আবোওয়াঃ ডিজিটাল ডেস্ক – ঝাড়গ্রাম জেলা জামবনি থানারে মেনাঃ চুটিয়া আতোরেন মড়ে হড়াঃ তেহেঞ ৩১ মে ডৗন লৗইতে মিৎ বিচৗর সভা হোয় পারমেনা। বাডায় আকানা নে-হালেগে শোস্যালমিডিয়ারে গোপীনাথ হাঁসদা ঞুতুমান মিৎ হড়, মিৎ ভিডিয়োয় ভাইরাল লেদা। অনারে বাংমা আচ্ জানাম আয়ো গে ডৗন কিন মেতাঃ দে তাঁহেনা মাঃ-মড়ে রেন সৗরি বঁগা। অনাতে গোপীনাথ হাঁসদা বিচৗর এ খজ লেদা- বাংমা আচ্ আয়ো ডৗন পরমান কাতেৎ উদুঃ হোয়োঃ মা আর বাংখান যাঁহায় ডৗন কিন মেন আকাদেয়া উনকিনাঃ হঁ বিচৗর হোয়োঃমা। নোওয়া লৗইতে আবোরেন খবরিয়ৗ আঃ নজর সারাঘৗড়িচ্ গে চুটিয়া আতো সেন তাঁহেকান তায়া।
তেহেঞাঃ বিচৗর রেনাঃ কাথা বাডায় আকানা বাংমা যাঁহায় কিন রুম
লেনা উনকিন ঠেন আতো হড় কুকলি কো দহ লেৎরে, তেলারে লৗই কেদাকিন- উনকিন কাথায় নিৎ চেৎ
কাথাগে বৗকিন দিশৗয়েদা। অনাতে মড়ে হড়াঃ রায় দ এনখান ঞু বুল কাতেগে নংকান কাথা উনকিন
কিন রড় আকাদা মেনতেকো মেন কেদা। নোওয়া লেকাতেদ চেৎ দায় দোষ গে বাংকো ঞেল ঞাম লেদা মেনতেগে
বাডায় আকানা। মেনখান নতে গোপীনাথ হাঁসদাঃ ইনৗহিলঃ চেদাঃ নংকান ভিডিয়োয় ভাইরাল কেদা
অনাহঁ তেখার তেখারতে সভা রে কুলি হোয় আকানা। সাঁওতে তেহেঞাঃ বিচৗর রেনাঃহঁ গোপীনাথ
হাঁসদাঃ ভিডিয়ো আকাদায়। অনাহঁ ডিলিট লৗগিৎ তে ঘানে ঘানে গে চাপ কো এমায় কানা মেনতে
গোপীনাথ হাঁসদাঃ আবোরেন খবরিয়ৗয় বাডায় অচোওয়াকাদেয়া। গোপীনাথ হাঁসদাঃ আঃ বাংমা সঝহে
কাথা যাঁহায় গে দোষি পরমান কাতে শাসেৎ এম হোয়োঃ মা। বাংখান আতো অড়াঃরে নংকাগে হাপেন
দহড়া কারতে আরহঁ ঘটন হোয় দাড়েয়াঃআ। নোওয়া রেনাঃ চেৎ সৗবুদ্ তাঁহেন কানা?
নঁতে ইনৗ হিলোঃ রেনাঃ অনা ভিডিয়ো চেতান শোস্যালমিডিয়ারে আয়মা
হড়গে- ডৗন দ মিৎ আঁধাপৗতিয়ৗও গে কানা মেনতেকো রড় আকাদা। নোওয়া সমাজ খন লগন সাহা গিডি
রেনাঃ কাথা হঁক রড় তরা আকাদা।
নিৎ কুকলি রাকাপ্ কানা গোপীনাথ হাঁসদা আচ্ জানাম আয়ো চেতান
যাঁহা হেঁদে কুয়ৗ জৎ হোয় এনা-অনাকি হাপেন মেটাঃ তায়া ? সে তিরলৗ কানায় মেনতে সাহাও
কাঃ আয় ? সে তিরলৗ চেতান নাহাচার নংকাগে যায়যুগ চালাঃ আ ? মা মড়েরে সৗরি বঁগা লেকা
তিকিন উপেল লেনতেগে চেৎ উনকিনাঃ দ তেহেঞ সাত খুন মাপ হোয় এনা ? এনখান হাপেন দিনহঁ নংকান
ঘটন আর বাং হোয়োঃআ সে বাং ঞেলঃ আ নোওয়া রেনাঃ চেৎ গ্যারেন্টি তাঁহেয়েনা। কুকলি রাকাপ্
কানা নুনৗ যুগ, নুনৗ দিন পারম হেচ্ আকানা- অকা বাহা, সহরায়, মাঃ মড়ে করেগে বঁগা আঃ
মচা খন ডৗন কাথা বাং আঁজম আকানা। এনখান নঁডে অকালেকারে নংকান কাথাকিন বাখেড় কেদা ?
কুকলি রাকাপ কানা। তবে চেৎ উনকিনাঃ বঁগা রূপ হাতাও তায়ম রে আর যাঁহান চেৎ উদ্দেশ্য
তাঁহেকান তৗকিনা ? নংকারেদ হাপেন বাহা-সহরায়- মাঃ মড়ে ইদিকাতেহঁ আয়মা হড়াঃ বতর বাং
তাঁহেন তাকোওয়া তো ? কুকলি তাঁহেয়েন গেয়া।
.webp)
