মানতান সাসাপড়াওইচ, আবোওয়াঃ কাথা
সিঁঙ্গিমাহা সাকাম ' চেরেচ আড়াং ' ।
লেখা-৩২
৫ এপ্রিল,২০২১
তুলৗজখা- শ্রী কা ন্ত স রে ন
১. সেঁন্দরা
সুবুদিয়া মূর্মূ
সুবুদিয়া মূর্মূ আঃ ' সেঁন্দরা ' গিদরৗ কওয়াঃ মনেরে দাড়েয় সারসাও আ। অনড়হেঁ রেনাঃ ছন্দহঁ সেঁন্দরা সাঁও জড় আকানা।
২. বঁগা হিস
গোপেশ্বর মান্ডি
চেতান-লাতার থকরে ছন্দ সাঁও জড় কাতে, পরকীতি রেনাঃ আহলাতে অল ' বঁঙ্গা হিস ' মিৎ নাপায় অনড়হেঁ।
৩. ইঞ দুঞ কুশিয়াঃ আ
এভেন কুয়লী সরেন
এভেন কুয়লী সরেন আঃ ' ইঞ দুঞ কুশিয়াঃ আ ' আডি গান জথাত কানরেহঁ, মিৎবার দ লুতুরতে আঁজম বাং ঠিক আইকাঃ কানা। যে লেকা: ' দিকু তালা .....গরব ' । আর একাল লাতার থক দ,গিদরৗ মনেরে বাং বল হচ আঃ খান জৗনিচ আডি নাপায় হোয় কঃ আ।
৫. বাহা বঁগা
সারি ধরম হাঁসদা
বাহা বঁগারে হৗড়িয়ৗর ধৗরতি রে যে লেকা মিৎটাং আরুফেরাও রূপ ঞেল ঞামঃ আ ; অনা রেনাঃ আহ্লা চেঁড়ে চুপরু আর মানওয়া মনেরে জাদ্গোঃ আ। সারি ধরম হাঁসদা আঃ ' বাহা বঁগা ' অনা কাথাগেয় , লৗই আকাদা। ছন্দ রেনাঃ মৗন হঁ জথাতগেয় দহ আকাদা।
৬. মাতকম হালাং
বাড়তাং সরেন
বাড়তাং সরেন আঃ মাতকম রাসা হেড়েম গেয়া। ছন্দহঁ হেড়েম মাতকম লেকাগে। অনড়হেঁ রেনাঃ মিৎটাং থার ঞুম লেকানাঃ। ' রৗস্কৗ তেক ঞু জং একাল বাক রেপেচ ' ।
৭. পিয়াং পায়াং
দুগাই টুডু
মানতান দুগাই টুডু গমকে সেতাঃ পায়ার রেনাঃ চিতৗর নাপায় গেয় বরনন আকাদা। কুরুমুটু আকাদায় ছন্দ কহঁ জড় রেনাঃ। মেনখান নুই আঃ ' পিয়াং পায়াং ' অৗড়ৗ দ বাং ঠিক গে আটকারেনা।
৮. মুরুৎ বাহা
সনাতন টুডু
সনাতন টুডু আঃ ' মুরুৎ বাহা ' ছন্দ সাঁও জেঁগেৎ-জেঁগেৎ নাপায় গে সাড় আকানা।
৯. বাহা বঁগা
বিভূতিভূষণ সরেন
বিভূতিভূষণ সরেন আঃ ' বাহা বঁগা ' নাপায় গেয়া। মেনখান একাল মুচৎ থকরেনাঃ ছন্দ দ বাং নাপায়া।
১০. বেরেল উল ( কাঁচা আম )
তর্জমা - কিস্কিন্ধা মুরমু
মানতান অনলিয়ৗ কিস্কিন্ধা মুরমু আঃ তরজমা পাড়হাও হোয়েনা। আসল অনড়হেঁ বাং পাড়হাও খৗতির জথাত সাঁওহেৎ রাসা বাং ঞাম লেনা।
১১. নেঁহর জোহার
দুলৗড় বিটি
দুলৗড় বিটি আঃ ' নেঁহর জোহার ' আতাং লেকানাঃ। নওয়া নেঁহর জোহার গিদরৗ কওয়াঃ চুরিত গড়হন রে রান লেকায় কৗমিয়া।
.webp)
.webp)
