মানতান সাসাপড়াওইচ ,আবোওয়াঃ কাথা
সিঁঙ্গিমাহা সাকাম 'চেরেচ আড়াং'- লেখা-৩৬
২মে, ২০২১
তুলৗজখা- শ্রী কা ন্ত স রে ন
১। গিদরৗ বৗউলী
সুবুদিয়া মূর্মূ
মানতান অনলিয়ৗ সুবুদিয়া মূর্মূ গমকে, বারয়া থারতে ছন্দ গাবান কাতে,বাপলা আতে নাপায় গিদরৗ বৗউলীয় বেনাও আকাদা। ইঞ পাহটা খন তাঁহেয়েনা আয়মা সারহাও।
২। টিজ টড়গ
গোপেশ্বর মান্ডি
টিজ টড়গ চেঁড়ে লেকা, অনলিয়ৗ আঃ মনে উডৗও আকানা লীল রিমিল লাতারতে। চেঁড়ে কওয়াঃ ফুরগৗল জিয়ন লেকা; ফুরগৗল ছন্দতে অনড়হেঁ এ অল আকাৎ তাবনা। অনড়হেঁ অল ভাবনা বাং বৗড়িজ তায়া।
৩। তুলুজ
এভেন কুয়লী সরেন
এভেন কুয়লী আঃ নওয়া অনড়হেঁ রে নাওয়া ভাবনা ঞেল-ঞাম আকানা। অনড়হেঁ রে মিৎবার নাওয়া দামান কাথা অল আকানা। যে লেকা: ' বিরবুরু দ জীউয়ী কানা ' / ' নৗই গাডা দ তাড়াম ডাহার ' / ... এমান।
৪। আলে দ গিদরৗ
সৗগুন হেমব্রম
মানতান অনলিয়ৗ
সৗগুন হেমব্রম গমকে, ' আলে দ গিদরৗ’ রে গিদরৗ কওয়াঃ মনে রে নাপায় তেগেয় দাঁড়া আকাদা। নওয়া দ গিদরৗ মনে রেনাঃ মিৎটাং জথাত বৗউলী।
৬। আলে মৗই চুনকি
রামলাল টুডু
মানতান অনলিয়ৗ রামলাল টুডু গমকে, আডি নাপায় আডি চরক বাহা লেকান চুনকি মৗই এ সিরজন আকাদেয়া। পাড়হাও কাতে চুনকি মৗই অড়াঃ তে ইদি বুঝৗউ-আ। নাপায় ছন্দ খৗতির অনড়হেঁ গুন, সঁ-ধাড় বাহা লেকা সঁ-ধাড় আকানা। এনতেরেহ মিৎবার জায়গা করে সাঁহেৎ, কমঃ কান লেকা আইকাঃ কানা।
৭। কাটকম
সেঁঙ্গেলমারমার
সেঁঙ্গেলমারমার ইচ কাটকম, রেবে-রেবেয় তাড়াম আকাৎরেহঁ বায় থির আকানা। নুই কাটকম ঞেল কাতে,গিদরৗ
ক গাতে সানা কওয়া মেনতেঞ মনেয়া। মেনখান মিৎবার আড়া জেলেঞ গে খৗতির, ছন্দ বাং জড় আকান লেকা হোয় আকানা।
৮। কাডাগুপি
বাড়তাং সরেন
মানতান অনলিয়ৗ বাড়তাং সরেন আঃ ' কাডাগুপি ' মারে জ-জ,বেলে কঁঢা আর মাতকম লাঠে লেকা হেড়েমা। ছন্দকহঁ রেলগাডি চালাঃ লেকা হো আকানা। মেনখান অনা ' সিঁজ বিলি ' দ ' সিঁজ বেলে ' লেনখান আরহঁ হেড়েম কঃ আ।
৯। গাতে গাতে
সুচাঁদ হাঁসদা
মানতান অনলিয়ৗ সুচাঁদ হাঁসদা, গাতে- গাতে তাঁহে লৗগিৎ নাপায় ভাবনায় সদর আকাদা। আরহঁ নাপায় উইহৗর-ভাবনা, ভাবনায় তাবন মে।
১০। ডৗক
দুগাই টুডু
মানতান পুরুধুল অনড়হিঁয়া দুগাই টুডু, ডৗক ( ডৗহুক) চেড়েয়াঃ জিয়ন রেনাঃ মিৎবার কাথা; নাপায় গেয় বরনন আকাদা। ইঞ পাহটা খন তাঁহেয়েনা আয়মা সারহাও।
১১। চাঁন্দো মামো
সনাতন টুডু
মানতান সনাতন টুডু ইচ্ চাঁন্দো মামো আঃ ; গিদরৗ কুকলি তালাতে মান বৗড়তি আকান তায়া। মামা কদ সামাং করে সারাঘৗড়িচ্ ক তাঁহে লেনখান মান কমঃ তাকওয়া। অনাতে অনলিয়ৗ আঃ নংকান উইহৗর-ভাবনা খৗতির, চান্দো মামা আঃ মান বৗড়তি আকান গেয়া।
১২। চাটনা পুসি
তপন হেমব্রম
তপন হেমব্রম ইচ্ চাটনা পুসি আডি জোরে চাটঃ আ। নওয়া অনড়হেঁ রে পুসিয়াঃ চৗরিত নাপায় গে বরনন আকানা। মেনখান ছন্দ বৗইহৗড় দ, নাপায় তে বাং আড়গোম আকানা।
১৩। গড়মেয়া
বিভূতিভূষণ সরেন
বিভূতিভূষণ সরেন আঃ গড়মেয়া সৗগৗই আডি নাপায়া। মেনখান গড়মেয়া আঃ হেড়েম সৗগৗই লেকা কৗমি উনাঃ দ বাং হেড়েমা। আর ছন্দ কদ আর থড়া জতন লৗগতি কানা।
.webp)
.webp)
