ডাঃ সুরেন্দ্রনাথ মান্ডি
দিনৗম হিলোঃ হিনৗ নিয়ৗ দুর্ঘটনাতে আয়মা হড় কো দায়নাশঃ কানা,
মেনখান থামাখুর (Tobacco) বেওহার তে নোওয়া রেনাঃ পোন দবড় হড় আধিন দিন রেকো দায়নাশঃ
কানা। বিড়ি,সিগরেট,গুড়ৗখুর,দক্তা,নস্যি,গুটখা এমান থামাকুর বেওহারতে লুটি, মচা,আলাং,ডাটা-মৗড়ি,নৗডরি,
আঁগাস-পঁগাস, মায়াম-কুঁডি,ইনবর,মায়াম জাল এমান রেয়াঃ ক্যানসার হোয় দাড়েয়াআ। বাবা হড়
কো ৫৫ খন ৬৫ সেরমা উমের রে জাঁহাতিনাঃ কো গুজুঃআ, ওনকো ৭ হড় ভিতরিরে মিৎ হড় দ আঁগাস-পঁগাস
রেনাঃ ক্যানসার তেয় গুজুঃআ থামাকুর বেওহার লেখান। আয়ো হড় কঠেন নোওয়া রেনাঃ হিসৗব দ
আরহঁ বতর গে – গুজুঃ ৪ হড় ভিতরিরে ১ হড়, আর ৫৫ খন ৬৫ বাদাল তে ৪৫ খন ৫৫ সেরমা উমের
গে নোওয়া দুর্ঘটন দ ঘটাঃআ।
মিৎ পাউচ্ গুটখৗ আঃ বাংখান মিৎতাং চটা/ সিগরেট ঞু মানেগে আয়ু
খন ১০ মিনিট অক্ত বাদঃ আ। নোওয়া নেশা দিনৗম হিলোঃ বেওহার লেখান স্বাভাবিক ভাবতে জাঁহাতিনাঃ
দিন বাঞ্চাও তাঁহে হোয় কঃআ, অনাখন মড়ে সেরমা লাহারেগে গগচ্ আ। প্রত্যক্ষ আর পরোক্ষ
– জাঁহা ভাবতেগে থামাকুর বেওহার হোয় লেনখান পোয়াতি আয়ো করেন বেলতেঞ –গিদ্রৗ কোওয়াঃ
১৪০ খন ৩৬৪ গ্রাম লেকা ওজন কমঃ তাকোওয়া, কুখি ভিতরিরে গচ্ হঁকো গচ্ দাড়েয়াআ। মটামুটি
১৪ খন ২০ সেরমা উমেররেগে হড় থামাখুর নেশা সাঁও কো গাঁতবঃআ। মিৎ হড় জুদি দিনৗম হিলোঃ
এ নেশায়, তাহলে আয়াঃ জিওয়েৎ-জিয়ন রে ৪০ খন ৫০ হাজার টাকা রেনাঃ নেশায় বেওহারা বেওহারা।
থামকুর নেশা বেওহার কো নিতোঃ দ নিশ্চয় পে হুলৗসভাঁগাওয়াকানা
জে নেশা হঁ আড়াঃ বাং গানঃ কানা আর নোওয়া ক আয়মা লেকান খুতি খন হঁ রেহাই বাং ঞাঞাম কানা।
মেনখান মনে মুরুক কাতে চেষ্টায় তাবোন পেসে নোওয়া থামাকুর নেশা বেওহার বৗগিন রেনাঃ।
বৗগি দাড়েয়াঃখান নোওয়া খন ভৗগি আর চেৎ হঁ বাং
হোয় দাড়েয়াআ। চেদাঃসে নেশা বৗগিন কিছুদিন তায়ম
খনগে ঞেলঃআ জম-ঞু রে রুচি হোয়োঃ কানা, হড়ম ওজন লৗগতিয়ান লেকা তাঁহেন কানা। উনদিন জাঁহা
তিনাঃ খারাঃ হোয়োঃ কান তাঁহেনা, নিতো দ উনাঃ
বাং হোয়োঃ কানা, সাঁহেৎ ক টেঁস টেঁস বাং হোয়ো কানা, লাঁগা বাং আইকৗ কানা, লাচ্ (ইনবর)
বাং ডেব্ ডেবেঃ কানা। ঝতম খন মারাং কাথা, ক্যানসার হোয়োঃ রেনাঃ প্রবনতা আয়মাগান গে
কমঃআ, আর আপনারাঃ হড়ম’ সাঁও সাঁওতে জৗতি, সমাজ, পুরিবেশ হঁ রিলৗমালা ফৗরয়ৗ তাঁহেনা।
.webp)
