আবোওয়াঃ ডিজিটাল ডেস্ক- খুদ ঝাড়গ্রাম লেকান জায়গারে আদিবাসী পৗঠুওয়ৗ কোওয়াঃ ভুরতি মেরিট লিস্টরে উকু-দানাং সে কারচুপি লৗইতে অভিযোগ রাকাবেনা। লৗই গানঃআ জাঁহা ঝাড়গ্রামদ পছিম বাংলা রেনাঃ আদিবাসী কোওয়াঃ মিৎ মারাং ঘাঁটি কানা। জাঁহারে মারাং মারাং আদিবাসী সংগঠন কোওয়াঃহঁ আপিস মেনাঃ আকাদা। অনকান জায়গারে মেনাঃ বানীতীর্থ হাই স্কুলরে গেলমিৎ চানাচ্ রেনাঃ ভুরতি মেরিট লিস্টরে উকু-দানাং লৗইতে অভিযোগ রাকাবেনা।
বাডায় আকানা বানীতীর্থ হাই স্কুলরে গেলমিৎ চানাচ্ রেনাঃ ভুরতি মেরিট লিস্ট ২৯ জুলাই অডক আকানা। অনারে আদম গৗলিম কোঠেন বাডায় ঞাম আকানা আকোরেন গিদৗর-পিদৗর কোওয়াঃ মেরিট লিস্ট রিজার্ভেশন লেকাতে করাও বাং হুয় আকানা। এসটি গিদৗর কো জেনারেল কেটাগরিতে কোয়ালিফাই কাতেহঁ ওনকোওয়াঃ ঞুতুম এসটি তালিকারেগে দহ হুয় আকানা আর আদম কোওয়া দ লিস্ট রেগে বৗনুঃ আকাদা। অনালেকাতে ওয়েস্টবেঙ্গল সিডিউল্ড ট্রাইব ওয়েলফেয়ার এসোসিয়েশন ঝাড়গ্রাম জেলা চাঁগারেন রৗসিয়াকো ডগর ঞাম কাতে ঝাড়গ্রাম বানীতীর্থ হাই স্কুলরে হলা ৩০ জুলাই কো চালাও লেনা। বাডায় আকানা ইনা হিলোঃ যাঁহান অজেতেগে মারাং মাচেৎ সেটের বায় তাঁহেকানা। আরকো সালাঃ গাপালমারাও কাতে বাডায় আকানা বাংমা নাসেনাঃ ভুল মেনাঃ আকাদা। যাঁহাদ মারাং মাচেৎ আঃ কাথা লেকাতেগে হোয় আকানা। আর অনাতেগে জৗনিচ্ সেটের বৗনুঃ আকাদেয়া।
গাপালমারাওরে এসটি গিদৗর কো নিশড়ৗও অচো হোয়োঃ কানা মেনতেহঁ কাথা রাকাব আকানা। আর এসোসিয়েশন পাহটা খন নোওয়া লৗই সাডে হুয় আকানা বাংমা আডি উসৗরা অনা ভুল শুধরৗও হোয়োঃ মা। তবে ইনৗহিলোঃ মারাং মাচেৎ সেটের বায় তাঁহেকান তে অকত কো হাতাও আকাদা মেনতে বাডায় আকানা।
ইনৗ হিলোঃ ওয়েস্টবেঙ্গল সিডিউল্ড ট্রাইব ওয়েলফেয়ার এসোসিয়েশন ঝাড়গ্রাম জেলা চাঁগারেন রৗসিয়ৗকো মুদরে সেটের কো তাঁহেকানা কেশিয়ার রবীন্দ্রনাথ হাঁসদা, আই.টি. সেল রেন অর্জুন মুরমু আর ছাকু টুডু, কচিরাম টুডু,ভরত হেম্ব্রম আরহঁ এমান কো।
.webp)
.webp)
