(ᱦᱩᱰᱤᱧ ᱢᱟᱪᱷᱟ ᱠᱟ.ᱦᱱᱤ)
ᱜᱳᱯᱮᱥᱣᱚᱨ ᱢᱟ.ᱱᱰᱤ
ᱵᱮᱱᱟᱰᱤ
ᱟᱛᱳ ᱨᱮ ᱢᱤᱫ ᱵᱟᱨ ᱪᱟ'ᱫᱚ ᱛᱟᱭᱚᱢ ᱛᱟᱭᱚᱢ ᱨᱟᱱ ᱵᱮᱜᱚᱨ ᱳᱡᱷᱟ ᱦᱚᱛᱮᱡ ᱛᱮ ᱟᱢᱫᱟ ᱦᱚᱲ ᱠᱚ ᱵᱚ'ᱜᱟ
ᱛᱟᱞᱟᱭᱮᱱ ᱠᱷᱟᱱ,ᱠᱩᱞᱦᱤ ᱫᱩᱲᱩᱵ ᱠᱚ ᱦᱚᱦᱚ ᱠᱮᱫᱟ . ᱢᱮᱱ ᱠᱮᱫᱟ ᱠᱚ ᱟᱵᱚ ᱟᱛᱳ ᱨᱮ ᱰᱟ:ᱱ ᱠᱚ ᱥᱟ'ᱜᱮᱣ
ᱟᱠᱟᱱ ᱛᱮ ᱠᱚ ᱡᱚᱡᱚᱢ ᱠᱟᱱᱟ,ᱰᱟ:ᱱ ᱥᱟᱵ ᱦᱩᱭᱩᱜ ᱛᱟᱵᱚᱱᱟ . ᱵᱟᱝᱠᱷᱟᱱ ᱫᱤᱱ ᱫᱤᱱ ᱛᱮᱠᱚ ᱡᱚᱢ
ᱪᱟᱵᱟ ᱵᱚᱱᱟ . ᱜᱳᱴᱟ ᱠᱮᱫᱟ ᱠᱚ ᱥᱚᱠᱟ ᱡᱟᱱᱜᱩᱨᱩ ᱴᱷᱮᱱ ᱪᱟᱞᱟᱣ ᱞᱟ.ᱜᱤᱫ .
ᱟᱛᱳ
ᱦᱚᱲ ᱡᱟᱱ ᱜᱩᱨᱩ ᱴᱷᱮᱱ ᱠᱚ ᱪᱟᱞᱟᱣ ᱮᱱᱟ . ᱢᱮᱛᱟᱫ ᱠᱚᱣᱟᱭ ᱢᱤᱫ ᱴᱟᱝ ᱵᱷᱳᱜᱷ ᱵᱮᱱᱟᱣ ᱠᱟᱛᱮ ᱤᱧ ᱮᱢᱟᱣ
ᱟᱯᱮ ᱠᱟᱱᱟ . ᱚᱱᱟ ᱟᱛᱳ ᱨᱮᱱ ᱡᱚᱛᱚ ᱦᱚᱲ ᱡᱚᱢ ᱦᱚᱪᱚ ᱠᱚᱯᱮ . ᱡᱟ'ᱦᱟᱭ ᱰᱟ:ᱱ ᱠᱟᱱᱟᱭ ᱩᱱᱤ ᱫᱚ ᱜᱷᱳᱨ
ᱠᱟᱛᱮ ᱮ ᱧᱩᱨᱩᱜ-ᱟ . ᱩᱱ ᱫᱚ ᱵᱩᱡᱷᱟ.ᱣ ᱦᱩᱭᱩᱜ-ᱟ ᱩᱱᱤᱜᱮᱭ ᱡᱚᱢᱮᱫ ᱯᱮᱭᱟ . ᱚᱱᱠᱟ ᱜᱮ ᱠᱚ ᱠᱟ.ᱢᱤ
ᱠᱮᱫᱟ . ᱟᱛᱳᱨᱮᱱ ᱥᱟᱱᱟᱢ ᱦᱚᱲ ᱠᱚ ᱡᱚᱢ ᱚᱪᱚ ᱠᱮᱫ ᱠᱚᱣᱟ . ᱢᱮᱱᱠᱷᱟᱱ ᱚᱠᱚᱭ ᱜᱮ ᱵᱟᱝ ᱠᱚ ᱜᱷᱳᱨ ᱞᱮᱱᱟ
.
ᱚᱱᱠᱟ
ᱛᱮᱫᱚ ᱵᱟᱝ ᱦᱩᱭ ᱞᱮᱱᱟ . ᱚᱱᱟᱛᱮ ᱫᱚᱥᱟᱨ ᱫᱷᱟᱣ ᱠᱚ ᱜᱳᱴᱟ ᱠᱮᱫᱟ ᱩᱢ ᱦᱮᱡ ᱠᱟᱛᱮ ᱡᱟᱦᱮᱨ ᱜᱟᱲ ᱡᱚᱴᱮᱫ
ᱦᱩᱭᱩᱜ-ᱟ ᱟᱨ ᱢᱮᱱ ᱞᱟᱜᱟᱜ-ᱟ ᱤᱧ ᱫᱚ ᱰᱟ:ᱱ ᱵᱟᱝ ᱠᱟ.ᱱᱟ.ᱧ,ᱟᱛᱳ ᱦᱚᱲ ᱵᱟᱝ ᱤᱧ ᱡᱚᱢᱮᱫ ᱠᱚᱣᱟ .
ᱩᱱᱠᱩᱣᱟᱜ ᱯᱟ.ᱛᱭᱟ.ᱣ ᱫᱚ ᱡᱟ'ᱦᱟᱭ ᱰᱟ:ᱱ ᱠᱟᱱᱟᱭ ᱩᱱᱤ ᱫᱚ ᱮᱲᱮ ᱠᱟᱛᱷᱟᱭ ᱢᱮᱱ ᱟᱠᱟᱫ ᱥᱮᱭ ᱵᱚ'ᱜᱟ
ᱛᱟᱞᱟᱜ-ᱟ . ᱢᱮᱱᱠᱷᱟᱱ ᱚ'ᱰᱮ ᱦᱚ' ᱡᱚᱴᱮᱫ ᱠᱟᱛᱮ ᱚᱠᱚᱭ ᱜᱮ ᱵᱟᱝ ᱠᱚ ᱵᱚ'ᱜᱟ ᱛᱟᱞᱟ ᱞᱮᱱᱟ . ᱱᱚᱝᱠᱟ ᱜᱮ
ᱟᱢᱫᱟ ᱡᱟᱭᱜᱟ ᱨᱮ ᱜᱟ.ᱰᱤ ᱵᱷᱟᱲᱟ ᱮᱢ ᱠᱟᱛᱮ ᱥᱚᱠᱟ,ᱡᱟᱱᱜᱩᱨᱩ ᱚᱲᱟᱜ ᱫᱟᱲᱟ ᱵᱷᱟᱜᱟᱣ ᱠᱟᱛᱮ ᱰᱟ:ᱱ ᱵᱟᱝ
ᱠᱚ ᱜᱳᱴᱟ ᱫᱟᱲᱮᱣᱟᱫ ᱠᱚᱣᱟ .
ᱱᱚᱣᱟ
ᱠᱚ ᱠᱟᱛᱷᱟ ᱟ'ᱡᱚᱢ ᱠᱟᱛᱮ ᱥᱩᱨ ᱥᱩᱯᱩᱨ ᱟᱛᱳ ᱠᱷᱚᱱ ᱥᱩᱥᱟ.ᱨ ᱧᱩᱛᱩᱢᱟᱱ ᱢᱤᱫ ᱦᱚᱲᱮ ᱦᱮᱡ ᱮᱱᱟ . ᱟᱫᱚ
ᱡᱟᱣᱨᱟ ᱠᱟᱛᱮ ᱢᱮᱛᱟᱣ ᱟᱠᱚ ᱠᱟᱱᱟᱭ ᱰᱟ:ᱱ ᱫᱚ ᱵᱟ.ᱱᱩᱜ ᱠᱚᱣᱟ,ᱯᱟ'ᱡᱟ ᱠᱟᱛᱮ ᱫᱚ ᱳᱠᱟ ᱨᱮᱯᱮ ᱧᱟᱢ ᱠᱚᱣᱟ
? ᱥᱚᱠᱟ,ᱡᱟᱱᱜᱩᱨᱩ ᱵᱮᱜᱚᱨ ᱰᱟ:ᱱ ᱫᱚ ᱳᱠᱟᱨᱮᱢ ᱧᱟᱢ ᱠᱚᱣᱟ ? ᱰᱟ:ᱱ ᱫᱚ ᱵᱟᱝ ᱠᱚ ᱡᱚᱡᱚᱢ ᱠᱟᱱᱟ,ᱟᱡᱟᱨ ᱮ
ᱡᱚᱡᱚᱢ ᱠᱟᱱᱟ . ᱨᱩᱣᱟ. ᱦᱟ.ᱥᱩ ᱞᱮᱱᱠᱷᱟᱱ ᱥᱩᱱᱩᱢ ᱥᱟᱠᱟᱢ,ᱚᱝ ᱡᱷᱟᱲ ᱫᱚ ᱵᱟᱝ,ᱟᱡᱟᱨ ᱨᱮᱱᱟᱜ ᱨᱟᱱ ᱵᱚᱱ
ᱵᱮᱵᱚᱦᱟᱨ ᱢᱟ . ᱛᱚᱵᱮ ᱠᱷᱟᱱ ᱜᱮ ᱵᱚᱱ ᱱᱟᱯᱟᱭᱚᱜ-ᱟ .
ᱩᱱᱤ
ᱦᱚᱲᱟᱜ ᱠᱟᱛᱷᱟ ᱞᱮᱠᱟ ᱛᱮ ᱥᱩᱱᱩᱢ,ᱥᱟᱠᱟᱢ,ᱚᱝ ᱡᱷᱟᱲ ᱰᱟ:ᱱ ᱯᱟ'ᱡᱟ ᱮᱢᱟᱱ ᱠᱷᱚᱱ ᱥᱟᱦᱟ ᱠᱟᱛᱮ ᱟᱡᱟᱨ
ᱨᱮᱱᱟᱜ ᱨᱟᱱ ᱵᱮᱵᱚᱦᱟᱨ ᱠᱚ ᱫᱷᱩᱨᱟ.ᱣ ᱮᱱᱟ . ᱟᱫᱚ ᱟᱛᱳ ᱦᱚᱲ ᱟᱡᱟᱨ ᱠᱷᱟᱱ ᱟ.ᱰᱤ ᱠᱚ ᱵᱮᱥᱚᱜ ᱠᱟᱱᱟ .
ᱩᱱ ᱫᱚ ᱟᱫᱚ ᱟ.ᱰᱤ ᱨᱟ.ᱥᱠᱟ. ᱠᱚ ᱵᱩᱡᱷᱟ.ᱣ ᱮᱫᱟ . ᱟᱛᱳ ᱦᱚᱲ ᱱᱮᱛᱟᱨ ᱟ.ᱱᱤᱡ ᱠᱚ ᱵᱩᱡᱷᱟ.ᱣ ᱛᱤᱭᱳᱜ
ᱠᱮᱫᱟ ᱴᱷᱤᱠ ᱥᱟ.ᱦᱤᱡ ᱵᱟᱝ ᱮᱢ ᱨᱟᱱ ᱚᱪᱚ ᱞᱮᱱ ᱠᱷᱟᱡ ᱰᱟ:ᱱ ᱫᱚ ᱵᱟᱝ ᱟᱡᱟᱨ ᱜᱮᱭ ᱡᱚᱡᱚᱢᱟ .ᱱᱚᱝᱠᱟ ᱠᱚ
ᱥᱮᱬᱟ ᱠᱮᱫ ᱛᱮ ᱟᱫᱚ ᱱᱟᱯᱟᱭ ᱞᱮᱠᱟ ᱛᱮ ᱟᱛᱳ ᱦᱚᱲ ᱡᱤᱭᱚᱱ ᱠᱷᱟ'ᱰᱟᱣ ᱠᱚ ᱫᱷᱩᱨᱟ.ᱣ ᱮᱱᱟ .
.webp)
.webp)
