আবোওয়াঃ ওয়েব পেজ- পারমেন ২৫ এপ্রিল, বঁগা তালায়েনায় ঞুতুমান পৗরশি দুলৗড়িয়ৗ নবীন মান্ডি। উমের দ হুয় লেন তায়া ৮৩ বছর। বাডায় আকানা উমের হামাল তেগে ঝাড়গ্রাম জিলৗ বিনপুররেনাঃ চুয়াশুলি আয়াঃ জানাম আতোরেগে বঁগা তালায়েনায়।
বাডায় আকানা উনিদ গুরু গোমকে পন্ডিত রঘুনাথ মুরমু রেন মিৎ দুলৗড়িয়ৗ গাতেয় তাঁহেকানা। উনিদ কলকাতা ন্যাশনাল লাইব্রেরী রেন সিনিয়র অ্যাসিস্ট্যান্ট কাতে জিরৗও লেন তাঁহে। অঁডে তাঁহেনতে আডিদিন সানতাড়ি পৗরশি চারচাও সাঁওতে জপড়াও এ তাঁহেকানা। মিৎ অক্তে সাঁওতা সেচেৎ লাকচার সেমলেৎ (আসেকা) পছিম বাংলা চাঁগারেন সুৎরেৎ গোমকে রেনাঃ আঁগিভার এ গঃ লেদা সাঁওতে মারেয়িচ্ সভাগোমকে হঁয় তাঁহেকানা।
নবীন মান্ডি রেন বয়হা ডাঃ গোবর্ধন মান্ডি লৗই সাডে কেদায় বাংমা - আসেকা খন উছৗন ‘যুগ জারপা’ পাথাম রেন পোয়লো সাসাপাড়াওয়িচ্ এ তাঁহেকানা। নবীন মান্ডি দাঃ দড়মেনতে গৗহির দুখ সদর কাতে ঞুতুমান সাঁওহেদিয়ৗ সারি ধরম হাঁসদা লৗই কেদায়- পন্ডিত রঘুনাথ মুরমু সাঁওতে আডিদিন অলচিকি পাশনাও রে কৗমি লেদায় নবীন বাবু।
.webp)
.webp)
