পালু টুডু পাতা নেশহঁ থুকুম তাঁহেয়েনা

আবোওয়াঃ ওয়েব পেজ- পুরুলিয়া জিলৗ মানবাজার ২নং ব্লক বোরো থানারেনাঃ বুরুডি পাতা ডৗহিরে ৩রা বৗ   ইশাখ ( ১৭/০৪/ ২০২১) যাঁহা “পালু টুডু পাতা” সেরমাকে সেরমা হুয় হিজুঃ কান তাঁহেকানা অনাদ ধৗরতি জাকাত করোনা ( SARS-COV-2) ভাইরাস খৗতির নেশহঁ থুকুম তাঁহেন কানা মেনতে বাডায় আকানা। যাঁহা পাতা রেনাঃ আর মিৎ ঞুতুম বর পাতা। নোওয়া ডগর দ “পালু টুডু পাতা” কুমুট পাহ্‌টা খন মানতান সুৎরেৎ গোমকে রামেশ্বর হেম্ব্রম আর মানতান পারসেৎ গোমকে বিশ্বনাথ টুডু তৗকিন মিৎ বেওরা সাকাম তালাতে দিসম হড় কিন বাডায় অচো আকাৎ কোওয়া। চালাওয়েন সেরমাহঁ নোওয়া মিৎ অজে তেগে হৗপিদ্‌ তাঁহেকানা।

নঁতে রামপুর রুনুঝুনু গাঁওতা পাহ্‌টা খন ‘বর পাতা’ ঞুতুমতে যাঁহা মিৎ হ্যান্ডবিল সোশ্যালমিডিয়ারে পাশনাও লেনা অনাদ মিছৗ গেয়া মেনতে আর ‘বর পাতা’ থুকুম তাঁহেন কানা মেনতেহঁ মিৎ ঞেতেল তালাতে দিসম রেন গায়ান আর পাতা এনেচ্‌ দল সাঁওতে সানাম ঞেঞেলিয়ৗ কোঠেন দুখ সদর কাতে বাডায় অচো আকাৎ কোওয়ায় গাঁওতারেন সহ- সভাপতি মানতান আদিত্য টুডু গোমকে।