আবোওয়াঃ ওয়েব পেজ, সন্দেশখালি- ভোট তায়ম হিসকৗ হুলাং চাবা লৗগিদ ইনৗ মুদরেগে রাজ্যপাল আর সুপ্রিম কোর্ট হস্তক্ষেপ করাও আকাদা ক। এনরেহঁ উত্তর চব্বিশ পরগনা রেনাঃ সন্দেশখালি আর মিনাখা বিধানসভা রেনাঃ আদিবাসী ক চেতান রে ভোট তায়ম হিসকৗ লেতাড় গে চালাও ইদিঃ কানা। ২ রা মে বিধানসভা রেনাঃ অর্জ উছৗন এন তায়ম খনগে আদিবাসী কওয়াঃ আতো রে চালাঃ কানা কোমড়ো,অড়াঃ দুয়ৗর রৗপুদ,দাল দাপাল আর হেলেজ রেয়াঃ ঘটনা ক। চালাও এন বার হাপ্তা খন জৗস্তি সন্দেশখালি আর মিনাখা বিধানসভা রেনাঃ আয়মা টঠা রেগে আদিবাসী ক অড়াঃ দুয়ৗর ক আদ আকাদা। আদিবাসী কওয়াঃ অড়াঃ দুয়ৗর রে কোমড়ো কাতে আর দাল রৗপুদ সাওঁ সাওঁ তে আদিবাসী ক ঠেন খন আকওয়াঃ জুমি জায়গা, টাকা পুয়সৗ সাওঁতে হরঃ বাঁদে সাজ সাওয়ার আঃ সানাম আঃ ক রেজ হাতাও আকাদ তাকওয়া।
নওয়া ক সানামাঃ সাতাম প্রশাসন ঠেন অলবেল আতে বাডায় হচ কাতে হঁ অকালেকান অর্জ গে বাং ঞাম আকানা। প্রশাসন নওয়া ক সাতাম রে নীরমায়া ঞেঞেলিয়ৗ লেকায় কৗমিয় এদা।নকো নাচার আদিবাসী ক অড়াঃ দুয়ৗর খন বে-হিরলৗ সাওঁ সাওঁ তে যাঁহাতে যাঁহালেকা কাতে গে সরকারাঃ রেশন বেবস্থা খন অকালেকা কাতে রেহঁ অৗয়দৗর বাং ক হামেট দাড়েয়াঃ মা আর মিদ লেকাতে রেংগেজ জালাতে ক তাহেন মা অনা বেবস্থা গেক করাও এদা বৗইরি ক।
উত্তর ২৪ পরগনা সন্দেশখালি বিধানসভা আদিবাসী ক লৗগিত রাখা মেনাঃ তাহেন তুলুজ হঁ চেদাঃ আদিবাসী ক চেতান রে নুনৗঃ নির্মম বতরানাঃ নাহাচার হুয়ুঃ কানা অনা অজে লেকাতে অনা টঠা রেন আদিবাসী ক ক লৗয় এদা সন্দেশখালি বিধানসভা রে তপশিলি উপজাতি ক লৗগিদ সংরক্ষিত আসন রে তৃণমূল সরকার যাঁহায় ভোটরে লৗড়হৗয় লৗগিদ টিকিট এ এমলেদেয়া উনি আচ্ গে আসলে অ-আদিবাসী হড়। নওয়া সন্দশখালি বিধানসভা রেন জিৎকৗরিয়ৗ সুকুমার মাহাতো আঃ বিরুধ রে ভোট রেনাঃ আয়মা লাহা খনগে আয়মা আয়মা আদিবাসী গাঁওতা পাহাটা খন নানা হুনৗর লেকানাঃ কাথা বেওরা তালাতে জমা লেনা ডিএম, এসডিও আর নির্বাচন কমিশন ঠেন। সুকুমার মাহাতো অ-আদিবাসী কানায় অনারেনাঃ প্রমাণ উদুঃ কাতে নির্বাচন কমিশন আর সরকার ঠেন হঁ আয়মা লেকানাঃ অভিযোগ বেওরা জমা লেদা ক নানা হুনৗর আদিবাসী গাঁওতা। আর নওয়া সানাম গাঁওতা সাওঁতে সেলেদ মেনাঃ খৗতির খেসারত এম হুয়ুঃ কান তাকওয়া মেনতে অনা টঠা রেন আদিবাসী ক মনেয়েদা।
ভোট তায়ম হিসকৗ তে পনত রেনাঃ এটাঃ জেলা ক খন উত্তর ২৪ পরগনা সন্দেশখালি আর মিনাখা বিধানসভা রেনাঃ টঠা ক রেনাঃ মুড়ুৎ ভেগার দ হুয়ুঃ কানা যে নডে ভোট তায়ম হিসকৗ তে কোমড়ো সাওঁ সাওঁতে আদিবাসী ক ঠেন খন রেজ হাতাও হুয় আকানা টাকা পুয়সৗ,ধন সম্পত্তি আর সোনা ক হঁ। অতন্দ্র প্রহরী লেকা বৗইরি ক আদিবাসী ক পুলিশ থানা রে সেনঃ ক আটক এৎ কওয়া। মেৎ মেৎ রেক দহয়েদ কওয়া অকয় আদিবাসী যাতে সরকারাঃ এম রেশন সিস্টেম খন অকালেকা কাতে হঁ রেশন তুলৗও যাতে বাং ক দাড়েয়াঃ মা। নওয়া সাঁও সাঁওতেগে নেতার আদিবাসী কওয়াঃ আপনারাঃ কিছু গান বাঁদ,পুখরি রেন হাকো লৗটু লৗটু ঝৗলি গিডি কাতে সাব এৎ কওয়া বৗইরি ক। অবস্থা নুনৗঃ বৗড়িজ আকানা যে ভোট তায়ম হিসকৗ তে নিত ধৗবিজ ঞাম খবর রে মিদ হড়ে গজ আকান রেহঁ অনা ঘারঞ্জ রেন জাঁহায়ক কোনো অবস্থা তেগে পুলিশ ক বাং ক বাডায় হচয়েত কওয়া আর হঁ যাঁহান লৗটু লেকানাঃ বেবৗড়িজ হুয় রেনাঃ বতরতেঃ। ভোট তায়ম হিসকৗ রেনাঃ রাশ অরতে সন্দেশখালি আর মিনাখা বিধানসভা রেন আদিবাসী ক চেতানরে তিস চং রাজ্যপাল সে প্রশাসন আঃ মেৎ লুতুররে পাড়াঃ আ অনা আশতে কয়ঃ হররে মেনাঃ কওয়া অঁডেরেন আদিবাসী কো।
.webp)
