সিঁগি মাহা রেনাঃ সাকাম ‘চেরেচ্ আড়াং’ লেখা- ৩৩

“ আবোওয়াঃ কাথা ” ওয়েব পেজ রে সানাম সিঁগি মাহা হিলোঃ গে গিদ্‌রৗ সাঁওহেদ্‌ বাখরা গিদৗর বৗউলি ‘চেরেচ্‌ আড়াং’ লেতাড়গে উছৗনঃ কানা। তায়ম দারাম নংকাগে আরহঁ সাঁগে অল ভেজায় তাবোন পে। অল ভেজায় রেনাঃ বুটৗ- Whatsapp- 8942955829 : E-mail Id:- abowagkatha@gmail.com   ।

তেহেঞা আখড়ারে যাঁহায় কো সেলেদ্‌ আকান- রিলৗমালা মুরমু, ᱥᱩᱵᱩᱫᱤᱭᱟ. ᱢᱩᱨᱢᱩ,  ᱜᱳᱯᱮᱥᱣᱚᱨ ᱢᱟ.ᱱᱰᱤ,  ᱮᱵᱷᱮᱱ ᱠᱩᱭᱞᱤ ᱥᱚᱨᱮᱱ, ᱥᱩᱵᱳᱫᱷ   ᱢᱟᱹᱨᱰᱤ,  ᱥᱨᱤᱠᱟᱱᱛᱚ ᱥᱚᱨᱮᱱ,  সারি ধরম হাঁসদা, বাড়তাঙ সরেন,  সুচাঁদ  হাঁসদা, সাকম সরেন, দুগাই টুডু, বিভূতি ভূষণ সরেন, রামলাল টুডু, দুলৗড় বিটি।

 

রিলৗমালা মুরুমু, ক্লাস- IV
জেলা - পুরুলিয়া

 

১।।

ᱵᱟᱦᱩ ᱟᱜᱩ 

ᱥᱩᱵᱩᱫᱤᱭᱟᱹ ᱢᱩᱨᱢᱩ

ᱦᱚᱯᱚᱱ ᱵᱟᱵᱩᱭ
ᱪᱟᱛᱚᱢ ᱟᱠᱟᱱ
ᱫᱷᱟᱫᱽᱨᱟ ᱦᱟᱴᱟᱜ ᱛᱮ ᱾

ᱪᱟᱞᱟᱜ ᱞᱟᱜᱤᱫ
ᱥᱟᱡᱟᱣ ᱟᱠᱟᱱ
ᱯᱩᱥᱤ ᱥᱟᱫᱚᱢ ᱛᱮ ᱾

ᱥᱮᱴᱮᱨᱚᱜ --- ᱟᱭ
ᱟᱡ-ᱟ ᱱᱟ.ᱭᱦᱟ.ᱨ
ᱛᱤᱠᱤᱱ ᱛᱟᱨᱟᱥᱤᱧ ᱛᱮ ᱾

ᱟᱡᱭᱮᱠᱚ ᱜᱩᱲ
ᱫᱟᱠᱟ, ᱛᱚᱣᱟ
ᱫᱟᱠᱟ ᱢᱤᱫ ᱢᱤᱫ ᱛᱮ ᱾

ᱡᱚᱢ ᱧᱩ ᱠᱟᱛᱮ
ᱵᱟᱦᱩ ᱟᱛᱮ
ᱵᱟᱵᱩᱭ ᱦᱤᱡᱩᱜ ᱠᱟᱱᱛᱮ ᱾

ᱟᱛᱳ ᱡᱟᱠᱟᱛ
ᱴᱚᱞᱟ ᱯᱟᱲᱟ
ᱪᱷᱩᱨᱟᱠᱟᱱ ᱠᱚ ᱨᱟ.ᱥᱠᱟ. ᱛᱮ ᱾

========= ᱛ =========

২।।

ᱥᱤᱧ ᱪᱟᱸᱫᱚ

ᱜᱳᱯᱮᱥᱣᱚᱨ ᱢᱟ.ᱱᱰᱤ

 

ᱮ ᱵᱮᱴᱤ ᱼ
ᱦᱟ.ᱱᱤ ᱧᱮᱞᱮ ᱢᱮ ᱥᱤᱧ ᱪᱟᱸᱫᱚ
ᱥᱟᱢᱟᱝ ᱥᱮᱡ ᱠᱷᱚᱱ ᱵᱟ.ᱭ ᱵᱟ.ᱭ ᱛᱮᱭ
ᱨᱟᱠᱟᱵ ᱪᱟᱞᱟᱜ ᱠᱟᱱᱟ,
ᱜᱳᱴᱟ ᱫᱷᱟ.ᱨᱛᱤ ᱯᱩᱨᱤ ᱨᱤᱞᱟ. ᱢᱟᱞᱟ
ᱢᱟᱨᱥᱟᱞ ᱤᱫᱤᱜ ᱠᱟᱱᱟ ᱾

ᱮ ᱵᱮᱴᱤ ᱼ

ᱯᱟᱪᱷᱮ ᱥᱮᱡ ᱵᱟ.ᱭ ᱵᱟ.ᱭ ᱛᱮ
ᱪᱟᱞᱟᱣ ᱤᱫᱤ ᱠᱟᱛᱮ
ᱟᱨᱮ ᱰᱩᱵᱩᱡᱚᱜᱼᱟ,
ᱩᱱ ᱫᱚ ᱟᱫᱚ ᱫᱷᱟ.ᱨᱛᱤ ᱯᱩᱨᱤ 
ᱠᱟᱲᱟᱝ ᱧᱩᱛᱟ.ᱛ ᱫᱚᱜᱼᱟ ᱾

 

ᱮ ᱵᱮᱴᱤ ᱼ
ᱚᱱᱠᱟ ᱜᱮ ᱥᱤᱧ ᱪᱟᱸᱫᱚ ᱫᱤᱱᱳᱢ ᱦᱤᱞᱳᱜ
ᱥᱟᱢᱟᱝ ᱥᱮᱡ ᱮ ᱨᱟᱠᱟᱵᱚᱜᱼᱟ
ᱯᱟᱪᱷᱮ ᱥᱮᱡ ᱮ ᱰᱩᱵᱩᱡᱚᱜ,
ᱥᱤᱧ,ᱧᱤᱫᱟ. ᱟ.ᱪᱩᱨ ᱵᱤᱦᱩᱨ
ᱦᱤᱡᱩᱜ ᱥᱮᱱᱚᱜᱼᱟ ᱾

========= ᱛ =========

৩।।

ᱢᱚᱱᱮ ᱨᱮᱱᱟᱜ ᱠᱟᱛᱷᱟ

ᱮᱵᱷᱮᱱ ᱠᱩᱭᱞᱤ ᱥᱚᱨᱮᱱ

 

ᱢᱚᱱᱮ ᱛᱤᱢᱟᱹᱧ ᱢᱮᱱ ᱜᱚᱫᱟ
ᱩᱰᱟᱹᱣ ᱜᱚᱫᱚᱜ ᱟᱹᱧ ᱾
ᱩᱰᱟᱹᱣ ᱞᱮᱠᱟᱱ ᱯᱷᱟᱺᱠᱲᱟᱹᱜ ᱢᱟ
ᱩᱠᱩᱨᱟᱝ ᱛᱟᱹᱧ ᱿

 

ᱢᱚᱱᱮ ᱛᱤᱢᱟᱹᱧ ᱢᱮᱱ ᱜᱚᱫᱟ
ᱠᱤᱸᱥᱟᱬ ᱜᱚᱫᱚᱜ ᱟᱹᱧ ᱾
ᱪᱟᱥ ᱞᱟᱹᱜᱤᱫ ᱤᱥᱤ ᱟᱬᱟᱲ
ᱵᱟᱱᱩᱜ ᱠᱚᱛᱤᱧ ᱿

 

ᱢᱚᱱᱮ ᱛᱤᱢᱟᱹᱧ ᱢᱮᱱ ᱜᱚᱫᱟ
ᱢᱟᱪᱮᱫ ᱜᱚᱫᱚᱜ ᱟᱹᱧ ᱾
ᱚᱞᱚᱜ ᱨᱮᱫᱚ ᱱᱤᱛᱦᱚᱸ ᱩᱠᱩᱨ
ᱵᱟᱱᱩᱜ ᱤᱧ ᱵᱟᱹᱭ ᱿

 

ᱢᱚᱱᱮ ᱛᱮᱫᱚ ᱪᱮᱫ ᱦᱚᱸᱜᱮ
ᱵᱟᱝ ᱜᱮ ᱦᱳᱭᱳᱜᱼᱟ ᱾
ᱢᱚᱱᱮ ᱠᱟᱛᱮ ᱠᱟᱹᱢᱤ ᱨᱮ
ᱪᱷᱩᱴᱟᱹᱜ ᱦᱳᱭᱳᱜᱼᱟ ᱿

 

ᱠᱟᱹᱢᱤ ᱡᱩᱫᱤ ᱨᱟᱹᱥᱠᱟᱹ ᱠᱟᱛᱮᱢ
ᱠᱟᱹᱢᱤ ᱤᱫᱤᱭᱟ ᱾
ᱠᱟᱹᱢᱤ ᱨᱮᱱᱟᱜ ᱥᱟᱹᱜᱩᱱ ᱥᱟᱹᱨᱤᱢ
ᱧᱟᱢ ᱥᱟᱹᱨᱤᱭᱟ ᱿

========= ᱛ ========= 

৪।।

ᱦᱟᱹᱲᱩ ᱰᱟᱨᱭᱵᱷᱚᱨ

ᱥᱩᱵᱳᱫᱷ   ᱢᱟᱹᱨᱰᱤ

 

ᱦᱟᱹᱬᱩ ᱦᱟᱲᱟᱢᱮ ᱪᱟᱞᱟᱣ ᱢᱚᱴᱚᱨ ᱜᱟᱹᱰᱤ

ᱚᱠᱚᱭ ᱫᱚ ᱠᱚ ᱫᱮᱡᱚᱜ ᱾
ᱥᱤᱢ ᱥᱩᱠᱨᱤ ᱢᱮᱨᱚᱢ ᱵᱷᱤᱰᱤ
ᱥᱟᱱᱟᱢ ᱠᱚ ᱟᱯᱟᱡᱚᱜ ᱾

 

ᱦᱟᱹᱬᱩ ᱦᱟᱲᱟᱢ ᱠᱚ ‌ᱠᱩᱞᱤ ᱠᱮᱫᱮ
ᱚᱠᱟ ᱛᱮᱢ ᱮᱢ ᱤᱫᱤᱞᱮ ? 
ᱦᱟᱹᱬᱩ ᱦᱟᱲᱟᱢᱮ ᱞᱟᱹᱭᱟ
ᱪᱟᱹᱭᱪᱟᱢᱯᱟ ᱵᱟᱫᱟᱞᱤ ᱜᱟᱲ ᱛᱮ ᱾

 

ᱠᱟᱛᱷᱟ ᱟᱡᱚᱢ ᱠᱟᱛᱮ ᱥᱟᱱᱟᱢ
ᱫᱚᱢᱮ ᱠᱚ ᱨᱟᱹᱥᱠᱟᱹ ᱮᱱᱟ ᱾
ᱟᱯᱟᱱ ᱟᱹᱯᱤᱱ ᱚᱱᱠᱚ ᱥᱟᱱᱟᱢ
ᱫᱮᱡᱚᱜ ᱠᱚ ᱪᱷᱩᱴᱟᱹᱣ ᱮᱱᱟ 

========= ᱛ =========

৫।।

ᱥᱟᱱᱛᱟᱲᱤ ᱪᱤᱠᱤ ᱟᱲᱟᱝ (ᱚᱱᱚᱞᱼ᱒)

ᱥᱨᱤᱠᱟᱱᱛᱚ ᱥᱚᱨᱮᱱ

ᱟᱵᱳᱭᱟᱜ ᱡᱤᱣᱭᱤ ᱫᱚ ᱦᱟᱥᱟ ᱥᱟᱣ ᱛᱚᱯᱚᱞ ᱢᱮᱱᱟᱜ ᱼᱟ ᱿ ᱦᱟᱥᱟ ᱠᱷᱚᱱ ᱜᱮ ᱥᱟᱱᱟᱢᱟᱜ ᱵᱚᱱ ᱧᱟᱢ ᱮᱫᱟ᱿ ᱥᱮᱨᱢᱟ ᱫᱟᱜ ᱛᱮ ᱦᱟᱥᱟᱨᱮᱜᱮᱵᱚᱱ ᱪᱟᱥ ᱟ᱿ ᱟ.ᱞᱩ ᱵᱮᱸᱜᱟᱲ ᱦᱳᱲᱳ ᱜᱩᱦᱩᱢ ᱛᱩᱲᱤ ᱥᱟᱱᱟᱢᱜᱮ ᱦᱟᱥᱟᱨᱮ ᱦᱳᱭᱳᱜ ᱼᱟ᱿ ᱱᱚᱣᱟ ᱠᱚ ᱡᱚᱢ ᱠᱟᱛᱮ ᱟᱵᱳ ᱵᱟᱧᱪᱟᱣ ᱢᱮᱱᱟᱜ ᱵᱚᱱᱟ᱿ ᱟᱨ ᱱᱟᱱᱟ ᱼᱦᱩᱱᱟ.ᱨ ᱫᱟᱨᱮ ᱦᱚ ᱦᱟᱥᱟᱨᱮᱜᱮ ᱦᱳᱭᱳᱜ ᱼᱟ᱿ ᱫᱟᱨᱮ ᱠᱷᱚᱱ ᱡᱚ ᱵᱮᱞᱮ ᱮᱢᱟᱱ ᱧᱟᱢᱚᱜ ᱻᱟ᱿

             

ᱚᱛ ᱞᱟᱛᱟᱨ ᱨᱮᱜᱮ ᱟᱭᱢᱟ ᱜᱚᱱᱚᱝ ᱟᱱ ᱡᱤᱱᱤᱥ ᱛᱚᱯᱟ ᱢᱮᱱᱟᱜ ᱼᱟ ᱿ ᱯᱳᱱᱰ ᱦᱟᱥᱟ (ᱠᱷᱟ.ᱲᱤ ᱢᱟ.ᱴᱤ ) ᱟᱨ ᱦᱮᱸᱫᱮ ᱦᱟᱥᱟ (ᱠᱚᱭᱞᱟ) ᱵᱟᱱᱟᱨᱜᱮ ᱚᱛ ᱠᱷᱚᱱ ᱳᱰᱳᱠᱚᱜ ᱼᱟ ᱿ ᱱᱚᱣᱟ ᱠᱚᱫᱚ ᱦᱟᱥᱟ ᱠᱷᱚᱱ ᱛᱟᱲᱟᱶ ᱠᱟᱛᱮ ᱠᱚ ᱳᱰᱳᱠᱟ᱿ ᱫᱷᱤᱨᱤ ᱠᱷᱚᱱ ᱜᱮ ᱢᱤᱲᱷᱮᱫ ᱦᱚ ᱵᱮᱱᱟᱜ ᱼᱟ ᱿ ᱚᱛ ᱞᱟᱛᱟᱨ ᱨᱮ ᱫᱟᱜ, ᱞᱚᱥᱚᱫ ᱟᱨ ᱵᱟ.ᱞᱤ ᱦᱚ ᱢᱮᱱᱟᱜ ᱼᱟ ᱿ ᱟᱨ ᱢᱤᱫ ᱵᱟᱨ ᱡᱟᱭᱜᱟ ᱠᱷᱚᱱ ᱞᱚᱥᱚᱫ ᱥᱮᱸᱜᱮᱞ ( volcano) ᱦᱚ ᱳᱰᱳᱠᱚᱜ ᱼᱟ᱿ ᱦᱟᱥᱟ ᱨᱟᱯᱟᱜ ᱠᱟᱛᱮ ᱤᱴᱟ. ᱠᱚ ᱵᱮᱱᱟᱶ ᱼᱟ ᱿ ᱱᱚᱣᱟ ᱤᱴᱟ.ᱛᱮᱜᱮ ᱫᱟᱞᱟᱱᱵᱚᱱ ᱵᱮᱱᱟᱣ ᱼᱟ ᱿  

========= ᱛ =========

৬।।

তোয়ো আর গুঁডরিয়াঃ কৗওজৗ

সারি ধরম হাঁসদা

 

তোয়ো হৗও হৗও--, তোয়ো বৗটকুলাং!
গুঁডরি ছৗও ছৗও--, গুঁডরি মেলচাং !
গুঁডরি-তোয়ো কৗওজৗ দেলা 
                      ঞেল জংআ লাং।

 

গাতেঃ অৗকিন নেওতাঃ অৗকিন
                    জমআঃ নাপায় নাপায়,
ঘানে দ কিন আপাজ্ অৗকিন
                   চেটরে অকয় কানায় ?

 

তোয়োয় সোরায় গুঁডরি হানে
                     থৗরি তাসে দাকা,
গুঁডরি হানে তোয়োয় সোরায়
                    নানাহা হটঃ কাঁডা।

 

মেলোদাকিন চাটনা লুটি
                      জম দ বৗকিন গানা,
 সিবিল সড়ম অৗঁড়তি জমআঃ
                       হরহ তাঁহেয়েনা !!

========= ᱛ =========

৭।।

তাড়াম হর

বাড়তাং সরেন 

 

হরতে তাড়াম হান্তে নাতে
                  আয়মা লেকান  হর
রুকুড় ধিরি তহৎ ভিদৗড় 
                   একাল আলোম বতর।

 
অকারেদ সুজহি ডাহার 
                    অকারে কুড়বৗং,
অকারেদ সাকড়া ডাহার
               আরহঁ দাড়াং ঢিলয়ৗং।

  

আতো তালা  কুলহি কুচিৎ 
                       বলঃ ওডোং আঁট,
আরহঁ মেনাঃ লসৎ পেরেচ
                 তাড়াম রেদ লাট পাট।

  

অকারেদ ঞুঁততে পেরেচ
                    কাড়াং  কাড়াং হর
পৗওড়ি পিছৗ দয়িপ হেনাঃ
                    তাঁহেন হুয়ুঃ সন্তর।

 

 হর ডাহার রে তাড়াম লাহা
                   এতম কঁয়েম ঞেল
আর বাংখান তালা হর রেম
                লেবেদ দারাং সেঙ্গেল।

 

 তাড়াম হুয়ুঃ লাহাঃ লৗগিৎ
                    জিয়ৗৎ তাঁহেন ভর            
 এঁটকে টঁড়ে তাঁহেন রেহঁ
                 লাহাঃ আলোম বতর।

========= ᱛ ========= 

৮।।

হাঁড়ু

সুচাঁদ  হাঁসদা

  

মারাং  বাবুয়  বেনাও  কেদে  ,
লুতুর  বুচি  মেমেঃ ৷
রং  কেদেয়ায়  পাঁড়কু  হেঁদে  ,
তালা  বাবু  রামে ৷

 

হপন. বাবুয়  বেনাও  কেদা  ,
মেমেঃ  চুপি  বয়লাং ৷
বিটি  তালেয়  বেনাও  লেদা  ,
থুতমৗ  মচা  আলাং ৷

হেচ  এনাকো  পুড়সি  করেন  ,
ডেমকে  ডিঁবু  দাড়ু ৷
লৗই  কেদাকো  নুয়দ  সিনৗম  ,
টুয়লৗ  চুপি  হাঁড়ু ৷

========= ᱛ =========

৯।।

নেহর

সাকম সরেন 

 

সেতাঃ বেড়া 
বেরেৎ তরা। 
আমঠেনিঞ নেহর,
আমগে চাঁদো 
মৗনমি ক'দ 
দহকম চেহর বেহর। 

 

আল আড়িস্ 
চাল্ মে আশিস্ 
তাঁহেন মা'ক সুখ্ রে,
আমরে আরজ্ 
রৗস্কৗ রমঁজ্ 
দহকন দুলৗড় উমুলরে। 

 

বৗড়িজা'ক জাঁহাতিস্ 
চাল্ মে হুদিস্ 
উদুঃ আকমে হর, 
সনৎ ডাহারতে 
সোতোঃ কাতে 
ইদিকম সানাম হড়। 

========= ᱛ =========

১০।।

তিকিন তারাসিঞ

দুগাই টুডু

 

তিকিন তারা সিঞগে অনে
       একাল লল কানগে,
দিনৗম হিলোঃ নোন্‌কা লেকা
       বুজগে বাড়াঃ আনগে।

দারে বুটৗ সেনগে তাঁহেন
       হেনা গিদরৗ হপন,
গৗডিয়ৗ পুখরি দাঃরে গেদ
      আয়মা গেকো তোপোন।

 

দারে দনগে জটেৎ এনেচ্‌
     আদম ডাঁগরি গুপি,
অকয় কোদ তিরয়ো অরং
    অকয় জিরৗও হৗপি।

 

কুড়ি গিদ্‌রৗ টাঁডিরে হালাং
     দমে গুরিচ্‌ গঁয়ঠা,
দারে সাকাম আড়াঃ সিদ্‌গে
    ধুরৗও বাড়ায় গোটা।
 

মালা পোতাম কুকু ডুবুর
     ডাক্‌কো রাগা কোওয়া।
নিয়ৗ চিতৗর সৗরদি সিতুং
    ঞেলগে আদ হেওয়া।

========= ᱛ =========

 ১১।।

জজ বুটৗ 

 বিভূতি ভূষণ সরেন 

 

কুলহি ছাটকা জজ দারে 
        মেনাঃ রাংকা চাড়াং,
সিঁগৗড় তরা দারে ডৗররে 
       আঁজমঃ চেঁড়ে আড়াং। 

 

ঞিদৗ অকতে দারে লাতার 
         ঞুতগে ঘুঁট ঘুঁট ,
গিদৗর পিদৗর বাকো চালাঃ 
        মেনাক ভূত ভূত ।

বেড়া রাকাপ সেতাঃ তরা 
          চেঁড়েক হাদ হাদ,
নালহাঃ তুমৗল চালাঃ আক 
         উডৗঃক ফাদ ফাদ। 

 

সৗরদি সিতুং তিকিন বেড়া 
     সানাম গিদৗর ক জাওরাঃ,
সাকাম দানাং চেঁড়ে লেকা 
       রড়গে তাক রাঁওয়া। 

 

অকয় কদ খেলঃ কান 
        কিত কিত থা, 
আদম দ মেৎ তল কাতেঃ 
       ছোঁ মেরে যা।। 

========= ᱛ =========

১২।।

 অঁড়হেঁতে  A B C D

রামলাল টুডু

 

       A  B  C
বহঃ রে তিঞ সি ।
       D  E  F
ঢেকার তুদুঃ অৗব্ ।
       G  H  I
বাহা তায়ম সহরায় ।
       J  K  L
জেলেঞ গৗডি রেল ।
       M  N  O
অৗথৗড়ি বাবো থোয় ।
       P  Q  R
সাপাপ্ তাবো আঃ সার ।
       S  T  U
রাবাং সিবিল উয়ু ।
       V  W  X
নাপায় গেত বেশ ।
         Y  Z
বহঃ তামদ হেড ।

========= ᱛ =========

১৩।।

বাংবন আড়িশঃ

দুলৗড় বিটি

 

গ-বাবা আর মারাং হড়াঃ
       কাথা বন আঁজমা,
যাঁহা লেকাকো মেতা বনা
      অনকা গেবন আঁজমা।

অলঃ পাড়হাঃ ঞু জমরে
      বাংবন আড়িশঃ আ।
এনেচ্‌ সেরেঞ খেলোড রেহঁ
      বাংবন কাঁহিশঃ আ।

 

মারাং হড়াঃ কাথা তেগে
       হাপেন মারাং আ,
ওনকো দিসৗ কাথা তেগে
       হাপেন লাহাও আ।

    ***** মুচৗৎ *****