আদিবাসী কোওয়াঃ নিতৗঃ আনাট

( হুডিঞ মাছা প্রতিবেদন)

আদিবাসী কোওয়াঃ নিতৗঃ আনাট

সুপেন হেম্ব্রম

গড়ম বা তেকো ক লৗই এৎ তাঁহে-উন দিন দ বাংমা বাজড়া, জঁডরা,কদে, গুঁদলি জম কাতে দিন ক খেমাও এৎ তাঁহে। যাঁহাসেন হিজুঃ সেনঃ লৗগিদ তাড়াম গে উডৗন তাড়াম গে মটর। হরঃ বাঁদে হঁ লেখা সুমুং গে। অল পড়হন মা আনাট গে আনাট। অনা লেখা জখা তে দ নিত জম-ঞু,হরঃ বাঁদে,অল পড়হন,হৗতি-সাদম ঝত তেগে উরুন পুরুন গে বুঝাঃ কান।

           

এনতে রেহঁ অকালেকা চ  আপনারাঃ পৗতিয়ৗও (আত্মবিশ্বাস) চেতান রে গৗহির আনাট তার্কো তৗপিঞঃ কানা। ইঞাঃ জানাম আড়াং চেতান পৗতিয়ৗও বৗনুঃ তে ইঞাঃ রড় আড়াং বৗগিঞ বড়হেঃ কানা। লায় লাকচার,এনেচ সেরেঞ চেতান পৗতিয়ৗও বৗনুঃ তে তুমদাঃ,টামাক,কাঁসা,করতাল আকা গিডি কাতে আপনার আখড়া নিশুন অট কাতে  ছাপল রেঞ টাপলঃ কানা।

ইঞাঃ পৗতিয়ৗও নুনৗঃ লেছরে আকান তিঞৗ-জাহের গাড় রে বঁগা বুরু হঁ বৗঞ ঞেল তিয়ুঃ এৎ কোওয়া। ইঞ যে সান্তাড় মেন কাতে বহঃ তুল কাতে দিশম রে বাঞ্চাও ইঞ তাঁহেনা অনা পৗতিয়াও রেগে আনাট মেনাঃ তিঞৗ। অনাতে এটাঃ হড় সে সংগঠন চেতান পৗতিয়ৗও রেহঁ আনাট হিজুঃ কানা আর তেয়ারঃ কানা হাজার হাজার সংগঠন। যে লেকা আয়ো আড়াংতে অল পাড়হাও লৗগিদ ভেগার ভেগার সংগঠন ,মেন খান কৗমি দ মিৎ টাং। আবনাঃ উৎনৗও বাখরা সংগঠন মা বাং লেখা পুরাঃ,কৗমি দ চেৎ? আবনাঃ ভৗলৗই। তাহলে কি নুই-হৗনি চেতান পৗতিয়ৗও রেনাঃ আনাট তেব ঢানঢানাঃ কানা?

 

হাহাড়াঃ বুঝৗঃ আ পৗতিয়ৗও রেনাঃ আনাট রে ঞুর কাতে নিত ধরম ডৗহিরে পাকোল বন খেল এদা। বাংদঞ নতেঃ ? বাং দঞ হানতেঃ? তবে বাবা বাংখান গড়ম বা দয় লৗই আকাদিঞৗ। তাও ইঞ তেথাঃ কানা,হৗনি নাই কুলি কুলিতেঞ কৗরিঘাম চাবায়েনা খৗলি ইঞাঃ পৗতিয়ৗও রে আনাট খৗতির। নিত্  জুমিদঃ রেনাঃ লৗগতি জৗরুড় গেয়া। নোওয়া মুহিম অক্ত রে আমাঃ ইঞাঃ পৗতিয়ৗও রে আনাট বাং সাহা সাঁগিঞ লেখান জুমিদ বদলতে সাঁওতা বন হরঃ আয়া আর হঁ আনাট রেনাঃ গে সিরোপা।।