“আবোওয়াঃ কাথা” ওয়েব পেজ রে
সানাম সিঁগি মাহা হিলোঃ গে গিদ্রৗ সাঁওহেদ্ বাখরা গিদৗর বৗউলি ‘চেরেচ্ আড়াং’ লেতাড়গে
উছৗনঃ কানা। তায়ম দারাম নংকাগে আরহঁ সাঁগে অল ভেজায় তাবোন পে। অল ভেজায় রেনাঃ বুটৗ-
Whatsapp- 8942955829 : E-mail
Id:- abowagkatha@gmail.com ।
তেহেঞা আখড়ারে যাঁহায় কো
সেলেদ্ আকান- ᱥᱩᱵᱩᱫᱤᱭᱟ. ᱢᱩᱨᱢᱩ, ᱜᱳᱯᱮᱥᱣᱚᱨ ᱢᱟ.ᱱᱰᱤ, ᱮᱵᱷᱮᱱ ᱠᱩᱭᱞᱤ ᱥᱚᱨᱮᱱ, ᱥᱟ.ᱜᱩᱱ ᱦᱮᱢᱨᱚᱢ, ᱥᱨᱤᱠᱟᱱᱛᱚ ᱥᱚᱨᱮᱱ, সাকম সরেন, রামলাল টুডু, সেঁগেল মারমার, দুগাই টুডু, সনাতন টুডু, বাড়তাঙ সরেন, সুচাঁদ হাঁসদা, তপন হেম্ব্রম, বিভূতি ভূষন সরেন।
১।।
ᱥᱩᱜᱤ
ᱥᱩᱜᱤ ᱥᱩᱜᱤ ᱥᱩᱜᱤ
ᱢᱮᱱᱟᱜ ᱢᱮᱭᱟ ᱵᱩᱜᱤ ᱾
ᱥᱤᱧ ᱧᱤᱫᱟᱹᱢ ᱥᱩᱜᱩᱭ
ᱡᱷᱤᱯᱤᱨ ᱫᱟᱜᱮᱢ ᱟᱜᱩᱭ ᱾
ᱫᱟᱜ ᱫᱤᱱᱜᱮᱢ ᱜᱩᱱᱤ ᱵᱷᱟᱹᱵᱤ
ᱡᱷᱤᱯᱤᱨ ᱡᱷᱤᱯᱤᱨ ᱫᱟᱜᱮ ᱡᱟᱹᱲᱤ ᱾
ᱵᱟᱱᱩᱜ ᱛᱟᱢᱟ ᱮᱠᱟᱞ ᱟᱹᱲᱤ
ᱥᱤᱸᱜᱤ ᱧᱤᱫᱟᱹ ᱫᱟᱜᱮ ᱡᱟᱹᱲᱤ ᱾
ᱩᱫ ᱯᱩᱴᱠᱟᱹ ᱜᱚᱴᱟ ᱴᱟᱸᱰᱤ
ᱚᱢᱱᱚᱟ ᱠᱚ ᱥᱟᱸᱜᱮ ᱟᱹᱰᱤ ᱾
ᱥᱤᱢᱨᱟᱜ ᱠᱷᱚᱱᱮᱢ ᱥᱩᱜᱩᱭ ᱥᱩᱜᱩᱭ
ᱨᱤᱢᱤᱞ ᱨᱤᱢᱤᱞᱮ ᱜᱩᱜᱩ ᱟᱜᱩᱭ ᱾
ᱟᱢᱫᱚ ᱥᱩᱜᱤᱧ ᱫᱩᱞᱟᱹᱲᱟᱢ
ᱟᱫᱚ ᱟᱞᱚ ᱩᱭᱦᱟᱹᱨᱟᱢ ᱾
ᱛᱟᱸᱦᱮᱱᱢᱮ ᱟᱰᱤ ᱵᱩᱜᱤ ᱿
২।।
ᱥᱤᱸᱜᱮ ᱢᱟᱦᱟ
ᱜᱳᱯᱮᱥᱣᱚᱨ ᱢᱟ.ᱱᱰᱤ
ᱵᱮᱲᱟᱭ ᱨᱟᱠᱟᱵ ᱟᱠᱟᱱ
ᱫᱟ.ᱛᱟ.ᱱᱤ ᱦᱩᱛᱩᱢ ᱯᱷᱟᱨᱪᱟ ᱠᱟᱹᱛᱤᱧ
ᱵᱷᱟ.ᱵᱤᱛ ᱡᱚᱱᱚᱜ ᱠᱟᱱ ᱾
ᱤᱛᱩᱱ ᱟᱥᱲᱟ ᱪᱷᱩᱴᱤ
ᱥᱟᱨᱟ ᱜᱷᱟ.ᱲᱤᱡ ᱚᱠᱛᱚ ᱢᱮᱱᱟᱜ
ᱠᱷᱮᱞᱳᱰ ᱮᱱᱮᱪ ᱛᱷᱩᱛᱤ ᱾
ᱢᱟᱨᱟᱝ ᱩᱛᱟ.ᱨ ᱜᱚᱰᱟ
ᱫᱟᱨᱮ ᱱᱟ.ᱲᱤ ᱜᱷᱮᱨᱟ ᱮᱥᱮᱫ
ᱚᱱᱛᱚᱨ ᱛᱟᱞᱟ ᱠᱷᱚᱫᱟ ᱾
ᱪᱮᱨᱚ ᱵᱮᱨᱚ ᱟᱲᱟᱝ
ᱟᱸᱡᱚᱢ ᱧᱟᱢᱚᱜ ᱠᱷᱤᱞᱳᱰ ᱛᱩᱞᱩᱡ
ᱢᱚᱱᱮ ᱵᱟ.ᱣᱞᱤ ᱨᱟᱲᱟᱝ ᱾
ᱜᱤᱫᱟ.ᱨ ᱯᱤᱫᱟ.ᱨ ᱟᱞᱮ
ᱢᱤᱫ ᱛᱮᱞᱮ ᱠᱷᱤᱞᱳᱰ ᱮᱱᱮᱪ
ᱨᱟ.ᱥᱠᱟ. ᱨᱚᱢᱚᱡᱽ ᱟᱞᱮ ᱾
ᱮᱠᱟᱞ ᱵᱟ.ᱱᱩᱜ ᱛᱟᱞᱮ
ᱠᱮᱱᱮ ᱠᱚᱛᱮ ᱠᱷᱮᱞᱳᱰ ᱛᱟᱞᱟ
ᱚᱠᱛᱚ ᱯᱚᱞᱚᱢ ᱟᱞᱮ ᱾
==== ᱛ ==== ᱛ ==== ᱛ ====
ᱜᱤᱫᱽᱨᱟᱹ ᱵᱟᱹᱣᱞᱤ
ᱮᱵᱷᱮᱱ ᱠᱩᱭᱞᱤ ᱥᱚᱨᱮᱱ
ᱨᱟᱸᱪᱤ ᱥᱚᱲᱚᱠ ᱛᱮᱢᱟ
ᱮ ᱵᱤᱴᱤ
ᱯᱩᱥᱤ ᱞᱟᱜᱟ ᱟᱠᱟᱫ
ᱰᱩᱞᱩᱝ ᱜᱟᱰᱤ ᱾
ᱪᱩᱴᱭᱟᱹᱢᱟ ᱯᱮᱥᱮᱧᱡᱟᱨ
ᱮ ᱵᱤᱴᱤ
ᱢᱟᱢᱚ ᱚᱲᱟᱜ ᱛᱤᱠᱤᱱ
ᱥᱮᱱᱚᱜ ᱠᱟᱱᱟ ᱾
ᱦᱟᱱᱰᱮᱞᱢᱟ ᱠᱤᱪᱚ ᱠᱚᱪᱚ
ᱮ ᱵᱤᱴᱤ
ᱡᱟᱱᱩᱢ ᱫᱷᱩᱸᱫᱽᱨᱮ ᱯᱩᱥᱤ
ᱢᱤᱭᱩᱝ ᱢᱤᱭᱩᱝ ᱾
====
ᱛ ==== ᱛ ==== ᱛ ====
৪।।
ᱟᱞᱮ ᱯᱤᱞᱤ
ᱟᱞᱮ ᱯᱤᱞᱤ
ᱚᱲᱟᱜ ᱫᱩᱣᱟᱹᱨ
ᱨᱤᱞᱤ ᱯᱷᱤᱞᱤ
ᱟᱞᱮ ᱯᱤᱞᱤ
ᱯᱟᱲᱦᱟᱜ ᱠᱟᱱᱟᱭ
ᱯᱟᱛᱷᱟᱢ ᱥᱤᱞᱤ
ᱟᱞᱮ ᱯᱤᱞᱤ
ᱦᱮᱨᱢᱮᱫ ᱟᱠᱟᱫᱟᱭ
ᱮᱠᱮᱱ ᱴᱷᱤᱞᱤ
ᱟᱞᱮ ᱯᱤᱞᱤ
ᱡᱚᱢᱟᱭ ᱛᱮᱦᱮᱧ
ᱩᱞ ᱵᱤᱞᱤ
==== ᱛ ==== ᱛ ==== ᱛ ====
৫।।
==== ᱛ ==== ᱛ ==== ᱛ ====
হেঁদে রিমিল
সাকম সরেন
==== ᱛ ==== ᱛ ==== ᱛ ====
অৗসুল মিরু
রামলাল টুডু
রড় তায় কেঁড়ে কঁড়ে ।
ঠন্টা তেদ্ আরাঃ তায়
রারাঃ গেত কৗমি তায় ।
রামা তায় লৗটু লৗটু
জমে খজঃ অৗটু পৗটু ।
জম কয় ইদি য়ায় ।
ডাটা কদ বৗনুঃ তায়
সুচ্ সুচ্ গল আয়
বৗবু গেয় হহ আয় ।
লেঁগাতিরে গেরেয়ায়।
খাঞ্চা রেগে তাঁহেনায়
বৗবু দয় আড়াঃ কায় ।
উডৗঃআয় হিজুঃ আয়
বৗবুগেয় কয়ঃ আয় ।
====
ᱛ ==== ᱛ ==== ᱛ ====
কুদুম কুড়িচ্ কুড়িচ্
সেঁগেলমারমার
গড়ম আয়ো কুরিচ
মেনমে গড়মবা
ডান চাদ্ কো জুলুগ্ আ।
মেনাগ্ বতর ভয়
মিথেন গ্যাস আগ্ কারসাজিতে
হড়ক ভুলুগ্ আ।
জীওয়ী চেঁহে চেঁহে
সুনুম সাকাম ঘাষাওতেদ
বঁগায় ঞেলগ্ আ।
বুগিম পাঁজা কান
বাম জম খান রান
ঘাটরেম তুলুগ্ আ।
(গিদ্রৗ বৗউলী সেরেঞ বাখরাতে অল আকানা )
==== ᱛ ==== ᱛ ==== ᱛ ====
৯।।
পেড়া
দুগাই টুডু
দেলা আলে মাড়াং,
মৗচি সোরাম কাতে হানে
কুলি বুগি বৗড়িচ্,
আমগে নিয়া ঘৗড়িচ্।
এমাম অনা ভালা,
রৗস্কৗ মনে তালা তেদ
তবে আনিচ্ দিসৗ কাতে
==== ᱛ ==== ᱛ ==== ᱛ ====
চেৎ ডাউন
সনাতন
টুডু
সড়ক চেতান মটা পুলিশ
হাপা আতেয় দাঁড়ান।
বন্দ স্কুল কলেজ!
গাতে সালাঃ ঞেপেল বাংআ
কুলহি ধুড়ি এনেজ।
চেৎ দ চিকৗয়েনা!
কুকলি তাঁহেয়েনা ?
==== ᱛ ==== ᱛ ==== ᱛ ====
সেদায় কাথা
বাড়তাঙ সরেন
মজ্ তাঁহেকান আডি
নাহাঃ সানাম মালোটেনা
রাঃ সানাকান আডি।
তাঁহেকানা সৗগৗই
তাঁহেকানা তপল নৗড়ী
বয়হা সুলুক লৗপৗয় !
তিনৗঃ নাপায় নাপায়
আতো হড়কো ঞেল দারামা
সানাম কতে বেজায় ।
একাল ঝুমুর ঝুমুর
কড়াকুড়ি রৗস্কৗ রমজ
সাডে পাইগৗন লিপুর।
সানাম কো সুরলেনা
দিশম পেড়া হুদিশ কাতে
বাকো সাঙ্গিঞ লেনা।
তিনৗ দালায় দালায়
গিদরৗ কোদ কেঁড়েচ দঁড়েচ
রৗস্কৗ তেকো লান্দায় !
আতো দিশম তালা
সেদায় লেকা বাং তাঁহেলেন
আতো রিলৗমালা !
==== ᱛ ==== ᱛ ==== ᱛ ====
১২।।
গিদৗর বৗউলি
সুচাঁদ হাঁসদা
(১)
আলেরেন কুতু ,
বায় কয়া উতু ,
জমায় এখেন দাকা ,
দিনগে মিত বকাঃ ৷
( ২)
মেনায় তালে পুসি ,
পাঁজা বাড়ায়ায় সুসি ,
কুমড়ু জমগেয় কুসিঃ ,
হপন বিটিগেয় দুসিঃ ৷
(৩)
এ. রটে রটে ,
আমদ আডিম জেঠে ,
হটঃ চেদাঃফুলৗও কাতে ,
আমদম রাগা মঠে ৷
==== ᱛ ==== ᱛ ==== ᱛ ====
১৩।।
রৗসি আতো
তপন হেম্ব্রম (গসবাহা)
হড় কগেলে সাঁঙ্গেয় সৗরি ,
রেগেচ কিসৗড় মেসামেসি
বৗনুঃ হিসৗ সিয়ৗজৗরি ।।
অলাপৗলি জত কওয়াঃ ,
কৗমিগড়ঃ আলে আলে
তাঁহেন তালে বছর আচুর ভোরগে ।।
মিৎ সাঁওতেলে বঁঙ্গা বুরুঃ ,
আটাল আটাল এনেচ আখড়া
আডি রৗস্কৗ রমচ্ গৗরুম গৗরুম ।।
জত রেগেলে দৗড় সুরুঃ ,
তরাও অয়ার পারম আরু
নওয়া গে আলে আতো আরি ।।
==== ᱛ ==== ᱛ ==== ᱛ ====
বিজলি অক্তে
বিভূতি ভূষণ সরেন
ঞুৎগে রাকাব এন,
বাহরে আলম অডক সেনঃ
হয়দাঃ দারায় কান।
আলম তিগুন অত্রে,
অড়াঃ ভিতিররে থির থার
দুড়ুপমে মৗচি চটরে।
মেড়হেৎ বাংক সাবা,
কারেন্ট রেনাঃ সুইচ্ বোর্ড
অনাহঁ আলম দাবাও।
খৗলি দাড় অডকঃ,
হয়- ভান্ ড সিতুং- শিশির
একাল আলম অডকঃ।
********মুচৗৎ ********