সিঁগি মাহা রেনাঃ সাকাম ‘চেরেচ্ আড়াং’ লেখা- ৪৯

“আবোওয়াঃ কাথা” ওয়েব পেজ রে সানাম সিঁগি মাহা হিলোঃ গে গিদ্‌রৗ সাঁওহেদ্‌ বাখরা গিদৗর বৗউলি ‘চেরেচ্‌ আড়াং’ লেতাড়গে উছৗনঃ কানা। তায়ম দারাম নংকাগে আরহঁ সাঁগে অল ভেজায় তাবোন পে। অল ভেজায় রেনাঃ বুটৗ- Whatsapp- 8942955829 : E-mail Id:- abowagkatha@gmail.com ।

তেহেঞা আখড়ারে যাঁহায় কো সেলেদ্‌ আকান- রিলৗমালা মুরমু, ᱥᱩᱵᱩᱫᱤᱭᱟᱹᱢᱩᱨᱢᱩ, ᱜᱳᱯᱮᱥᱣᱚᱨ ᱢᱟ.ᱱᱰᱤ, ᱥᱨᱤᱠᱟᱱᱛᱚ ᱥᱚᱨᱮᱱ, বাড়তাঙ সরেন, সুচাঁদ হাঁসদা, রামলাল টুডু, দুগাই টুডু, সীতেন মান্ডি, বিভূতি ভূষন সরেন, কানন হাঁসদা, সেঁগেল মারমার, সতন কুমার সরেন, দুলৗড় বিটি ।

রিলৗমালা মুরুমু, ক্লাস- IV
জেলা - পুরুলিয়া

১।।

ᱟᱞᱮ

ᱥᱩᱵᱩᱫᱤᱭᱟ. ᱢᱩᱨᱢᱩ

ᱵᱟᱹᱭᱦᱟᱹᱲ ᱦᱳᱲᱳ
ᱞᱤᱞᱤ--ᱵᱤᱪᱷᱤ ᱾
ᱵᱟᱹᱫᱽ    ᱢᱟ
ᱨᱚᱦᱚᱲ ᱜᱟᱪᱷᱤ ᱾

ᱦᱚᱭᱛᱮ ᱦᱤᱞᱟᱜ
ᱠᱮᱫᱮᱡ ᱠᱮᱫᱮᱡ ᱾
ᱞᱮᱣᱦᱟ ᱢᱮᱥᱟᱜ
ᱪᱟᱸᱫᱚ ᱛᱮᱨᱫᱮᱡ ᱾

ᱦᱵᱚᱦᱚᱜ ᱪᱮᱛᱟᱱ
ᱨᱟᱦᱚᱞᱟ ᱨᱤᱢᱤᱞ ᱾
ᱩᱰᱟᱹᱣ ᱪᱟᱞᱟᱜ
ᱯᱤᱨᱤᱞ    ᱯᱤᱨᱤᱞ ᱾

ᱵᱩᱞᱟᱹᱱ ᱵᱩᱞᱟᱹᱱ
ᱰᱟᱺᱲᱠᱟᱹ ᱯᱩᱴᱷᱤ ᱾
ᱮᱱᱮᱪ    ᱠᱟᱱᱠᱚ
ᱟᱠᱚ    ᱡᱩᱴᱤ ᱾

ᱠᱟᱹᱥᱤ   ᱜᱮᱞᱮ
ᱛᱮᱦᱮ   ᱛᱮᱦᱮ ᱾
ᱢᱮᱱᱟᱜ ᱞᱮᱭᱟ
ᱵᱟᱞᱮ ᱵᱟᱞᱮ ᱾

ᱛᱤᱱᱟᱹᱜ ᱪᱚᱨᱚᱠ
ᱛᱤᱱᱟᱹᱜ ᱢᱚᱡᱽ
ᱛᱟᱸᱦᱮ ᱱᱟᱞᱮ
ᱜᱟᱞᱮ ᱜᱚᱞᱮ ᱾

᱿=-=-=-=- ᱛ =-=-=-=᱿

২।।

ᱴᱨᱟᱯᱷᱤᱠ ᱥᱤᱜᱽᱱᱟᱞ

ᱜᱳᱯᱮᱥᱣᱚᱨ ᱢᱟ.ᱱᱰᱤ

ᱦᱚᱨ ᱛᱮᱠᱚ ᱪᱟᱞᱟᱜ
ᱴᱨᱟᱯᱷᱤᱠ ᱥᱤᱜᱽᱱᱟᱞ ᱢᱮᱱᱟᱜ ᱾

ᱟᱨᱟᱜ,ᱥᱟᱥᱟᱝ,ᱦᱟ.ᱲᱭᱟ.ᱨ
ᱩᱫᱩᱜ ᱦᱚᱨᱮ ᱡᱤᱭᱟ.ᱲ ᱾

ᱟᱨᱟᱜ ᱵᱟ.ᱛᱤ ᱡᱩᱞᱩᱜ
ᱟᱞᱚᱢ ᱯᱟᱨᱚᱢ ᱥᱩᱨᱩᱜ ᱾

ᱥᱟᱥᱟᱝ ᱵᱟ.ᱛᱤ ᱡᱩᱞᱩᱜ
ᱛᱮᱭᱟᱨ ᱛᱟᱸᱦᱮ ᱦᱩᱭᱩᱜ ᱾

ᱦᱟ.ᱲᱭᱟ.ᱨ ᱵᱟ.ᱛᱤ ᱡᱩᱞᱩᱜ
ᱦᱚᱨ ᱯᱟᱨᱚᱢ ᱪᱟ.ᱞᱩᱜ ᱾

᱿=-=-=-=- ᱛ =-=-=-=᱿

৩।।

ᱦᱩᱰᱤᱧ ᱢᱚᱱᱮ ᱨᱮᱱᱟᱜ ᱵᱷᱟᱵᱱᱟ

ᱥᱨᱤᱠᱟᱱᱛᱚ ᱥᱚᱨᱮᱱ

ᱦᱩᱰᱤᱧ-ᱦᱩᱰᱤᱧ ᱤᱧᱟ.ᱜ ᱢᱚᱱᱮᱨᱮ
ᱥᱮᱴᱮᱨᱚᱜ ᱟᱭᱢᱟ ᱵᱷᱟᱵᱱᱟ
ᱦᱮᱲᱮᱢ-ᱠᱟᱥᱟ ᱨᱟ.ᱥᱠᱟ. ᱵᱚᱞᱚᱜ
ᱵᱟ.ᱱᱩᱜ ᱠᱷᱟᱹᱛᱤᱨ ᱰᱷᱟᱠᱱᱟ ᱿

ᱫᱷᱩᱲᱤ ᱠᱚᱨᱮ ᱠᱷᱤᱞᱰᱩ ᱥᱟᱱᱟᱧ
          ᱥᱮᱛᱟᱜ-ᱛᱤᱠᱤᱱ- ᱢᱟᱡᱟᱱ
ᱯᱩᱠᱷᱨᱤ ᱫᱟᱜ ᱟᱨ ᱞᱚᱥᱚᱫ ᱠᱚᱨᱮ
        ᱤᱧᱟ.ᱜ ᱢᱚᱱᱮᱭ ᱫᱟᱲᱟᱱ᱿

ᱟᱥᱟᱲ ᱨᱮᱱᱟᱜ ᱨᱤᱢᱤᱞ ᱧᱮᱞᱛᱮ
        ᱢᱚᱱᱮ ᱦᱳᱭᱳᱜ ᱠᱷᱤᱠᱲᱤ
ᱫᱟᱥᱟᱭ ᱨᱮᱱᱟᱜ ᱨᱤᱢᱤᱞ ᱵᱩᱨᱩ
         ᱛᱚᱞ ᱟ.ᱧ ᱫᱮᱱ ᱥᱤᱠᱲᱤ᱿

ᱵᱷᱟᱫᱚᱨ ᱨᱮᱱᱟᱜ ᱦᱟ.ᱲᱭᱟ.ᱨ ᱵᱟ.ᱭᱦᱟ.ᱲ
    ‌‌    ᱢᱚᱱᱮ ᱯᱮᱨᱮᱡ ᱨᱟ.ᱥᱠᱟ.
ᱯᱷᱟ.ᱜᱩᱱ ᱨᱮᱱᱟᱜ ᱥᱟᱜᱮᱱ ᱥᱟᱠᱟᱢ
           ᱦᱤᱲᱤᱧ ᱜᱮᱭᱟᱭ ᱦᱤᱥᱠᱟ.᱿

ᱵᱟ.ᱭᱥᱟ.ᱠ ᱨᱮᱱᱟᱜ ᱞᱚ-ᱞᱚ ᱥᱤᱛᱳᱝ
          ᱵᱚᱦᱚ ᱪᱮᱛᱟᱱ ᱪᱟᱛᱚᱢ
ᱛᱟᱞᱮ ᱪᱟᱠᱞᱟᱜ ᱴᱟᱭᱟᱨ ᱯᱟᱱᱟᱦᱤ
          ᱦᱚᱨᱚᱜᱟᱭ ᱨᱩᱭᱠᱤ ᱦᱚᱛᱚᱢ᱿

᱿=-=-=-=- ᱛ =-=-=-=᱿

৪।।

জানাম টুওয়ৗর

বাড়তাঙ সরেন

ইঞ দ চাঁদো জানাম টুওয়ৗর
এগাঁত আপাত বাংতে,
হান্ডে নাডেঞ জাপাঃ বাড়ায়
তাঁহেন অকয় সাঁওতে !

আয়ো বাবা নালহা কৗমি
রেঙ্গেচ জ্বালা খৗতির,
জনম জনম বৗগিয়ৗদিঞ
রুওয়ৗ হাসো খৗতির।

পেড়া অড়াঃ সিবিল সড়ম
অকা রেগে বৗনুঃ,
রেঙ্গেচ তেতাং জালাৎ জাপাৎ
জম ঞুঁ একাল বৗনুঃ !

রুওয়ৗ হাসো রেয়াড় রাবাং
অকয় ইঞ দ ঞেলেঞ,
দুক জালাতে মেৎদাঃ জরঃ
অকয় ইঞ দ জদেঞ !

হুডিঞ গিদরৗ আয়ো কলে
দুলৗড় তেকো হবর,
ইঞ মা চাঁদো দারে বুটৗ
লুকুৎ লুকুত বতর !

লাচ জ্বালাতে মেলাং চেটাং
হানা নাওয়াঞ হালাং,
কুমড়ু লেকা হড়কো রড়েঞ
বাকো বুজৗ তেতাং !

আঁয়ঠৗ পাতড়া রৗবুড় রেমা
সেতা ডাটায় ইসিড়,
সৗকড়ি দাকা কটায় রেমা
হান্তে নাতে পৗসির !

জানাম যুদিম এমা দিঞৗ
হায়রে চাঁদো বঙ্গা,
চেদাঃ তবে বাম ইমৗঞা
নাপায় জিয়ন ঢঙ্গা ?

নেহর জোহারাপে কানাঞ
ওহায় মারাং বুরু,
ইঞাঃ জ্বালা সাহায় পেসে
ধৗরতী বঙ্গা বুরু !

᱿=-=-=-=- ᱛ =-=-=-=᱿

৫।।

মামা গড়ম

সুচাঁদ হাঁসদা

মামা গড়ম মামা গড়ম ,
উতু কেদাপে আডি সড়ম ৷
ডাটা গেতহো বৗনুঃ তামা ,
জিল উতু দ চিকৗতেম জমা ৷

হৗকুম উতুয় জিলেম উতুয় ,
আমদম জমা লৗকুয় পৗকুয় ৷
জম লৗগিতমা উড়ুত উড়ুত ,
জম সাঁওতে কুড়য়ুত ৷

আলে অড়াঃ চালাঃ মেসে ,
এমা আমৗঞ রাসে রাসে ৷
তগচ গেবাং হুয়ূঃ তামা ,
আডি সুকতেম জমা ৷

চাঁদো মামা ঠিঞ কয় আমা ,
মচা পেরেচ ডাটায় এমামা ৷
জিল জাং জতম তগজা ,
আল গেসেম অজা ৷

᱿=-=-=-=- ᱛ =-=-=-=᱿

৬।।

ইতুন আসড়া

রামলাল টুডু

আলে যত বৗবু মৗই আতোরেলে অলঃ
ইতুন আসড়া হানে সোররেগে ঞেলঃ ।
নেহর কাতে এহবঃ অলঃ রেয়াঃ কৗমি
অৗডি মজ রাহা তায় মাচেতৗনি বৗমি ।
মিৎ গেয়া পেন জামা মিৎ তালে থুলি
বাং বুজ কাথা কদ সানালেগে কুলি ।
মেনাঃ আন্ ডাস্টার মেনাঃ আনা চক
মাচেৎ ক চেৎ আলে আড়াং রেয়াঃ ছক ।
তারাসিঞ দাকা জম উতু হিনৗ নিয়ৗ
অল আলে অত অগ্ আর হিনৗ নিয়ৗ ।
আসড়ারে মাচেৎ ক দুলৗড়ালে আলে
দাঁওয়াঁড় পাড়হাও বহঃ দোলে দোলে ।
দিনগেত চালাঃ আলে অতে বালে মাহা
কুরুমুটু আঁজমালে অৗচুলেক যাঁহা ।
দুয়ৗর রেগে মেনাঃ আ দাঃ ঢেকচ্ কল
মাজান দলে খেলোডা গেঁদাঃ রেন বল ।
ঘন্টা সাডে ঠং ঠং ছুটি ইনৗঃ তেগে
অড়াঃলে রুয়ৗড় যত অৗডি রৗস্কৗ তেগে ।
শিখনৗৎ গে আবোনাঃ বিশিজাং কানা
আলেদলে আচেদঃ আ আলসেপে মানা।

᱿=-=-=-=- ᱛ =-=-=-=᱿

৭।।

এনেচ্‌ সেরেঞ

দুগাই টুডু

আতো টোলা ডিঁহৗত্‌ করে
অরাম হেনাঃ পরব,
অনা তেগে সানতাড় কদ
আয়মা গেকো গরব।

হাড়াম বুড়হি কড়া কুড়ি
বেজায় রৗস্কৗ সৗরি,
এনেচ্‌ সেরেঞ সেলেদ্‌ রেদ
সেটের অরা পৗরি।

গুহুড গুবাং আঁজম হিজুঃ
সাডে তুমদা টামাক,
সেরেঞ রাহা ঞঁহড় আতে
এনেচ্‌ আডি দামাক।

গিদ্‌রৗ আলে দারায় গদঃ
ঘানে তাকাচ্‌ তুকুচ্‌,
বোগে তেলে হিলৗও আনগে
দমে লাকাচ্‌ লুকুচ্‌।

᱿=-=-=-=- ᱛ =-=-=-=᱿

৮।।

সন্তর

সীতেন মাণ্ডি

আষাড় শান ঝার ঝার
দাঃ জরঃ আ
সেরমা ঞালাঃ হুডুর বিজলি
বতর বুঝাঃ আ।

টাঁডি টিকুর দাঃ অক্তে
বাবন তাঁহেনা বাবু
মোবাইল তে গাতে শালাঃ
বাবন রপড় আ।।

বিঞ কিদিঞ জিন্তি পিপিড়
আডি ক সাঙ্গে আ
বৗগড়ি ঝৗগড়ি গাজাড় করে
বাবন বলঃ আ।।

বাবন চালাঃ গাডা তুপুন
দাঃ তে বুহেলা
নাওয়া দাঃ তে লহৎ লেরে
রুয়ৗ হৗসু জটৗও আ।।

জৗপিদ আবন পারকম রে
অতরেদ বাং গে
ঞুত ঞিদৗ বাবন দাড়ান
সন্তর বন তাহেন মা।

᱿=-=-=-=- ᱛ =-=-=-=᱿

৯।।

কুনু

বিভূতি ভূষণ সরেন

আষাঢ়-শান ঝমর ঝমর
লেতাড় দাঃএ জৗড়ি,
কুনু হেওরে বাংগে তাঁহেন
লহদঃ লৗগিদ্ অৗড়ি।

মেৎ দানাংরে দহ লেখান
থিয়ৗ থাপেয় আড়গন,
চালাঃ অকত হররে সানাম
লটা বৗটিই সাড়গম ।

আয়ুয় মেমেন আলসে কুনু
দাঃরে লহদঃ আম,
খুঃ মাঁদা রুয়ৗতে হড়ম
লহ জুরি তাম ।

᱿=-=-=-=- ᱛ =-=-=-=᱿

১০।।

রৗসকৗ সাড়ের

কানন হাঁসদা

তিঞ ,দাঞ ,হেতাড় দাঞ
তুনদাঃ সাডেকান
হুডুক ডুবুক ,হুডুক ডুবুক
টামাক আজমঃকান !

পুশিই হিলৗঃ কিড়িব কিড়িব
বানাঃ ধৗলুই ধৗলুই
টিয়ৗল টাপাল ,লেবড়া তুয়ু
রৗসে দ বাং,কুটি গেম আগুই !

গৗড়ি বৗহু ,গুড়দৗও আতে
থৗয়ুই সাড়াপ সাড়াপ
হৗড়ু কুড়িই রিপিত আইয়াঃ
ঞেলঃ আৗডি খারাপ !

শুকরি হপন কেঁ কেঁ
রাঃ দায় সে সেরেঞ
গৗই ডাংরা ,পাসকা পৗসির
ঠুসৗও লৗগিত দেরেঞ !

তিঞ দাঞ ,হেতাড় দাঞ
তুনদাঃ সাডে কান
হুডুক ডুবুক,হুডুক ডুবুক
টামাক আজমঃ কান !

সিম এঞাঃ দো কোঁৎ কোঁৎ
চেৎ চোয় ককয় কান
কিসনি চেঁড়ে চের বেরঃ
পতাম এ ডবোঃ কান!

চালাক কাঁহু কাঁ কাঁ
আৗডি আড়িশ গে
হাড়াম সেতায়,ভুগ খৗলি
আৗডি বৗড়িচতগে !

রটে কদোঃ টেঁড়ে টেঁড়ে
দুন্দোদু বতর আজম
কাড়াপ কাড়াপ সাডিআজম
হিজুঃ কানায় সাদম !

কুড়য়ৗ গাধায় ,লৗটিচ আকান
তালা ডাহার রেগে
ঠুসৗও কাতে অচোঃ মেয়ায়
ভিডি মেনায় রৗগি !

তিঞ দাঞ ,হেতাড় দাঞ
তুনদাঃ সাডেকান
হুডুক ডুবুক,হুডুক ডুবুক
টামাক আঁজমঃকান !

তুমদাঃ ,টামাক সাডে আঁজম
এনেচ সানাকান
জিব জিয়ৗলি চেরবেরঃ
রৗসকৌ সাড়েরঃ কান !

᱿=-=-=-=- ᱛ =-=-=-=᱿

১১।।

পাতনী

সেঁগেলমারমার

আমাঃ ফৗকড়ৗ রে মেনাঃ যাঁহা
অনা ইঞীঞ খজ
আমদ আডি নাপায় পাতনী
আমদ আডি মজ।

বৗনুঃ তামা ইস্কুল কলেজ
বৗনুঃ ঘারঞ্জ জ্বালা
এখেন গেচম উডৗও বাড়ায়
নওয়া ধৗরতী তালা।

রিপিরিপি রিপিরিপি
আডি ফুরগৗল আমদ
আমদা রকম সাজ আমাঃ
দুখগী বৗনুঃ তামদ।

আমলেকা ইঞহঁ সানাঞ
রাসা চেপেজ সুক
কৗমি কৗমিতেঞ থাকাও আকান
পেরেচ আকান দুক।

᱿=-=-=-=- ᱛ =-=-=-=᱿

১২।।

হৗনি পুষি

সতন কুমার সরেন

হৗনি পুষি, মিয়ুং মিয়ুং
হিজুঃকানে গুয়ুং গুয়ুং,
হৗকু উতু চেলাং উয়ুং।

চেলাং এসেদ   তওয়া দাহে
মু-তেগে    জি ঞামে,
চাটঃকাতে   জমায় হানে।

জমাঃদয় জমকেৎগে
ঢুলকি লেকায় বিএনগে,
হিরিজকাঃ দাকাঃঅড়াঃ
গটা ডামডাহে।

জমকাতেয় জৗপিদআকাৎ
গৗনিসৗনি, ঢুলৗলাতার
ঞেলঃ কানে হৗনি।

ঢুলৗচেতান চুটয়ৗ গুডু
জমআক বাঁদি হুড়ু,
বেরেৎ কাতে মিয়ুং পুষি
গুয়ুং গুয়ুং,।

রাঃকেৎ গেয় মিয়ুং মিয়ুং,
ঢুলৗ চেতান উয়ুং উয়ুং।

চুটয়ৗ গুডু চাড়াপ চুড়ুপ,
আজম লেখানক মিয়ুং মিয়ুং
বড়্ করেক সগেঃ,
বায়দাড়েয়াক জমদ মিয়ুং
দিনৗম গেচয় অঘেঃ।

᱿=-=-=-=- ᱛ =-=-=-=᱿

১৩।।

রটে বাপলা
গাতে টুওয়ৗর

জৗড়ি দাঃ ঝমঝম
চাতম আতে কাটকম
হৗনি তরা বৗততে
বিলম এনায় সৗততে
ঞাম আকাদায় নেঁওতা
বাং কানা ভাঁওতা
রটে কওয়াঃ বাপলা
বাং বুঝৗঃ একলা ।

ভেবে রটে জাঁওয়ায়
আকাল সে সাঁওয়ায়
অকয় মাসে লৗইয়ায়
তিন ঘৗড়ি দাগায়
খেত বৗত চাপেয়েন
ঝত কৗমি হাপেয়েন
সেরেঞ তে আঁদোড়েন
আখড়া মা জমকেন ।

রায়বার দ ঘুগরি
তুল বাড়ায় মুগরি
বাহুকুড়ি বারুডাং
তালম কেদায় টরডাং
মাঝি মাত বওয়াড়
সেনঃ হোয়ায় খঁওয়াড়
তালম আকান অৗরি
ফুরৗন রেনাঃ জৗরি ।