৯ই আগস্ট, জেগেৎ আদিবাসীমাহা রেয়াঃ যশ কি পুরুনঃকানা ?
ধার্তী জাকাৎরে ৫টি মহাদেশরে ৪০টি খনহঁ ঢের দিশমরে প্রায় ৩৫ কোটি আদিবাসী বসবাসকাতে মেনাঃকআ। নুকুদ ভিনৗভিনৗ দিশমরে ভিনৗভিনৗ ঞুতুমতেক ঞুময়েৎক তাঁহেনা সেক ঞুমকআ। যেলেকা পৈলজৗতি, উপজৗতি, আদিবাসী, ক্ষুদ্র নৃ-গোষ্ঠী ঞুতুমতে নুকুয়াঃ জৗতি সত্বারেয়া উপরুম বাড়ায় ঞামঃ আ। ১৯৮২ সালরে জাতিসংঙ্ঘদ, জাতিসংঘরেয়াঃপরিষদরে গালচ গটাকাতে ধার্তী জাকাৎরেন আদিবাসীক আদিবাসী মেনতেয় হেঁ হুমৗন লেৎকরেহঁ, জেগেজাকাৎরেন আয়ুরিয়ৗক সে জাতি সংঙ্ঘরেন নেতাক মুদরে গালচ কাতেহঁ ' আদিবাসী' কাথা ইদিকাতে মিৎমতরে বাক হেজদাড়য়াকাদা। তবে জাতিসংঙ্ঘআঃ International Labour Organisation(ILO) দ ট্রাইবেল জনগোষ্ঠী কনভেনশন ১৯৫৭ আর ট্রাইবেল জনগোষ্ঠী কনভেনশন ১৯৮৯ নআ বারয়া ধারায় পাশকেদা। অনা ধারারে আদিবাসীকয়াঃ হক-অৗইদৗর, জাতিসত্বা,উপরুম,সামাজিক আর সাংস্কৃতিক বাঞ্চাওদহয় আর কৗউডি দাড়েতে তিঁগু কেটেজঃ রেয়া কাথায় লৗইলেদা।
জাতিসংঘরেয়াঃ হিসৗবলেকাতে জেগেৎরেন প্রায় ৩৫ কোটি খনহঁ বাড়তি আদিবাসীমেনাঃকয়া। নুকুমুদরে অকা অকাদিশম করেদ নুকুদ উপজাতি, আডি কৗটিজ জৗতিক মেনতেক উরুমকয়া। অনকাগে আবভারত দিশমরেহঁ আদিবাসীক মুদরে ৪০টিগান কৗটিজ কৗটিজ জৗতি মেনাঃকয়া। নুকুমুদরে মিৎবারদ ভারতদিশমরেয়াঃ বিরবুরু ধারেকরে অড়াঃদুয়ৗর কাতেক তাঁহেনা,যেলেকা খাড়য়া ,বিরহড় এমানক। নুকু জৗতিয়াঃহঁ আপান আপিন রড়,ধরমকরম লৗইলৗকচার মেনাঃতাকয়া। মেনখান আদিবাসীবর্ষ ,আদিবাসীমাহা,আদিবাসী দশকরেয়াঃ যশ লেকাতে নুকুয়াঃ হক-আইদৗর,ধরমকরম,লৗই-লাকচার চেতানরে নুনৗদিন হুয়আকানরেঁহ ভারত দিশমরেন শাসনিয়ৗক নুকুদ বাকমেৎলুতুর আকাৎকয়া সে উনকুয়াঃ হকঅৗইদার,সেচেৎ,লৗইলাকচার, ধরমকরম চেতানরে বাক মেৎলুতুর আকাদা। অনাতে মেনগানআ যাহাঁ তিনাদিন সানাম আদিবাসী কওয়াঃ রড, সেচেৎ, লৗইলাকচার, ধরমকরম এনেজসেরেঞ ক চেতানরে জেগেৎ দিশমরেন শাসনিয়ৗক বাক মেৎ-লুতুরাঃআ উনৗঃদিন জেগেৎ আদিবাসী মাহারেয়া যশদ বাংপুরৗঃআ।
মিৎটান জৗতিয়াঃ যদি আয়াঃ রড়,ধরমকরম লৗইলাকচার এনেচ সেরেঞ বায় চার্চাওইদিয়া,সে অনাক চেতানরে জেগেৎ আদিবাসীমাহারেয়াঃ যশলেকাতে বাক মেৎলুতুরাঃ তবে উনি জৗতিদ দিন দিনতেই আদঃআ। নুকু ৪০ টি আদিবাসী জাতিক মুদরে নিতহঁ আডিগে জাতিগে আকয়াঃ হকআইদৗর, সেচেৎরেয়াঃ অৗইদৗর বাক ঞামআকাদা। আডি জাতিয়াঃগে ভিনৗভিনৗ রড়,লৗই-লাকচার,ধরমকরম,এনেজ-সেরেঞ মেনাঃ তাকরেহঁ আকয়াঃ জানাম আড়াংতে অলবেলরেয়াঃ অক্ষর সে চিকিদ বৗনুঃতাকয়া। আর যাঁহায়কয়াঃ মেনাঃ তাকরেহঁ সরকার অনা বায় হেঁ-হুমৗন আকাৎতাকয়া ,সরকার উনকুয়াঃ রড় সে অলক বাঞ্চাওদহয় লৗগিদ বায় মেৎলুতুর আকাদা।
আরহঁ ঞেল ঞামঃ কানা আডি পনতকরেগে অ-আদিবাসীহড়ক আদিবাসী উপরুম সাকাম কুডৗম হরতেক উডুকএদা। আর চৗকরী বাকরীকরে, কলেজ বিশ্ববিদ্যালয়করে পাড়হাওরে আদিবাসীআঃ জুড়ুরে ভাগক অর এদা। আর আদিবাসী হড়কদ এড়ে অচঃকানাক। তাহেল নআক ঞেলকাতে চেৎমনে হুয়ুঃকানা যে জেগেৎ আদিবাসী মাহারেয়াঃ যশদকি পুরুনঃকানা? আদিবাসীকমা হানে ভারত দিশম ফুরগৗল মাড়াংখনক শাসেৎ, রডচ-কচলন অচঃকানা, এড়েঅচঃকানাক নেতারহঁ অনকাগে সানামাঃ জারি মেনাঃ আ।
নংকাগে আব সানতাড় আদিবাসীক মুদরেহঁ ঞেলঃকানা যাঁহায় যাঁহা পনতরেগে মেনাঃবন অনাপনত রেয়াঃ সরকারী ভাষা সে রড় তেগেবন রড়কানা। হিদিজ হিজুঃকানা নংকাকাতে মিদদিন হয়ত আবহঁ আবয়াঃজানাম রড়বন আদ আ। আরদিনদিনতে আবহঁবন আদঃআ। চেদাঃসে জানামরড় সে ভাষাগে মিৎটান জাতিয়াঃ উপরুমকানা। জেগেৎ আদিবাসী মাহারেয়াঃ তেতেৎ কাথারে ভাষা সে রড় চেতানরে জোর এমআকানরেহঁ জেগেৎ জাকাৎ দিশমরেন সরকারক নআক চেতানরে বাক মেৎ লুতুর আকাদা। অনাতে মূচেৎরে নআগে লৗইগানঃআ যে যাঁহা তিনৗঃদিন জেগেত জাকাৎরেন সানাম আদিবাসী কওয়াঃ হক-অৗইদৗর,সেচেৎ, জানাম রড় সে ভাষা, এনেজ সেরেঞ, লৗয়-লাকচার, ধরমকরম সরকারী লেকাতে বাংক মেৎ লুতুরাঃআ উনৗঃদিন জেগেৎ আদিবাসীবর্ষ, জেগেৎ আদিবাসী দশক, জেগেৎ আদিবাসী মাহারেয়াঃ যশদ বাং পুরুনঃআ।
.webp)
.webp)
