আবোওয়াঃ ডিজিটাল ডেস্ক- পারমেন ২৯ মে মিৎ বেওরা সাকাম তালাতে ওয়েস্ট বেঙ্গল ওয়েল ফেয়ার সোসাইটি নানহুনৗর বিধান সভা খন জিৎকৗর হেচ্ আকান এম.এল.এ., এম.পি কো সারহাও এ চাল আকাৎ কোওয়া। সাঁও সাঁওতে দারায় কান মড়ে সেরমারে নাপায়তে হড় দরদিয়ৗ লেকাতে ঞেল ঞাম কোওয়ায় অনা আঁশ হঁয় দহ আকাদা সোসাইটি।
নঁডে লৗই লেক কানা বাংমা নিৎ চালাঃ কান অকতে আদিবাসী কো মিৎ
আডি মারাং বতরান পুরিস্থিতি রে কো সামাং আকানা, যাঁহা দ নিৎ রেন আদিবাসী এম.এল.এ.,
এম.পি কো লৗই দহ লৗগতি কানা মেনতে সোসাইটি মনেয়াকাদায়।
সোসাইটি বাডায় অচোওয়েৎ কোওয়ায় বাংমা নেবেতার পছিম বাংলা রেনাঃ
নানাহুনৗর চৗকরি আর কলেজ ভুরতি মিরিট লিস্টরে আয়মা অ-আদিবাসীকো এস.টি.আসন রেকো বলওয়াকানা।
মাহাতো, মন্ডল, রায়, খাতুন, বেগম, ঘোষ, সরকার, বিশ্বাস, মজুমদার, শর্মা ভার্মা,গুপ্তা, কুমার, কর্মকার, চৌধূরী
এমন চেৎ ব্যানার্জী চক্রবর্তী বাঁমড়ে কহঁ তেহেঞ এস.টি. তালিকারে মেনাঃ কোওয়া মেনতেহঁ
সোসাইটি পাহটা খন এম.এল.এ., এম.পি কোঠেন অভিযোগ এ সদর আকাদা। আর নোওয়া হঁয় লৗই আকাদা
বাংমা পছিম বাংলারেন আদিবাসী কদ নংকান পদবী দ বাংকো বেওহারা, যাঁহাদ এম.এল.এ., এম.পি
কোওয়াঃ হঁ বাডায় মেনাঃ তাকোওয়া। সোসাইটি আঃ অভিযোগ যুদি দিন দিন নংকাগে চালাও ইদিঃআ
এনখান আদিবাসি কোওয়াঃ আবস্থা দ আরহঁ বৗড়িচ্ হোয়োঃতে বাধ্য।
আদিবাসী উৎনৗও ঞুতুমতে সংবিধান এম আকাৎ ‘রিজার্ভেশন সুবিধা’
একালতে জে যথাৎ মানে বাং তাঁহেনা অনা মেনতেহঁ সোসাইটিয় লৗই সদর আকাদায়। অনালেকাতে আদিবাসী
কোওয়াঃ জোড়ো লুটুজ্ রেনাঃ যাঁহা চক্রান্ত চালাঃ কানা, নোওয়া বন্দ লৗগ্তি মেনাঃআ আর
অনা লৗগিৎতে আদিবাসী এম.এল.এ., এম.পি কোওয়াঃ হঁ আডিগান এনেম,দায়িত্ব কর্তব্য মেনাঃ
আকাদা মেনতেহঁ সোসাইটিয় মনেয়াকাদা। আর অনা খৗতির গে তেহেঞ ওয়েল ফেয়ার সোসাইটি নংকান
দাবী আদিবাসী এম.এল.এ., এম.পি কোঠেন সাপ্ রাকাব কেদায় মেনতে সোসাইটি পাহ্টা খনগে
বাডায় আকানা।
.webp)
