( হুডিঞ মাছা কৗহনি )
সৗলগি
সারি ধরম হাঁসদা
ঞেলতে এসেল উসুল চরক কুড়ি সৗলগি। হারা তরা জুওয়ৗন খৗঁডয়ৗঃ ছন্টাল হড়ম। আয়াঃ মনকুসি বেগর অকা নেয়াম অৗরিগে বাতাও বাং সানায়েয়া। ওকো দানাং অন্তর রেনাঃ সাতকাপাট সিলপিঞ তালম পরম কাতে সৗকলৗ সালাঃ মনেয় এপেম চাপাল আকানা। মিৎ সেরমা হোয়োঃ কানা। সৗকলৗ দ ইদি মেন কাতে পুড়য়ৗ রেগেয় দহ কাদেয়া। সালগিয়াঃ বতর। সৗকলৗ দ ইদি মেন কাতেয় এড়েয়ে কানা পালেন ! অনে দিনৗম হিলঃ সৗকলৗআঃ মচারে মিৎ লেকান কাথাগেয় আঁজম অৗগু আকাদা। "হাপে সেগোঞ ইদিমেগেয়া তো। উনৗঃ লগন দ চেদাঃ?"
কুড়ি হপন জিয়ন। নাসে তেগে কলংকৗলি দ লাগাঃআ। হড় কঠেন ডামডাহে লাহারে, সৗলগি দ সৗকলৗ সাঁও রড় লাদায় কম কেদা। বেজারতেয় মেনা- "আদ তিস হঁ কড়া হপন ক সালাঃ দুলৗড় দুপুলৗড় দ বায় এপেম চাপালা।" অনাতে সৗকলৗআঃ হঁ নাপায় হোয়েন তায়া। উনিমা চাখাচুঁডুজ কড়া। বাংদ উনিহঁ এটাঃসেৎ এ পান্তে জং কান তাহেৎতে ?
মিৎ দিন পাটাবিন্ধৗ পরবরে সৗকলৗ দ ঞু বুল কাতে আচকাগে সৗলগিয় সাব কেদেয়া। সৗলগি দ দুলৗড় ছুডৗর কড়া হপনাঃ তি সাবতে অৗডিস হিরকৗগেয় বুঝৗও কেদা। তি ঝিকনৗও তুলুজ এ মেন কেদা- "আম লেকান এড়ে সুঁড়ুজ হড় সালাঃ দ বৗঞ জটেদঃআ। আম দ কড়া হপন কানাম। আতো দিসম তালারে সাতঘাট রেনাঃ দাঃ এম ঞুয় রেহঁ চরিত দ ঠিকৗগে তাঁহেন তামা। আলে কুড়ি হপন দ মিৎ বুদৗম দানাং আকানসে আয়মা কলং কৗলি লাসরাও মেসা আলেয়া। আম দ কড়া হপন হুঁয়ৗ কাতে অনাহঁ বাম বুঝৗওআ। বিডৗও আকাৎ মিয়ৗঞ। চাখাচুঁডুজ কাচরা কোডোর কড়া। সৗলগি দ মিৎ সেতাহেৎতে নংকান কাথায় রড় ইদি কেৎ সাঁওতে সৗকলৗয় সাবলেৎ তি দয় ঝিকনৗও ছাডা কেৎ তায়া।
সৗকলৗ দ সৗলগি চেতান জুরি অৗইদৗর মেনাঃগে তায় লেকা,বুল হুঁকরৗও আড়াংতেয় মেন কেদা-, "আম দ ইঞিচ হড়। আমরে ইঞাঃ অৗইদৗর মেনাঃ তিঞৗ। নিতগে নডে খনিঞ গহড় ইদি দাড়েয়ামা। অকয় হঁ বাং ক মানা কিঞৗ।"
সৗলগি------ অৗডি নাপায় কাথাম মেন দাড়েয়াঃ কানা ! আম মা কড়া হপনরেন পেটেজ কানাম। ইদি মেনকাতে কাথা হঁ বাম দহ দাড়েয়াঃআ। মেন, মেন। ইঞ সাঁও দ আলম রড় বাড়ায়া। ইঞ দ আম সাঁও এনাংরে সৗগৗই দঞ রৗপুৎ আকাদা। ইঞ দ ইঞ লেকাগে তাঁহে হচ অৗঞমে।
সৗকলৗ------ এনখান , ইঞা এনেম রেনাঃ গনং দ ?
সৗলগি---- অনামা, আমাঃ এড়ে কাথারেনাঃ কৗঁডি খঁগর রেগে সগে সায় আকান। ইঞ ভাগে আঞাম মেন কাতে আরহঁ এটাঃ কুড়িম পাঁজা জং কানা। বৗঞ বুঝৗও ঞাম আকাৎ মেয়া মনেয়েদাম ? ছি--ছি থুঃ ! হিরকৗ তেনিজ খান, আমগে বৗড়তিঞ হিরকৗ আম কানা। মেন। আমাঃ অকা কাথা হঁ বৗঞ আঁজমা। বাংখান পরব টৗন্ডিরেন হড়িঞ হহ আক কানা।
.webp)
