আবোওয়াঃ ডিজিটাল ডেস্ক – ডৗন কাথায় কো জজম আ। তবে আয়মা হড়াঃ মেন নোওয়া দ মিৎ লেকান ‘আঁধাপৗতিয়ৗও’ কানা। যাঁহাদ নিৎ হঁ সান্তাড় সমাজ তালারে ঢেঁড়েপেটে বাডায় কান গেয়া। নোওয়া সাহায় লৗগিৎ নিৎ হৗবিচ্ তে শিখনৗতিয়ৗ বুরধি জীবি খন এহব কাতে ক্লাব, গাঁওতা সে সংগঠন অকয়গে অনকা মাছা লাহা হিজুঃ বাং কো ঞেল আকানা। তবে চেৎ অনা খৗতির গে তেহেঞ হঁ নংকান ‘আঁধাপৗতিয়ৗও’ সান্তাড় সমাজরে জিয়ৗও মেনাআ ?
নংকাগে শোস্যালমিডিয়া তালাতে মিৎ ভাইরাল ভিডিয়ো খন বাডায় ঞাম
আকানা বাংমা গোপীনাথ হাঁসদা ঞুতুমান মিৎ হড় ডৗন ইদিকাতে মিৎ হাহাড়া কাথা ভিডিয়ো রেয়
সাপ্ রাকাপ্ আকদা। উনিয়াঃ মচা খনগে বাডায় আকানা বাংমা আয়া জানাম আতো দ তায় চুটিয়া,
পোঃ- বালিডিহা,থানা-জামবনি, জেলা- ঝাড়গ্রাম মেনতে লৗই সদর আকাদায়। উনি যাঁহা লৗগিৎ
অনা ভিডিয়োয় আড়াঃ আকাদা বাংমা আকো আতোরে হলা মাঃ মড়েরে বারয়া সৗরি বঁগা কিন উপেল লেনা।
বাংমা উনকিন সৗরি বঁগা মিৎটাং ডৗন কিন সাব আকাদেয়া। আর উনি ডৗন দ কাথায় যাঁহায় নোওয়া
ভিডিয়োয় বেনাও আকাৎ মেনেৎ গোপীনাথ হাঁসদা, আচ্ জানাম আয়োগে ডৗ ন মেন তেকিন বাছনাও
আকাদেয়া।
অনালেকাতে হাঁসদা গোমকেয়াঃ রড় তায় যুদি আচ্ আয়ো সৗরিগে ডৗন
কানায় এনখান দিসম হড় তালারে মাঃ গচ্ রেনাঃ কাথায় রড় আকাদা। সাঁওতে নোওয়া হঁয় রড় তরা
আকাদা – যুদি ডৗন বাং কান এনখান উনকিন সৗরি বঁগা বিচৗর কাতে রায় হাতাও লৗগিৎ হঁ আতো
মড়ে হড় ঠেন আরজি দহ আকাদায়। নঁতে আতো মঁড়ে হঁ কাথায় কাথা কো এম আকাদেয়া, মেনখান চেৎ
কাথা কো এম আকাদেয়া অনাদো তায়মতে বাডায় অচোয়ায় মেনতে সদর আকাদায়। হাঁসদা গমকে তিস মাঃ
গচ্ হোয়োঃ আ অনারে হিজুঃ লৗগিৎ হঁ আরজি দহ আকাদায়। অনা সাঁওতে নোওয়া লৗই হঁয় দহ আকাদা
বাংমা অনা হিলোঃ গে ঞেল ঞাপেয়াপে সৗরি ডৗন কানায় সে খৗলি ডৗন কানায়। হাঁসদা গমকে ভিডিয়ো
রে রড় আকাদায় বাংমা নোওয়া দ লাইভ ভিডিয়ো বাং কানা, নোওয়া দ সৗরি ঘটনা কানা। উনি গমকে
আরহঁ বৗড়তি বাডায় লৗগিৎ মিৎ টাং মোবাইল নং হঁয় এম আকাদা, যাঁহাদ-৭৯৭৮১২১৬১৮ ।
নিৎ নোওয়া ভিডিয়ো তালাতে মিৎ-বার গটাং কুকলি রাকাপ কানা- নোওয়া
ভিডিয়ো তালাতে সমাজ রেনাঃ চেৎ বার্তা সদরঃ কানা? মাঃ- মড়ে রে উপেল বঁগা কদ চেৎ সৗরিগে
ডৗন কো পাঁজা ওডোক কোওয়া ?
নোওয়া ভিডিয়ো ঞেল কাতে আবোরেন খবরিয়ৗ সাঁও সাঁওতেগে অনা নম্বররে
ফোন লেৎ খানে সুইচ্ অফ এ লৗই কেদা। তবে আয়মা ধাও ট্রায়াল কাতে মুচৗৎরে গোপীনাথ হাঁসদা
গমকে গে ফোনতে আবোরেন খবরিয়ৗ ঠেন নওয়া ভিডিয়ো রেনাঃ সৗরি কাথায় বাতাও আকাদা, বাংমা
নোওয়া ঘটন দ পারমেন ২৮ মে মেনেৎ আকোওয়াঃ মাঃ মড়ে রেনাঃ সৗরদি মাহা হিলঃ হোয় আকানা।
হাঁসদা গমকে নোওয়া হঁয় লৗই তরা কেদা বাংমা গাপা ৩১ মে সেতাঃ ৭-৮ বাজা অকতে আতো মড়ে
হড় লৗইতে মিৎ দুপড়ুপ মেনাঃ আকাদা। অনা দুপড়ুপ রেগে রায় ক বাডায় অচোয়েয়া মেনতেহঁ হাঁসদা
গমকে সদর আকাদায়। তামাম দিশম হড় নিৎ গোপীনাথ হাঁসদা গমকে লেকা অনা রায় সেন গেকো কয়ঃ
আকাদা। তবে আয়মা হড়াঃ মচারেগে আঁজমঃ কানা- সান্তাড় সমাজ খন নোওয়া ডৗন লৗইতে ‘আঁধাপৗতিয়ৗও’
তিস্ চাবাঃ আ ?
.webp)
