ঞেলঃ আলে অড়াঃ ঞেলতেদ খাঞ্চা
কচা করে মচায়ালে রিকৗয়ালে বাঞ্চাঃ ।
অঁডেগেলে আঁগায়েৎ রৗপুদ্ গে অড়াঃ
সরকার তিসচয় এমালেয়া অড়াঃ ??

======= ᱛ =======

১৯।।

দাঃ

দুলৗড় বিটি