ডাঃ সুরেন্দ্রনাথ মান্ডি
কোভিড রেনাঃ দাপট নিত্হঁ আউরি কমঃআ। নোওয়া মড়ক আজার তে হাজার
হাজার মৗনমিকো দায়নাশঃ কানা, তাঁড়গম অচঃ কানাকো লাখ লাখ। সাঁওতে মোলোঃ আকানা ‘ব্ল্যাক
ফাংগাস’ খৗতিরতে হোয়োঃ আজার মিউকরমাইকোসিস। ওয়োং-চোঁডো এদা কো আরহঁ বতরান ফাংগাস (ছত্রাক)
‘হোয়াইট’ আর ‘ইয়োলো ফাংগাস’। নোকো সাঁও সাঁওতেগে আন্দামান রে তুনখি ঞামাকানাকো ছত্রাক
‘ক্যান্ডিডা অরিস’ ইদিকাতে আরহঁ বতরান খবর ঞামঃ কানা। এনতে ‘ক্যান্ডিডা অরিস’ হঁ মড়ক
(মহামারি) আজার ক তেয়ার দাড়েয়াঃআ।
গৗহিরৗকিলৗন কো আয়উমৗনেদা নোকো/ নোওয়া ছত্রাক মিৎধাও মৗনমি
হড়ম রেকো বল লেনখান লাখ লাখ মৗনমি কোওয়াঃ জিউয়ি দায়নাশঃ আ। নুনৗ গে বতরান জে মিৎ সেরমারেগে
মিৎ কোটি গেল লাখ মৗনমি কোওয়াঃ জিউয়ি কো বেরবাদ দাড়েয়াআ।
জাপান, ব্রিটেন দিসম রেয়াঃ সৗমুদ সোর করে দ ১২ সেরমা মাড়াংরে
‘ক্যান্ডিডা অরিস’ রেয়াঃ সন্ধান ঞাম লেনরেহঁ আবো দিসমরেদ নে হালেগে। তবে মড়ক-বতর তালারেহঁ
মিৎ গৗদৗল গৗহিরৗকিলৗন কোওয়াঃ মেন তেয়াঃ দ জে– মৗনমি হড়ম রেয়াঃ লল’ সাঁওতে নে হৗবিচ্
তে ‘ক্যান্ডিডা অরিস’ বাংকো তড় আকাদা।
.webp)
