(ᱦᱩᱰᱤᱧ ᱢᱟᱪᱷᱟ ᱠᱟ.ᱦᱱᱤ)
ᱦᱟᱣᱞᱟᱛ
ᱜᱳᱯᱮᱥᱣᱚᱨ ᱢᱟ.ᱱᱰᱤ
ᱢᱤᱫ
ᱫᱷᱟᱣ ᱢᱟᱜᱽ ᱵᱚᱸᱜᱟ ᱯᱟᱨᱚᱞ ᱜᱳᱲᱟ ᱨᱮᱱ ᱵᱚᱨᱱᱟᱞᱤ ᱡᱟᱢᱟᱭ ᱚᱲᱟᱜ ᱠᱷᱚᱱ ᱞᱚᱣᱟᱰᱤ ᱵᱚᱨᱥᱟ ᱴᱷᱮᱱ ᱚᱲᱟᱜ
ᱵᱮᱱᱟᱣ ᱞᱟ.ᱜᱤᱫ ᱴᱟᱠᱟ ᱦᱟᱣᱞᱟᱛ ᱦᱟᱛᱟᱣ ᱮ ᱦᱮᱡ ᱮᱱᱟ ᱾ ᱚᱸᱰᱮ ᱫᱚ ᱵᱚᱨᱥᱟᱣᱟᱜ ᱡᱟᱢᱟᱭ ᱚᱲᱟᱜ ᱾ ᱩᱱᱠᱤᱱ
ᱫᱚ ᱤᱥᱠᱩᱞ ᱨᱮ ᱟᱰᱤ ᱜᱟᱛᱮ ᱠᱤᱱ ᱛᱟᱸᱦᱮ ᱠᱟᱱᱟ ᱾ ᱟ.ᱰᱤ ᱥᱤᱵᱤᱞ ᱥᱚᱲᱚᱢ ᱜᱩᱲ ᱜᱚᱛᱚᱢ ᱞᱮᱠᱟ ᱜᱟᱛᱮ
ᱥᱟ.ᱜᱟ.ᱭ ᱛᱟᱸᱦᱮ ᱠᱟᱱ ᱛᱟ.ᱠᱤᱱᱟ ᱾ ᱮᱱᱮ ᱜᱮ ᱵᱟᱱᱟ ᱦᱚᱲᱟᱜ ᱵᱟᱯᱞᱟ ᱦᱩᱭ ᱟᱠᱟᱱᱟ ᱾ ᱜᱤᱫᱟ.ᱨ ᱯᱤᱫᱟ.ᱨ
ᱫᱚ ᱟ.ᱣᱨᱤ ᱠᱚ ᱦᱩᱭᱩᱜ ᱛᱟ.ᱠᱤᱱᱟ ᱾ ᱩᱱ ᱫᱚ ᱢᱤᱫ ᱥᱮᱨᱢᱟ ᱦᱚᱸ ᱵᱟᱯᱞᱟ ᱟ.ᱣᱨᱤ ᱦᱩᱭᱩᱜ ᱛᱟ.ᱠᱤᱱᱟ ᱾
ᱵᱚᱨᱱᱟᱞᱤ ᱫᱚ ᱵᱚᱨᱥᱟ ᱡᱟᱢᱟᱭ ᱚᱲᱟᱜ ᱦᱚᱲ ᱫᱚᱠᱚ ᱩᱨᱩᱢ ᱮ ᱜᱮᱭᱟ ᱾ ᱞᱟᱦᱟ ᱛᱮᱭ ᱦᱮᱡ ᱥᱮᱱ ᱟᱠᱟᱱᱟᱭ ᱾
ᱵᱚᱨᱥᱟ ᱡᱟᱢᱟᱭ ᱫᱚ ᱪᱟ.ᱠᱨᱤᱭ ᱛᱮᱭ ᱰᱷᱮᱨ ᱚᱠᱛᱚ ᱜᱮ ᱵᱟ.ᱭ ᱨᱮ ᱨᱮᱭ ᱛᱟᱸᱦᱮᱱᱟ ᱾ ᱚᱱᱟ ᱛᱮ ᱵᱚᱨᱱᱟᱞᱤ ᱫᱚ
ᱴᱟᱠᱟ ᱦᱟᱣᱞᱟᱛ ᱦᱟᱛᱟᱣ ᱞᱟ.ᱜᱤᱫ ᱵᱚᱨᱥᱟ ᱟᱡ ᱦᱚᱧᱦᱟᱨ ᱮ ᱢᱮᱛᱟᱣ ᱟᱫᱮᱭᱟ ᱾ ᱦᱚᱧᱦᱟᱨ ᱛᱮᱫ ᱫᱚ ᱵᱚᱨᱱᱟᱞᱤ
ᱪᱮᱛᱟᱱ ᱨᱩᱣᱟ.ᱲ ᱠᱟᱜ ᱟᱭ ᱢᱮᱱ ᱛᱮ ᱯᱟ.ᱛᱭᱟ.ᱣ ᱵᱟᱝ ᱦᱮᱡ ᱟᱫᱮᱭᱟ ᱾ ᱚᱱᱟ ᱵᱮᱜᱚᱨ ᱟᱡ ᱥᱟᱶ ᱛᱮ ᱟᱡ
ᱡᱟᱢᱟᱭ ᱦᱚᱸ ᱵᱟᱭ ᱦᱮᱡ ᱞᱮᱱᱟ ᱾ ᱜᱤᱫᱟ.ᱨ ᱯᱤᱫᱟ.ᱨ ᱦᱚᱸ ᱟ.ᱣᱨᱤ ᱠᱚ ᱦᱩᱭᱩᱜ ᱛᱟᱭᱟ ᱾ ᱚᱱᱟ ᱛᱮ ᱵᱚᱨᱱᱟᱞᱤ
ᱪᱮᱛᱟᱱ ᱯᱟ.ᱛᱭᱟ.ᱣ ᱵᱟᱝ ᱛᱮ ᱴᱟᱠᱟ ᱫᱷᱟᱨ ᱵᱟᱝ ᱮ ᱮᱢᱟᱣ ᱟᱫᱮᱭᱟ ᱾ ᱱᱚᱣᱟ ᱫᱚ ᱵᱚᱨᱥᱟ ᱵᱟᱭ ᱥᱟᱦᱟᱣ
ᱫᱟᱲᱮᱣ ᱟᱫᱟ ᱾ ᱟ.ᱰᱤ ᱠᱚᱥᱴᱚᱭ ᱵᱩᱡᱽ ᱠᱮᱫᱟ᱾
ᱵᱚᱨᱥᱟ ᱟᱡ ᱡᱟᱢᱟᱭ ᱴᱷᱮᱱ ᱯᱷᱳᱱ ᱠᱟᱛᱮ ᱴᱟᱠᱟ ᱦᱟᱣᱞᱟᱛ ᱵᱟᱝ ᱮ ᱮᱢᱟᱣ ᱟᱫᱮᱭᱟ ᱢᱮᱱ ᱛᱮ ᱞᱟ.ᱭ ᱟᱫᱮᱭᱟᱭ ᱾ ᱟᱫᱚ ᱩᱠᱩ ᱩᱠᱩ ᱛᱮ ᱟᱡ ᱴᱷᱮᱡ ᱑᱐᱐᱐ ᱴᱟᱠᱟ ᱛᱟᱸᱦᱮ ᱠᱟᱱᱟ,ᱚᱱᱟ ᱜᱮ ᱟᱡ ᱡᱟᱢᱟᱭ ᱞᱟ.ᱭ ᱠᱟᱛᱮ ᱮ ᱮᱢᱟᱣ ᱟᱫᱮᱭᱟ ᱾
ᱴᱟᱠᱟ ᱦᱟᱣᱞᱟᱛ ᱮᱢ ᱠᱟᱛᱮ ᱟ.ᱰᱤ ᱫᱤᱱ ᱦᱩᱭ ᱮᱱᱟ ᱾ ᱴᱟᱠᱟ ᱨᱩᱣᱟ.ᱲ ᱨᱮᱱᱟᱜ ᱧᱩᱛᱩᱢ ᱜᱮ ᱵᱟᱭ ᱦᱟᱛᱟᱣᱟ ᱾ ᱵᱟᱨ ᱯᱮ ᱫᱷᱟᱣ ᱠᱷᱚᱭ ᱠᱟᱛᱮ ᱦᱚᱸ ᱵᱚᱨᱱᱟᱞᱤ ᱴᱟᱠᱟ ᱵᱟᱭ ᱨᱩᱣᱟ.ᱲ ᱟᱠᱟᱫᱟ ᱾ ᱯᱷᱳᱱᱟᱭ ᱨᱮᱸᱦᱚ ᱵᱟᱭ ᱨᱟᱠᱟᱵᱟ ᱾ ᱟᱡ ᱢᱟ ᱵᱟᱝ ᱜᱮᱭ ᱯᱷᱳᱱ ᱾ ᱦᱟᱴ ᱵᱟᱡᱟᱨ ᱦᱚᱨ ᱠᱚᱨᱮ ᱵᱚᱨᱥᱟᱭ ᱧᱮᱞ ᱞᱮᱠᱷᱟᱱ ᱩᱠᱩᱜᱼᱟᱭ ᱾ ᱚᱱᱠᱟ ᱚᱱᱠᱟ ᱫᱤᱱ ᱫᱤᱱ ᱛᱮ ᱜᱟᱛᱮ ᱥᱤᱵᱤᱞ ᱥᱟ.ᱜᱟ.ᱭ ᱑᱐᱐᱐ ᱴᱟᱠᱟ ᱦᱟᱣᱞᱟᱛ ᱦᱚᱛᱮ ᱛᱮ ᱢᱩᱪᱟ.ᱫ ᱮᱱᱟ ᱾ ᱟᱫᱚ ᱱᱮᱛᱟᱨ ᱵᱚᱨᱥᱟ ᱢᱚᱱᱮ ᱢᱚᱱᱮ ᱛᱮᱭ ᱩᱭᱦᱟ.ᱨᱟ ᱦᱟᱣᱞᱟᱛ ᱮᱢ ᱠᱟᱛᱮ ᱜᱮ ᱤᱧᱟ.ᱜ ᱦᱤᱲᱤᱡ ᱦᱩᱭ ᱟᱠᱟᱱᱟ ᱾ ᱩᱱ ᱨᱮ ᱴᱟᱠᱟ ᱵᱟ.ᱝ ᱮᱢᱟᱭ ᱠᱷᱟᱱ ᱯᱟᱞᱮᱱ ᱜᱟᱛᱮ ᱥᱟ.ᱜᱟ.ᱭ ᱫᱚ ᱡᱤᱭᱟ.ᱲ ᱛᱟᱸᱦᱮ ᱠᱚᱜ ᱜᱮ ?
.webp)
.webp)
