(হুডিঞ মাছা কৗহ্নি)
লক ডাউন রেনাঃ লৗড়হৗই
দুলৗড় বিটি
কোভিড-১৯ রেনাঃ বতরান আজারতে গোটা ধৗরতি জাকাত লক ডাউন চালাঃ
কানা। আর নোওয়া লক ডাউন যাঁহা তিনৗ বাড়হাও চালাঃ কানা উনৗঃগে মৗনমি তালারে যাঁহান অজে
তেগে কৗইজৗ-খৗপৗরি-লৗড়হৗই-তাপাম দিনৗম হিলোঃ যাঁহারে বাং যাঁহারে হোয়োঃ কান গেয়া। অকয়
অকারে রেশন কম ঞামতে,অকয় মাস্ক বাং হরঃতে, অকয় সোস্যাল ডিস্টেন্স বাং মানাও তে পুলিশ
সাঁও লৗড়হৗই, রাজঅৗরি দল কো মুদ্রে অকয়দ গদি ঞাম লৗগিৎ অকয়দ গদি বাঞ্চাও লৗগিৎ। নঁতে
আরহঁ হয় ভান্ডোতে অটাং আকান অড়াঃ দুওয়ৗর রেনাঃ সরকারি হৗটিঞ ঞাম রেনাঃ লৗড়হৗই সানাম
হড়াঃ মেৎ রেগে ঝালকাও আকানা।
ইনৗ হিলোঃ দ তাঁহেকানা সোমবার। সোর-সোপোর আতোরেন হড় অনা হিলো
দ হাট বার কো মানাওয়া। ইনৗ হিলঃ দ সানাম হড়াঃ অড়াঃ করেগে সিঁড়িচ্ উতু-দাকা
রেনাঃ কাথা কান গেয়া। মনে কহঁ অকালেকা চং রৗস্কৗ রৗ স্কৗ আনাওকৗই। হাপ্তা রেনাঃ হাটবার মেনতে কাথা।
মিত ঘৗড়িচ্ তায়ম খানগে ঝুগড়ু তেকো অড়াঃ সেন খন কৗউমৗউ গুল
আঁজম হেচ্ এনা। বিজন মাচেৎ গোমকেয়াঃ লুতুররেহঁ অনা গুল তারকোয়েনা। আদ থির বায় তাঁহে
দাড়েয়াদা। চালাঃ এ গটা কেদা। উন অক্তগে পাড়হা দুড়ুপ আকান সিমতিয় মেন কেদা- অকাতে বা
? আমদ পাড়হা হাতাড়ঃ মে, ইঞ নিত্ গিঞ রুওয়ৗড় হিজুঃ কানা, বিজন মাচেৎ এ মেন কেদা। সিমতি
অকালেকাতে চয় বুঝৗও ঞাম কেৎ, আদয় মেন কেদা- ঝুগড়ু হপনবা তেকোমা নেতার সোমবার কে সোমবার
কো লৗড়হৗইয়ৗ। বিজন মাচেৎ এ মেন কেদা তাই সে চেৎ ? সিমতিয় মেন কেদা- আমদ বাম বাডায়তে
? আলেদ ঝত হড়লে বাডায়া।
.webp)
.webp)
