লালগড় কলেজ রে ইতিহাস (অনার্স) সাতাম রেনাঃ কুকলি সাকাম বাংলাতে চেদাঃ- অভিযোগ মহলাঃ

আবোওয়াঃ ওয়েব পেজ- লালগড় কলেজ রে ইতিহাস (অনার্স) সাতাম 1^st Semister-2021 রেনাঃ  Internal Assessment কুকলি সাকাম বাংলাতে এম হুয় আকানা। নওয়া লৗইতে ভারত জাকাত মাঝি পারগানা মহলাঃ অভিযোগ সানতাড়ি মিডিয়াম কলেজ হুয় কাতে রেহঁ চেৎ লেকাতে পৗঠুওয়ৗ কো বাংলাতে কুকলি সাকাম এম হোয়োঃ কানা। সানতাড়ি মিডিয়াম রেনাঃ সানাম কুকলি সাকাম তায়ম দারাম অলচিকিতে হুয় রেনাঃ দাবী হঁক দহ কেদা। অনা রেনাঃ রড়দারাম ইদিকাতে হলা ৯ এপ্রিল ভারত জাকাত মাঝি পারগানা মহল সদর তল্লাট পাহটা খন কলেজ রেন প্রিন্সিপাল মিৎ চিঠি সাকাম কো এমাদেয়া। অনা রেনাঃ তেলারে প্রিন্সিপাল লৗইকেদা বাংমা যাঁহা হুয় পারম আকানা অনাতো আর বাং রুওয়ৗড়া, তবে দারায় কান দিনরে নংকা বাং হোয়োঃআ মেনতেহঁয় বাতাও আকাদা। মহল পাহ্‌টা খনহঁ সাফাসাফি বাডায় হোচো হোয় আকানা নংকাগে বারবার ভুল হুয় লেনখান সানতাড়ি মিডিয়াম কলেজ পৗঠুওয়ৗ কোওয়াঃ আগাম রেনাঃ কাথা উইহৗর কাতে মহল আডি মারাং আঁদোড় তে বাধ্য তাঁহেনায়।

নোওয়া মাড়াং হঁ লালগড় গভঃ জেনারেল ডিগ্রী কলেজ রে ইতিহাস আর পলিটিকেল সায়েন্স স্ট্রিমরে সানতাড়ি মিডিয়াম বদলতে অলচিকি মিডিয়াম অল হুয় লেনা মেনতে অভিযোগ আকাদায় ওয়েস্ট বেঙ্গল সিডিউল্ড ট্রাইব ওয়েল ফেয়ার অ্যাসোসিয়েশন রেন সেক্রেটারী মানতান পারশাল কিস্কু। আর নোওয়া আডি লগন গে পালটাও রেনাঃ বন্দেজ হোয়োঃমা অনা দাবীহঁ অ্যাসোসিয়েশন পাহ্‌টা খন কলেজ প্রিন্সিপাল ঠেন কো দহ আকাদা।