আবোওয়াঃ ডিজিটাল ডেস্ক- হলা ৩১ জুলাই হিলোঃ বাং হৗটিঞ মেদিনীপুর ভারত জাকাত মাঝি পারগানা মহলাঃ হহতে কেশপুর বিধান সভারেন বিধায়িকা মানতৗনিয়ৗ শিউলি সাহা আর শালবনি বিধান সভারেন বিধায়ক মানতান শ্রীকান্ত মাহাত ঠেন গেশায় গেশায় আদিবাসী গণডেপুটেশন রেকো সেলেদ্ লেনা মেনতে বাডায় আকানা।
নোওয়াহঁ বাডায় আকানা নিৎ মার মার নংকান চাষ কৗমি বৗগি কাতেৎহঁ, রেঁগেচ্ তেতাং দেয়া কাতেৎ আকোওয়া দৗবী আদায় লৗগিৎ, আকোওয়া রেঁগেচ্ রাবাং রেনাঃ কাথা বাডায় অচো লৗগিৎ ঞির সেটের আকানাকো আকোরেন বিধায়ক ঠেন।
বাডায় আকানা পছিমবাংলা পনৎ রেনাঃ আইটিডিপি এলাকাকো আর্টিকেল্ ২৪৪ লেকাতে আডি লগন গে 5 th Schedule লৗগু রেনাঃ দাবীতে, পুরুলিয়া জেলারে আযোদিয়ৗ ঠুড়গৗ প্রকল্প ঞুম কাতে আদিবাসী লাগা ডিগলৗও বনদ অচোয় রেনাঃ দাবীতে, আদিবাসী কোওয়াঃ ধরম সেঁদরা বনদ বাং চালাঃ আ, আর সেঁদরা ঞুতুম তে আথৗউড়ি কেশ এম কাতে হায়রৗনি এম বাং গানোঃ আ অনা রেনাঃ দাবীতে আর সানাম ফেক এসটি সার্টিফিকেট সিজ করাও হোয়োঃ মা আর সার্টিফিকেট এম আকাদ্ আপিসার কো কডরা শাসেৎ এম অচোয় অনা রেনাঃ দৗবীতে আয়মা আদিবাসীকো গণডেপুটেশন কো সৗখি সভা কেদা।
নোওয়াকো দৗবী হাপেন আখিররে বাং পুরুনঃ আর নুকিন মন্ত্রী বিধান সভারে কাথা বাংকিন রাকাবা এমন চেৎ নোওয়াকো দৗবী বিধান সভারে রাকাব লেদাকিন সে বাং অনারেনাঃহঁ ভিডিও ফুটেজ মহল সামাংরে সদর হোয়োঃআ আর বাংখান দারায় কান দিনরে ভারত জাকাত মাঝি পারগানা মহল বাং হৗটিঞ মেদিনীপুর জেলা পাহটা খন নবান্ন ঘেরাও আর বাংখান জেলারেন সানাম বিধায়ক কো বাং লেখা মাহা হৗবিচ্ ঘেরাও রেনাঃ কৗমি হরারে মহল আঁড়গঁনায় মেনতেহঁয় বাডায় অচোকেৎ কোওয়া।
ভারত জাকাত মাঝি পারগানা মহল সঝহে কাথাতে লৗই সদর আকাদায় বাংমা আদিবাসী কোওয়াঃ নোওয়া কো দৗবী মানাওতেগে হোয়ো আ। আর বাংখান দারায় কান দিন রেনাঃ বাছানাওরে মিৎ টাং আদিবাসী আতোরেহঁ নেতা-মন্ত্রী কো বাকো বল অচোওয়া কোওয়া মেনতেহঁ মহল মাড়াং খনগে হুঁশিয়ৗরী কাথায় কেদা।
.webp)
.webp)
