আবোওয়াঃ ওয়েব পেজ- ভারত জাকাত মাঝি পারগানা মহলাঃ মঁড়েয়ানাঃ ন্যাশনাল কনফারেন্স ৩-৪ এপ্রিল ঝাড়খন্ড হাজারিবাগ জেলা রেনাঃ সুরজকুন্ড ধাম বারকাট্টারে হুয় পারমেনা। নোওয়া কনফারেন্স রে আসাম, উড়িষ্যা, বিহার, বেঙ্গল আর ঝাড়ঝন্ড পনৎ রেন মাঝি বাবা, পারগানা বাবা, পারানিক বাবা, গোডেৎ বাবা, মাঝি হপন, মাঝি এরা সাঁওতে আয়মা সাঁওতা সুসৗরিয়ৗ কো সহর সেটের লেনা। সাঁগিন দিশম করে খনহঁ আয়মা বাস গাডি রিজার্ভ কাতে কো সেটের লেনা। নিয়ৗবার আঃ দিশম দুপড়ুপ এটাঃ মিৎ রুপ এ ঞাম কেদা মেনতেহঁ আয়মা হড়াঃ মচা রেগে গুরলৗঃ কানা।
বাডায় আকানা নোওয়া কনফারেন্স রে পনৎ করে খন ৩০০০ মাড়তে কো সেটের লেনা। সাঁওতা রেনাঃ আরিচৗ লি,বঁগাবুরু, আর মহলাঃ কৗউডি মুরৗই কেটেজ এমান ইদিকাতেকো গাপালমারাও কেদা। মেনখান আয়মা হড়াঃ ধরম ইদিকাতে আঁশ তাঁহেলেন রেহঁ অনা লৗইতেদ অনকা চেৎহঁ বাং গালচ লেনা। তবে সাঁওতারে অল দহ রেনাঃ কাথা বৗড়তি ঠাঁও এ ঞামা মেনতেহঁকো গালচ তরা কেদা।
কনফারেন্স রে ভারত জাকাত মাঝি পারগানা মহল রেন দিশম পারগানা বাছনাও আর সাপাপ তি ক আরুফেরাও কাতে মহল চাচালাও কো গটা বাছনাও এনা যেলেকা - ১। মানতান রামচন্দ্র মুরমু- দিশম পারগানা, ২। মানতান সুকচাঁদ সরেন- দিশম জগ পারগানা, ৩। মানতান বাদল কিস্কু- দিশম পারানিক, ৪। মানতান দাখিন কিস্কু দিশম জগ পারানিক, ৫| মানতান লধিয়া মাঝি - দিশম গডেত, ৬। মানতান যীষু রাম টুডু- দিশম জগ গডেৎ, ৭। মানতান রাজেন টুডু-দিশম সুসৗরিয়ৗ আর ৮। মানতান ডাঃ সমীরন মান্ডি দিশম সুসৗরিয়ৗ মেনতে দিশম তালারেকো সদর এনা।
.webp)
.webp)
