আবোওয়াঃ ওয়েব পেজ- এস.টি. সার্টিফিকেট জৗলিয়ৗতিরে গড়য়িচ্ উত্তর ২৪ পরগনা জেলা রেনাঃ বসিরহাটরেন এস.ডি.ও আর জৗলিয়ৗতি আকাত সন্দেহখালি ১ নং বিধান সভারেন নাওয়া জিৎকৗর আকান বিধায়ক সুকুমার মাহাত পাকড়াও লৗগিৎ অনা থানারেন ও.সি. ঠেন চিঠি সাকাম তালাতে হলা ১৩ মে সুসৗর গাঁওতা পাহ্টা খন আডি কৗডরৗই দাবী বাডায় অচো আকাদেয়া। অনা সাঁও সাঁওতে অনা থানারেন এস.ডি.পি.ও., বসিরহাটরেন এস.ডি.ও আর সুকুমার মাহাত হঁ চিঠি তালাতে বাডায় অচো আকাদ্ কোওয়ায়।
বাডায় আকানা নোওয়া মাড়াং বিধান সভা বাছনাও চালাঃ অক্তে বাছনাও কমিশন সাঁওতে পনৎরেন মুখিয়ৗমন্ত্রী আর রাজ্যপাল হঁ চিঠি আৎ কো তাঁহেনায়। মেনখান নোওয়া ইদিকাতে অকয়হঁ বাংকো মেৎ লুতুর আকাদা আর উনিয়াঃ প্রাথী পদ হঁ বাং বাতিল লেনা। নিৎ কুকলি রাকাপ্ কানা তবে চেৎ নংকা কাতেগে হাপেন রিজার্ভেশন সিট রেহঁ অ-আদিবাসী কো দখলা ? নওয়া ইদিকাতে আর আর সান্তাড়ী সংগঠন কহঁ নিৎ ধৗবিচ্ লাড়াওনা হররে বাংকো ঞেল আকানা। তবে খেরোওয়াল সাঁওতা সুসৗর গাঁওতাদ সুকুমার মাহাতওয়াঃ বিধায়ক পদ বাতিল লৗগিৎ সানাম লেকান আঁগিভার এ গঃ আকাদা মেনতেহঁ গাঁওতা পাহ্টা খনগে বাডায় আকানা।
.webp)
.webp)
