মানতান সাসাপড়াওইচ, আবোওয়াঃ কাথা
সিঁঙ্গিমাহা সাকাম
'চেরেচ আড়াং' তুলৗজখা, লেখা-৪০
৩০ মে ,২০২১
তুলৗজখা- শ্রী কা ন্ত স রে ন
১। কুটিশ বাহা
সুবুদিয়া মূর্মূ
কুটিশ বাহা পৗহিল যে লেকা সাড়ঃ তাঁহে নেতার হঁ অনকাগে সাড়ঃ আ। বাহা রেনাঃ জাঁহা লেকান বনদল বৗনুঃ আ। মানতান সুবুদিয়া মূর্মূ গমকে, নওয়া কুটিশ বাহা সিৎ কাতে পোনয়া থকতে সাজাও কাতে আবোয় উদুঃ আঃ বনা। আয়মা সারহাও তাঁহেয়েনা।
২। যতন
গোপেশ্বর মান্ডি।
মানতান গোপেশ্বর মান্ডি গমকে, আখিররে নাপায় জাহানাঃ ঞাম লৗগিৎ ; নাহাঃরে অনাক জতনে লৗই আকাদা। মেনখান নুই আঃ জতনরে নাশেনাঃ ঢিলৗমি ঞেল-ঞাম আকানা। অনাতে জতনগে জৗসতি আকানা, গেলে (result) দ কম ঞঃ ঞেল-ঞাম আকানা।
৩। টুইংকেল টুইংকেল লিটল স্টার
এভেন কুয়লী সরেন
এভেন কুয়লী আঃ ইংরেজি মেশা সান্তাড়ী বৗউলী পাড়হাও আডি মজ। নুকু লিটল স্টার রেগে আয়মা দাড়ে মেনাঃ আ জাহাদ গিদৗর কওয়াঃ আডিগে জৗরুড়া।
৫। গাডি গিড় গড়
বাড়তাং সরেন
মানতান বাড়তাং সরেন আয়মা লেকান গৗডিরেনাঃ খজে এম আকাৎবনা। আর ঝত গৗডি রেনাঃ ইঞ্জিন গে আডি নাপায়। গৗডি চাকা আচুর লেকা, অনড়হেঁ রে ছন্দয় গাবান আকাদা।
৬। উল হালাং
কিস্কিন্ধা মূর্মূ
কিস্কিন্ধা মূর্মূ আঃ ' উল হালাং ' রে মিৎ লেকান নাপায় রৗস্কৗ ঞেল-ঞাম আকানা। আরহঁ থড়া নাপায় ছন্দ তালাতে, রৗস্কৗ সিরজন রেনাঃ এম কুরুমুটু লেখান; সাঁওহেৎ হয় রৗস্কৗ কঃ আ।
৭। বাবোন খেল আ
সেঁঙ্গেল মারমার
মানতান সেঁঙ্গেল মারমার ' বাবোন খেল আ ' তালাতে গিদরৗ ক লৗগিৎ বাং বতরান লেকান জায়গায় সিরজন আকাদা। নওয়া উইহৗর-ভাবনা রে গিদরৗ কওয়াঃ নাপায় জিয়ন ডাহার বেনাও দাড়েয়াঃ আ। নাপায় ভাবনা খৗতির আয়মা নাপায় সারহাও।
৮। সিকড়িচ
দুগাই টুডু
সিকড়িচ খন সতরতে তাঁহে লৗগিৎ,সিকড়িচ খন বাঞ্চাঃ লৗগিৎ, সিকড়িচ আঃ অড়াঃ-দুয়ৗর উরুম লৗগিৎ ; মানতান দুগাই টুডু গমকে অনড়হেঁ তালাতে আডি নাপায়ে চেঠা আকাৎ বনা। সিকড়িচ আতে মিৎটাং নাপায় সাঁহিচ ভাবনা খৗতির, সাঁওহেৎ তরপ খন মিৎটাং নাপায় সারহাও।
৯। গিদরা মনে
সনাতন টুডু
মানতান সনাতন টুডু গমকে, গিদরৗ মনে তালাতে নাপায় ভাবনায় পাসনাও আকাৎ তায়া। অত হ মিৎটাং সরেস জায়গা, নওয়া কাথা চেড়ে ক বুঝৗউ হচ লৗগিৎ আডি নাপায় কাথায় লৗই আকাদা। কাথাদ নংকা:
হিজুঃ পেসে আলে অড়াঃ
মিৎদিন গান দাড়ান
বুঝৗউ আপে রিমিল খনাঃ
অতগে সরেস আন।
১০। আঁজির বেলে
রামলাল টুডু
মানতান রামলাল টুডু আঃ আঁজির বেলে দ গাদার বেলে কানা। বুলুং আতে ( ছন্দ) জমরে উলি দাঃ গে সারসায়েনা।
১১। যশ
সুচাঁদ হাঁসদা
মানতান সুচাঁদ হাঁসদা আঃ রেডাররে(Radar), যশ আঃ আসল রূপ নাপায় গে সাব ঞাম আকানা। নুই যশ খাঞ্চারে দহ কায়মে,তায়ম দারাম কৗমিরেয় লাগাঃ আ।
১২। গিদরৗ বৗউলী
সাকম সরেন
সাকম সরেন আঃ ' গিদরৗ বৗউলী' হানতে-নাতে খন জড় আকান তায় গেয়া। আখড়ারে টামাক-তুমদাঃ, ঝৗই-করতাল এমান তাঁহে লেনখান আরহঁ নাপায় সাঁহিচ জড় কঃ আ।
১৩। চেড়ে হপন
তপন হেমব্রম
তপন হেমব্রম রেন চেড়ে হপন দক নাপায় গেয়া আর কষ্ট ক সাহাও কাতে হ সুখ তেগে জিয়ন ক খাঁন্ডাও দাড়েয়াঃ আ। মেনখান ' চেড়ে হপন ' আঃ ছন্দ দ, চেড়ে হপন ক উডৗউ ক সেড়ায়েৎ লেকা মনে হোয়েনা।
১৪। রায়বার হাড়াম
বিভূতিভূষণ সরেন
মানতান অনলিয়ৗ বিভূতিভূষণ সরেন, রায়বার হাড়ামাঃ কৗমি হরা নাপায় সাঁহিচ গে গিদরৗ কয় বাড়ায় হচ আকাৎ কওয়া। নংকান রায়বার হাড়াম দ জনিচ ক দিশৗয়ে গেয়া।
১৫। নাওয়া দিশৗ
দুলৗড় বিটি।
দুলৗড় বিটি আঃ ' নাওয়া দিশৗ ' হুডিঞগে রেহ দিশৗ দহ লেকানাঃ। মানতিয়ৗ দুলৗড় বিটি আরহঁ নাওয়া-নাওয়া দিশৗ আড়তিয় তাবন মে।
আলে পৗঠুওয়ৗক
তাঁঙ্গিরেলে তাঁহেয়েনা ।
.webp)
