মোবাইল নেশা
ডাঃ সুরেন্দ্রনাথ মান্ডি
পারমেন বার-পে সেরমারে মোবাইল ফোন রেনাঃ বেওহার আডিতেৎ গে বৗড়তিয়াকানা। আফিস কৗমি, পাড়হা গিদ্রৗ কোওয়াঃ অনলাইন ক্লাস, সিনেমা-এনেচ্-সেরেঞ-খেলন্ড ঞেল-আঁজম, ভিডিয়ো গেম খেল, গাতে-পেড়া-পৗরভৗ কো সাঁও যোগাযোগ দহয়, খবর কাগজ বাংখান পুথি-পতব পাড়হাও- সানামাঃ গে হোয়োঃ কানা নোওয়া মিৎটাং মোবাইল যন্তর তেগে।
লকডাউন হোয় কাতে সানাম কোওয়াঃ তি রেগে আয়মা ঘৗড়িচ, তাঁহেন কানা মোবাইল। ফোন কাতে জাঁহায় সাঁও গালমারাও খন দ নাহাঃ দ ঢেরতেৎ গে ‘চ্যাট’ রেবোন লাবাধিয়ৗও আকানা। গিদ্রৗ কঁহ ‘ক্লাস’ দৌলত তে ফোন সেটের গৎ আকাৎ কোওয়া তি রে, ‘শোস্যাল মিডিয়াম’ রে হুডিঞ উমের খন গেকো লাবাধিয়াঃ কানা আর নোওয়া খৗতির আডি তেৎ গে খুতি হোয়োঃ কানা আপনার তি রেয়াঃ, বিশেষ কায়তে জজম তি রেয়াঃ ‘ বাইসেপ্স্ পেসি, গাঁট, টেন্ডন (চোটো জিল) রেয়াঃ। হোয়োঃ কানা গাঁট জাং কোরেয়াঃ আজার আর্থারাইটিস, সার্ভাইক্যাল স্পন্ডিলোসিস - নোওয়া কদ সানামাঃ গে আডি হাসোওয়ানা।
মোবাইল মিৎ লৗগৗড় ‘স্ক্রল’ অকতে আবোওয়াঃ বুড়হৗ কৗটুপ্ কবজি, কনুই আর দৗবি-তারেন জাঁহা ভংগিতে তাঁহেনা, অনা দ শারীর বিঞ্জান মেৎ তে ঞেল লেকান স্বাভাবিক দ বাং কানা। দরকারি খন নিতোঃ অক্ত গঁওয়াও-পারম লৗগিৎ তেগে ঢের তেৎ মোবাইল বেওহারঃ কানা। বৗড়তি মোবাইল বেওহারতে তি, তারেন রেনাঃ আজার সুমুং বাং এটাঃ এটাঃ আজার কঁহ হোয় দাড়েয়াআ।
[ গুনমানাও- ডেইলি হান্ট ]
.webp)
