(হুডিঞ মাছা কৗহ্নি)
সন্তর
আকাশ মুরমু
এয়া এ পাঁচু গড়ম ,অকাম চালা:কানায়া, সেতাঃরে আটুপৗটু সাপড়াও কাতেৎ। ও য়া ও হিসিৎ গড়ম ! বাম বাড়ায়াসেয়া , তেহেঞ দ মঙ্গলবার হাট ,অনতেগেঞ রাকাব কানা। আচ্ছা আমদয়া তিসেম হেচ,, এনা কলকাতা খন ,সে পাড়হাওকম মুচৗৎ আগুকেদা। বাংয়া গড়ম জীওয়ি তাঁহেন খান পাডহাও দ হুয়ুঃগেয়া। করোনা আজার বতরতেয়াঞ দৗড় কেদা ,আডিতেদগে জোরতে পাশনাঃ কানা । আর আমাঃ দ মাস্ক কদ উকুরয়া ,আর হাটেম চালাঃ কানা ,নে-নে কৗটিজ সেনিটাইজ লেনমে । এয়া গড়ম ,আলেদ রেঙ্গেজ অড়েজ হড় করোনান-ফরোনা দ বাং হুয় আলেয়া। আর বালে কৗমি খান জমালে চেদ ? কাথামা ঠিক গে গড়ম ,তবে বাড়ায়াম করোনাদ রেঙ্গেজ অড়েজ চিলিগে বায় বাছাওয়েদ কোয়া ,অকয়াঃ সাহেদ্রেয়ে বাসা মেনায়া ,অকয়াঃ হড়মো,দত,পেন্ট সে গৗডি মটর রে বাসা মেনায়া, ঞেলঃ রেসেম চিনহৗওয়েয়া। এনহঁ নিজে সন্তর কাতেৎ মাস্ক আর সেনিটাইজার বেওহার কাতেৎ হিজুঃ সেনঃগে লৗগতি কানা ।
বাড়ায়াম গড়ম বতর হচঃ লৗগিদতেদ বৗঞ মেনদা , সৗরি কাথাঞ লৗইয়াম কানা ,করোনা দ রূপ বদল কাতেয় হিজুঃ কানা ,SARS CoV2 ডেন্জার রুপতেয় পাশনাঃ কানা। দিশম দিশমরেন বিজ্ঞানী ক কৗরিঘাম চাবাঃ কানা ,এনহো টেকাও দারাম রেনাঃ পান্থা বাকো ঞামেদা। নিত ধৗবিজ মাস্ক, সেনিটাইজার আর সন্তর তাঁহেন ছাড়া অকা পান্থাগে বৗনুঃ আনা।
এয়া গড়ম আডি বতর গেদোয়া, তো গড়ম পাশনাঃ কানা চিকৗতে , টেকাও দারাম পান্থা গেবাং চেৎ ? হঁ গড়ম ! নোওয়া আজার দ হড় খন হড়রে পাশনাঃ কানা ,হুয় আকান হড়াঃ সাঁহেদ খন, হুয় আকান হড় যাঁহারেয় দুড়ুব লেনা সে যাঁহানাঃ এয় জটেদ লেদা আর অঁডে বেশ হড়ে দুড়ুব সে জটেদ লেখান, ভাইরাস ক তাঁহেন খান লাঠা হায়া ,আর যাঁহা কাতেৎ অনা ভাইরাস লাঠা জায়গা, তি সে জদঃ লুগড়িচ্ হঁ হুয় দাড়েঃ আ, অনা মু সাঁহেদ সুর বাখান মচা করে ,লুটি করে ,আলাং করে জটেদ লেনখান ভাইরাস আবোওয়াঃ হড়মো রেয় বলো দাড়েয়াঃ আ। যাঁহায়াঃ হড়মো দাড়ে কম গেয়া,উনকো দ মিদ বার দিন তায়োম খানগে রুওয়ৗ, রুওয়ৗ, রহড় খুঃ,লাঙ্গা লাঙ্গা ক বুঝৗওয়া ,আরহঁ হটঃ হৗ সু,ডৗইরিয়ৗ ,স সে জম রে সিবিল বাং ঞাম ,বহঃ হৗসু এমানাঃ কহ বুঝৗঃ আ। মাস্ক হরঃ,সেনিটাইজার বেওহার ,সাবন তে মঁজতে আরুব সাফা ,রড় রপড় অক্তে ৫/৬ ফুট সাঁগিঞ ফারাক তাঁহেন ,আন্থাড়িয়ৗ হৗনি নৗই সাঁও জটেদঃ ,লৗগতি বাখান গাদেলরে বলঃ দ আজার হহোয়ায় সমান গেয়া। গড়ম, সন্তর তাঁহেন বেগর পান্থা দ বৗনুঃ আনা ।
.webp)
.webp)
