আবোওয়াঃ ওয়েব পেজ- দিশম জাকাত কোভিড-১৯ করোনা আজার দ চালাওয়েন সেরমা খন নেশদ আরহঁ বৗ ড়তি কায়তে ঞেলঃ কানা। গোটা দিসম রেগে নিৎ করোনা রেনাঃ দশার ধাপ্ চালাঃ কানা। যাঁহারে সেঁগেল হুদ্গৗ ও রাকাপ্ লেকা করোনা আজার ঢের খন আরহঁ ঢের ইদিঃ কান গেয়া। নোওয়া আজার টেকাও দারাম আর নওয়া শিকড়ি তপাঃ রেনাঃ লৗগ্তি মেনাঃ আ মেনতে ঝাড়খন্ড সরকার দ মিৎ হাপ্তা রেনাঃ লক ডাউন এ জৗ রি কেদা। হলা ২২ এপ্রিল, সেতাঃ ৬ বাজা খন গে ঝাড়খন্ডরে লক ডাউন এহপ আকানা, নোওয়া লক ডাউন চালাঃ এ দারায় কান ২৯ এপ্রিল, সেতাঃ ৬ বাজা হৗবিচ্। নোওয়া হাপ্তা দ হড়ম বাঞ্চাও হাপ্তা মেন তেহঁয় ঞুম ভিনৗ কেদা।
নোওয়া লক ডাউন মানাও বাতাও লৗগিৎ সানাম ঝাড়খন্ড রেন হড় ঠেন নেঁহর এ দহ কেদা মানতান মুখিয়ৗ মন্ত্রী হেমন্ত সরেন। সাঁওতে মানতান সরেন আরহঁয় লৗই তরা কেদা বাংমা লৗগতি বেগর অড়াঃ খন অডক দ মানা গেয়া, মঁড়ে গটাং হড় খন বৗড়তি মিৎ ঠেন জাওরা হঁ মানা গেয়া, সুনুম-বুলুং আর রান দকান লেকান লৗ গ্তিয়ানাঃ দকান বেগর আর কদ সানামাঃগে বনদ তাঁহেনা। ইস্কুল, কলেজ, আপিস আদালত হঁ সানাম গে বনদ তাঁহেনা। ধরম ঠাঁও কো ঝিচ্ তাঁহেন রেহঁ ভক্ত হিজুঃদ মানা গেয়া।
সানাম কোওয়াঃ গড় তেগে নংকান মাহামারী আজার নোওয়া পনৎ খন লাগা ডিগলৗওয়েয়া মেনতেহঁ গৗ হির পৗতিয়ৗও এ দহ কেদা মানতান মুখিয়ৗ মন্ত্রী।
.webp)
.webp)
