আবোওয়াঃ ওয়েব পেজ- সরকারী আরদাশ লেকাতে আযোদিয়ৗ সেঁদরা চালাঃ মানা-বারন বাডায় কাতেহঁ শিকৗরিয়ৗদ আঃসার এ চৗড়িয়ৗও লেদা, লাসের দহ লেদায় সানানম কৗপি, টামাক বৗধি-হারতা রেহঁ দিনৗম সুনুম অজঃ কাতে সিতুং রে দহ কাঃ কান তাঁহেনায়, সিঁগৗড় বেড়া আকান সে টামাক ডাঁড়মতে টাঁগুন টাঁগুন এ রু রু আঃ কান তাঁহেনা আর এ সেরেঞ এৎ তাঁহেনা- “….আযোদিয়ৗ সেঁদেরা দ জুরি আলোম মানাঞা…”। মেনখান মুচৗৎ বেড়ারে নেশহঁ করোনা গে জাঁগেদারাম এনায়। শিকৗরিয়ৗ মন রৗপুৎ এন তায়া।
১৮ মে ভারত জাকাত মাঝি
পারগানা মহল পুরুলিয়া জেলা কুমুট পাহ্টা খন মিৎ আরদাশ সাকাম তালাতে বাডায় ঞাম এনা
বাংমা দিশম জাকাত কোভিড আওহাল চালাঃ কান খৗতির নেশহঁ আযোদিয়ৗ বুরু সেঁদরা দ থুকুম তাঁহেন
কানা। অনারে সানাম শিকৗরিয়ৗ কো লাসাড়হেৎতে অল আকানা বাংমা নেশহঁ দারায় কান ২৬ মে, বৗইশৗখ
কুনৗমি আযোদিয়ৗ বুরু সেঁদরারে হিজুঃদ মানা গেয়া।
নঁতে হলা ১৯ মে আযোদিয়ৗ প্রশাসনিয়ৗ পাহ্টা খন পঞ্চায়েত প্রধান
মানতান মুকুন্দ মুরমুয় লৗই সদর কেদা বাংমা নেশদ করোনা খৗতির গে আযোদিয়ৗ বুরু সেঁদরা
হৗপিদ্ তাঁহেন কানা। তবে মানতান মুরমু গোমকে অনা সাঁওতে রড় তরা কেদায় তায়ম দারাম সেরমা
করেদ হাপেন সেঁদরা হোয়োঃ গেয়া চেদাঃসে নোওয়া সেরওয়া দ আগিল হাপড়াম কোওয়াঃ সিরজৗও কানা।
আরহঁ নতে আযোদিয়ৗ ঘাট পারগানা বাবা মানতান শ্যাম সুন্দর মান্ডি
গোমকে হঁ লৗই সাডে কেদায় বাংমা দিশম জাকাত কোভিড খৗতিরগে গটা দিশম হড় আযোদিয়ৗ সেঁদরা
হিজুঃ দ মানা হোয়োঃ কানা। মানতান মান্ডি গোমকে নোওয়া হঁয় লৗই সদর তরা কেদা বাংমা সেরওয়াঃ
লেকাতে হেচ্ হিজূঃ কান বঁগাবুরুদ হোয়োঃ গেয়া।
মেনখান কুকলি দ তাঁহেন কান গেয়া যাঁহালেকা ভাবতে প্রশাসনিয়ৗ
পাহ্টা খন নোটিশ জৗরি কাতে বির-বুরুরে সেঁদরা-কারকা কো বন্ধ লৗগিদঃ কানা অনা লেকাতে
হাপেন খেরওয়াল কো সেঁদরা সেরওয়াঃ বাঞ্চাও দহ দাড়েয়াঃআ তো ?
.webp)
