মৗই বুরুলুকুই মান্ডি
আয়োবাবা কোগে জানাম দাতা দ। ২০১২ সালরে জাতিসংঘ ১ জুন দ আয়োবাবা কোওয়াঃ জেগেৎ মাহা লেকাতেয় ছৗটয়ৗর আকাদা। নোওয়া মাহা রেনাঃ গৗহির তেৎ দ নোওয়া কানা জে –আয়োবাবা আঃ গুরুত্ব আর জতন জগাও, গিদ্রৗ কো চেতান আয়োবাবা কোওয়াঃ নাপায় কৗমিতেয়াঃ এমান ক দিসৗ রুওয়ৗড়। ধৗরতি রেয়াঃ সানাম দিসম রেন, সানাম আয়োবাবা গে কানা কো আকোরেন গিদ্রৗ করেন জতন জগাও-হাঃরা বুরুকো আর এতহব মাচেৎ। আয়োবাবা কো সাঁও গিদ্রৗ কোওয়াঃ দ ঝতম খন সোর সম্পক কানা। সম্পক রেনাঃ তনল বাবের জায়জুগ এধবেধে তল তাঁহেনা। জাঁহান অজ্তে সম্পক-তনল ভুইলু লেন রেহঁ টানদ তাঁহেন গেয়া জায়জুগ। আয়োবাবা কো গিদ্রৗ কোওয়াঃ ভৗলৗই জাঁহাতিনাঃ কো কৗমিয়ৗ, আর অকয়হঁ অনকা বাংকো কৗমি দাড়েয়াঃআ, অনাতে আয়োবাবা কগে গিদ্রৗ কঠেন দ চাঁদোবঁগা।
গিদ্রৗ কো ঠিক মাছা জতন জগাও আর ঠিক মাছা হারাবুরুগে আয়োবাবা কোওয়াঃ পোয়লো কৗমি তেয়াঃ। গিদরৗ কোওয়াঃ জিয়ন রে সানাম লেকান হয়-ভৗর্ডু খন দোঃ দারাম, শিখনৗৎ, তিকিছা মেনমা হড়ম’ সাঁওয়ার ঞেল, গিদৗর কো মানম লেকা মৗনমি তেয়ার রেনাঃ কুরুমুটু সানাম আয়োবাবা কোওয়াঃ দৗয়িক কানা। তেহেঞ রেন গিদ্রৗ গে হাপেন রেন সমাজ-লৗউড়িয়ৗ, ওনকোগে জৗত, সমাজ আর দিসম কো লাহা ইদিয়া। ওনকো গিদ্রৗ জুদি নীতিয়ান,চৗরিতান কো হোয়োঃ তাহলে গটা সমাজ, দিসম রেনাঃ গে বুগি হোয়োআ অনাতে গিদ্রৗ উমের খনগে ওনকো দ অনকা মাছা তেয়ার কো হোয়োঃআ। কাথারে মেনাঃ আ বাং- বেরেল রে বাম লিওয়েৎ লেখান মাৎ, বিলি কাতে দ পাট পাট, মেনমা গিদ্রৗ উমেররেগে গিদ্রৗ কো নাপায় আদব-কায়দা বাম সেঁড়াওয়াকো খান লৗটু কাতে দ বাংকো সেঁড়া লৗগিদঃ আ।
আয়োবাবা কো আপনারাঃ আচার-বেওহার, চৗল-চলন , রড়-তাড়াম এমান সেচ্ মেৎ লুতুরাঃ লেক্ কান তাকোওয়া, চেদাঃসে গিদ্রৗ কো লৗগিৎ দ আয়োবাবা কোওয়াঃ চাল-চলন, রড়-তাড়াম মেনমা আচার-বেওহার কো পিছৗয়া। গিদৗর কো এগের-দাল-ধমকাও দ উচিৎ বাং কানা। গিদ্রৗ কহঁ আয়োবাবা কো চেতান নাপায় বেওহার লেক্ কান তাকোওয়া, আয়োবাবা কোওয়াঃ বয়সালো উমের রে জতন-জগাও কাতে আয়োবাবা কোওয়াঃ ঋণ হালায় হোয়োঃ আ।
.webp)
